نیشنل آرکائیوز آف انڈیا اور نیشنل ریکارڈز اینڈ آرکائیوز اتھارٹی آف عُمان بالترتیب حکومت ہند اور حکومت سلطنت عُمان کے ماضی کے ریکارڈ کے نگہبان ہیں، جو عوام کو تاریخی ریکارڈ تک رسائی فراہم کرتے ہیں۔

 

دونوں ممالک کے درمیان دوستی کو مضبوط بنانے کے لیے، نیشنل آرکائیوز آف انڈیا اور نیشنل ریکارڈز اینڈ آرکائیوز اتھارٹی آف عُمان کے درمیان 2028-2025 کے لیے تعاون کے ایک ایگزیکٹو پروگرام (ای پی سی) پر آج 10 فروری 2025 کو صبح 10:30 بجے نیشنل آرکائیوز آف انڈیا کے کمیٹی روم میں دستخط کیے گئے۔

ای پی سی پر دستخط دونوں ممالک کے درمیان تاریخی روابط کو فروغ دینے اور ان کی نمائش کے لیے حکومت ہند کے عزم کی عکاسی کرتا ہے، ایک متحرک اور مشترکہ مستقبل کو فروغ دیتا ہے۔ یہ دوستانہ تعلقات کو بڑھانے کے لیے ایک واضح نظریہ کے طور پر بھی کام کرتا ہے، خاص طور پر آرکائیو تعاون کے شعبے میں۔

جناب ارون سنگھل، آئی اے ایس، آرکائیوز کے ڈائریکٹر جنرل، نیشنل آرکائیوز آف انڈیا، حکومت ہند، نے ہندوستان کی طرف سے معاہدے پر دستخط کیے، جبکہ محترم ڈاکٹرحمد بن محمد الضویانی، چیئرمین، نیشنل ریکارڈز اینڈ آرکائیوز اتھارٹی، نے سلطنت عمان کی حکومت کی جانب سے دستخط کیے۔ یہ تعاون ہندوستان اور عمان کے درمیان ثقافتی اور تاریخی تعلقات کو مضبوط بنانےکی سمت ایک اہم قدم ہے۔

 

ش ح۔ع و۔ م ق ا۔

U NO:6385

(Release ID: 2101600) Visitor Counter : 41