ایل ڈبلیو ای(بائیں بازو کی انتہا پسندی) کے مسئلے کو مجموعی طور پر حل کرنے کے لیے ، ایل ڈبلیو ای سے نمٹنے کے لیے 2015 میں ایک ’’قومی پالیسی اور ایکشن پلان‘‘منظور کیا گیا تھا ۔  اس میں ایک کثیر الجہتی حکمت عملی کا تصور کیا گیا ہے جس میں سلامتی سے متعلق اقدامات ، ترقیاتی اقدامات ، مقامی برادریوں کے حقوق اور واجبات وغیرہ کو یقینی بنانا  شامل ہے ۔  ایک طرف  سیکیورٹی کے محاذ پر ، حکومت ہند (جی او آئی) مرکزی مسلح پولیس بٹالین ، ریاستی پولیس فورسز کی جدید کاری کے لیے تربیت اور فنڈز ، آلات اور اسلحہ ، انٹیلی جنس کا اشتراک ، فورٹیفائیڈ پولیس اسٹیشنوں کی تعمیر وغیرہ فراہم کرکے ایل ڈبلیو ای سے متاثرہ ریاستوں کی مدد کرتی ہے ،وہیں دوسری طرف ترقیاتی پہلو پر ، اہم  اسکیموں کے علاوہ ، حکومت ہند نے ایل ڈبلیو ای سے متاثرہ ریاستوں میں سڑک نیٹ ورک کی توسیع ، ٹیلی مواصلات رابطے کو بہتر بنانے ، ہنر مندی اور مالی شمولیت پر خصوصی زور دینے کے ساتھ کئی مخصوص اقدامات کیے ہیں ۔

مرکز اور ریاستوں دونوں کی طرف سے بائیں بازو کی انتہا پسندی (ایل ڈبلیو ای) سے نمٹنے کے لیے ’قومی پالیسی اور ایکشن پلان‘ کے ٹھوس نفاذ کے نتیجے میں جغرافیائی پھیلاؤ اور تشدد دونوں کے لحاظ سے ایل ڈبلیو ای میں مسلسل کمی واقع ہوئی ہے ۔  ایل ڈبلیو ای سے متاثرہ اضلاع کی تعداد میں بتدریج کمی آئی ہے ۔  مسلسل بہتر ہوتی صورتحال کے پیش نظر ، پچھلے چھ سالوں میں ایل ڈبلیو ای سے متاثرہ اضلاع کا تین بار جائزہ لیا گیا ہے ، جو اپریل 2018 میں 126 سے کم ہو کر 90 اضلاع رہ گئے ، جولائی 2021 میں مزید 70 اور پھر اپریل 2024 میں 38 ہو گئے ۔  ایل ڈبلیو ای کے ذریعہ ہونے والے تشدد میں 2010 کی اعلی سطح (2024:374 ، 2010:1936) کے مقابلے میں 2024 میں 81فیصدکی کمی واقع ہوئی ہے ۔  اسی عرصے (2024:150،2010:1005)کے دوران نتیجے میں ہونے والی اموات (شہری + سیکیورٹی فورسز) میں بھی 85فیصد کی کمی واقع ہوئی ہے ۔

چھتیس گڑھ میں ، ایل ڈبلیو ای کے ذریعہ ہونے والے تشدد میں 2010 کی اعلی سطح (2024:267 ، 2010:499) کے مقابلے میں 2024 میں 47فیصد کی کمی واقع ہوئی ہے ۔

اسی عرصے (2024:122 ، 2010:343)  کے دوران نتیجے میں ہونے والی اموات (شہری + سیکیورٹی فورسز) میں بھی 64 فیصد کی کمی واقع ہوئی ہے ۔پچھلے پانچ سالوں کے دوران ایل ڈبلیو ای تشدد کے واقعات کی سال وار تفصیلات ضمیمہ میں دی گئی ہیں ۔

سیکیورٹی سے متعلق اخراجات (ایس آر ای) اسکیم کے تحت ایل ڈبلیو ای تشدد میں ہلاک ہونے والے شہری/سیکیورٹی فورسز کے اہل خانہ کو معاوضے کی فراہمی ، سیکیورٹی فورسز کی تربیت اور آپریشنل ضروریات ، ہتھیار ڈالنے والے ایل ڈبلیو ای کیڈروں کی بحالی ، کمیونٹی پولیسنگ ، سیکیورٹی فورس کے اہلکاروں/شہریوں کو ایل ڈبلیو ای کے ذریعہ املاک کو پہنچنے والے نقصان کے لیے معاوضہ وغیرہ کے ذریعے صلاحیت سازی کے لیے ایل ڈبلیو ای سے متاثرہ ریاستوں کو فنڈز فراہم کیے جاتے ہیں ۔  اس اسکیم کے تحت پچھلے 5 سالوں کے دوران (2019-20 سے اب تک) تمام بائیں بازو کی انتہا پسندی سے متاثرہ ریاستوں کو 1925.83 کروڑ روپے جاری کیے گئے ہیں ۔  اس میں چھتیس گڑھ کے لیے  829.80 کروڑ روپے بھی شامل ہیں ۔

اسپیشل فورسز ، اسپیشل انٹیلی جنس برانچوں (ایس آئی بی) اور ڈسٹرکٹ پولیس کو مضبوط بنانے کا کام اسپیشل انفراسٹرکچر اسکیم (ایس آئی ایس) کے ذریعے کیا جاتا ہے ۔  اس اسکیم کے تحت پچھلے 5 سالوں کے دوران (2019-20 سے اب تک) تمام بائیں بازو کی انتہا پسندی سے متاثرہ ریاستوں کو 394.31 کروڑ روپے جاری کیے گئے ہیں ۔  اس میں چھتیس گڑھ کے لیے 85.42 کروڑ روپے  بھی شامل ہیں ۔  ایل ڈبلیو ای سے متاثرہ ریاستوں کے لیے چھتیس گڑھ کے 147 سمیت 702 فورٹیفائیڈ  (قلعہ بند )پولیس اسٹیشنوں (ایف پی ایس) کو منظوری دی گئی ہے ۔  ان میں سے چھتیس گڑھ میں 125 سمیت 612 ایف پی ایس تعمیر کیے گئے ہیں ۔

زیادہ تر بائیں بازو سے متاثرہ اضلاع میں ترقی کو مزید تقویت دینے کے لیے ، عوامی بنیادی ڈھانچے اور خدمات میں اہم خلا کو پر کرنے کے لیے خصوصی مرکزی امداد (ایس سی اے) اسکیم کے تحت ریاستوں کو فنڈز فراہم کیے جاتے ہیں ۔  اس اسکیم کے تحت پچھلے 5 سالوں کے دوران (2019-20 سے اب تک) تمام بائیں بازو کی انتہا پسندی سے متاثرہ ریاستوں کو 2384.17 کروڑ روپے جاری کیے گئے ہیں ۔  اس میں چھتیس گڑھ کے لیے 773.62 کروڑ روپے  بھی شامل ہیں ۔

اس کے علاوہ ، ایل ڈبلیو ای مینجمنٹ (اے سی اے ایل ڈبلیو ای ایم) اسکیم کے لئے مرکزی ایجنسیوں کی امداد کے تحت ایل ڈبلیو ای متاثرہ علاقوں میں سکیورٹی کیمپوں میں اہم بنیادی ڈھانچے کو حل کرنے اور ہیلی کاپٹروں کے لئے گذشتہ 05 سالوں (2019-20 سے اب تک) کے دوران مرکزی ایجنسیوں کو 654.84 کروڑ روپے دیئے گئے ہیں ۔

ترقی کے محاذ پر ، چھتیس گڑھ میں درج ذیل خصوصی اقدامات کیے گئے ہیں:

• سڑک نیٹ ورک کی توسیع کے لیے اب تک ایل ڈبلیو ای سے متاثرہ علاقوں میں 4046 کلومیٹر کی  سڑکیں تعمیر کی جا چکی ہیں ۔
• ٹیلی کام کنیکٹیویٹی کو بہتر بنانے کے لیے 1333 ٹاورز لگا ئے گئے ہیں ۔
• ایل ڈبلیو ای سے متاثرہ اضلاع میں مقامی آبادی کی مالی شمولیت کے لیے 1214 ڈاک خانے کھولے گئے ہیں ۔  اس کے علاوہ 297 بینک برانچ اور 268 اے ٹی ایم کھولے گئے ہیں ۔
• ہنر مندی کے فروغ کے لیے 9 آئی ٹی آئی اور 14 ہنر مندی کے فروغ کے مراکز (ایس ڈی سی) کو فعال بنایا گیا ہے ۔
• بائیں بازو سے متاثرہ اضلاع میں قبائلیوں کی معیاری تعلیم کے لیے 45 ایکلویہ ماڈل رہائشی اسکولوں (ای ایم آر ایس) کو فعال بنایا گیا ہے ۔
• اس کے علاوہ ، شہری ایکشن پروگرام کے تحت ، ایل ڈبلیو ای سے متاثرہ علاقوں میں تعینات مرکزی مسلح پولیس دستے (سی آر پی ایف ، بی ایس ایف ، ایس ایس بی اور آئی ٹی بی پی) مقامی لوگوں کی فلاح و بہبود اور نوجوانوں کو ماؤنوازوں کے اثر و رسوخ سے دور رکھنے کے لیے مختلف شہری سرگرمیاں انجام دیتے ہیں ۔

بائیں بازو سے متاثرہ اضلاع کے قبائلی نوجوانوں کو قومی دھارے میں شامل کرنے کے لیے نہرو یووا کیندر سنگٹھن (این وائی کے ایس) کے ذریعے قبائلی نوجوانوں کے تبادلے کے پروگرام (ٹی وائی ای پی) بھی منعقد کیے جا رہے ہیں ۔

ضمیمہ

گزشتہ 5 سالوں میں ایل ڈبلیو ای کے ذریعہ   تشدد کے واقعات

 

 

یہ بات وزارت داخلہ کے  وزیر مملکت جناب نتیہ نند رائے نے لوک سبھا میں ایک سوال کے تحریری جواب میں بتائی ۔

****

 

 

ش ح۔ اک۔ س ع س

U NO 6407   

(Release ID: 2101714) Visitor Counter : 46