سیاحت کی ترقی بنیادی طور پر ریاستی حکومتوں (ایس جیز)/مرکز کے زیر انتظام علاقوں کی انتظامیہ کا موضوع ہے۔ تاہم، وزارت سیاحت بنیادی ڈھانچے سے متعلق اپنی مختلف اسکیموں کے تحت  ریاستی حکومتوں اور مرکز کے زیر انتظام علاقوں کو مالی تعاون فراہم کرکے ان کوششوں میں مدد فراہم کرتی ہے۔ وزارت اس طرح کی اسکیموں کے تحت منظوری کے لیے ان کے ذریعہ تشکیل دی گئیں پروجیکٹ تجاویز میں اہم سیاحتی مقامات  پر لوگوں کی تفریحی تجربات کو بہتر بنانے کی غرض سے تکنالوجی کے استعمال سمیت دیگر تکنیکی عناصر شامل کرنے کے لیے ریاستی حکومتوں کی حوصلہ افزائی کر رہی ہے۔

وزارت نے   راجستھان سمیت ملک کے مالامال ثقافتی ورثے، فطری حسن، اور متنوع پرکشش مقامات کی سیر و تفریح میں دلچسپی رکھنے والے سیاحوں اور دیگر متعلقہ فریقوں کے لیے ایک جامع وسیلے کے طور پر بے مثال بھارت ڈیجیٹل پلیٹ فارم (آئی آئی ڈی پی) کا تجدید شدہ ورژن لانچ کیا ہے ۔ ناقابل یقین انڈیا ڈیجیٹل پلیٹ فارم (آئی آئی ڈی پی ) ریئل ٹائم موسم کی تازہ کاریوں، شہر کی سیر و تفریح اور ضروری سفری خدمات پیش کر کے لوگوں کے تجربات کو ان کی ضرورت کے مطابق بنانا ہے۔ اس پورٹل  نے پروازوں کے لیے  بلارکاوٹ بکنگ سہولت، ہوٹلوں، کرائے کی کاروں اور بسوں  اور اے ایس آئی یادگاری مقامات کی سیر کے لیے او ٹی اے (آن لائن ٹریول ایجنٹوں) اور متعلقہ فریقوں کے ساتھ شراکت داری قائم کی ہے۔

یہ اطلاع سیاحت و ثقافت کے مرکزی وزیر جناب گجیندر سنگھ شیخاوت کے ذریعہ آج لوک سبھا میں ایک تحریری جواب کے تحت فراہم کی گئی۔

**********

 

 (ش ح –ا ب ن)

U.No:6362

(Release ID: 2101436) Visitor Counter : 31