حکومت نے 2 ستمبر 2024 کو ڈیجیٹل ایگریکلچر مشن کو منظوری دی ہے جس کی لاگت 2817 کروڑ  روپے ہے۔ اس مشن کا مقصد ملک میں ایک مضبوط ڈیجیٹل ایگریکلچر ایکو سسٹم کو فعال کرنا ہے تاکہ کسانوں پر مبنی ڈیجیٹل حل کو آگے بڑھایا جا سکے اور ملک کے تمام کسانوں کو فصل سے متعلق بروقت اور قابل اعتماد معلومات فراہم کی جا سکیں۔ یہ مشن زراعت کے لیے ڈیجیٹل پبلک انفراسٹرکچر جیسے کہ ایگری اسٹیک ، کرشی فیصلہ سپورٹ سسٹم، مٹی کی جامع زرخیزی اور پروفائل کا نقشہ اور مرکزی حکومت/ریاستی حکومتوں کے ذریعہ شروع کیے گئے دیگر آئی ٹی اقدامات کا تصور کرتا ہے۔ ایگری اسٹیک پروجیکٹ اس مشن کے اہم اجزاء میں سے ایک ہے، جو کہ زراعت کے شعبے میں تین بنیادی رجسٹریوں یا ڈیٹا بیس پر مشتمل ہے، یعنی کسانوں کی رجسٹری، جیو ریفرنس والے گاؤں کے نقشے اور فصل بونے والی رجسٹری، سبھی ریاستی حکومتوں/مرکز کے زیر انتظام علاقوں کے ذریعے بنائے گئے اور دیکھ بھال کیے گئے ہیں۔ حکومت مشن کے نفاذ کے لیے تمام ریاستوں کو انتظامی اور تکنیکی مدد فراہم کر رہی ہے۔ ایگری اسٹیک کسانوں کی آبادیاتی تفصیلات، زمین کی ملکیت اور بوائی گئی فصلوں کے بارے میں جامع اور مفید ڈیٹا فراہم کرتا ہے، جس سے کسانوں کو قرض ، انشورنس، خریداری وغیرہ جیسے فوائد اور خدمات تک رسائی کے لیے ڈیجیٹل طور پر شناخت اور تصدیق کرنے کے قابل بناتا ہے۔ یہ ریاست کو ایسے حل ڈیزائن کرنے کے قابل بھی بناتا ہے جو کسانوں کے لیے ڈیجیٹل اکانومی تک رسائی فراہم کرتے ہیں جیسے کہ خرید و فروخت اور آن لائن ان پٹ میں اعتماد ۔

مزید برآں، حکومت نیشنل ایگریکلچر مارکیٹ (ای-نَیم) کو لاگو کر رہی ہے، ایک ورچوئل پلیٹ فارم جو مختلف ریاستوں/مرکز کے زیر انتظام علاقوں (یو ٹی) کی فزیکل تھوک منڈیوں/مارکیٹوں کو مربوط کرتا ہے تاکہ کسانوں کو ان کی پیداوار کی بہتر منافع بخش قیمتوں کا ادراک کرنے کے لیے شفاف قیمتوں کی دریافت کے طریقہ کار کے ذریعہ زرعی اجناس کی آن لائن تجارت کو آسان بنایا جا سکے۔ 31 دسمبر، 2024 تک، 23 ریاستوں اور 04 مرکز کے زیر انتظام علاقوں  کی 1410 منڈیوں کو ای-نَیم پلیٹ فارم کے ساتھ مربوط کیا گیا ہے۔

زراعت اور کسانوں کی بہبود کے وزیر مملکت جناب رام ناتھ ٹھاکر نے آج راجیہ سبھا میں ایک تحریری جواب میں یہ اطلاع فراہم کی ۔

۔۔۔۔۔۔۔۔۔۔۔۔۔۔۔۔۔۔۔۔۔

 

(ش ح ۔ رض۔ ن م  (

6274

(Release ID: 2100836) Visitor Counter : 36