شہری ہوا بازی کے مرکزی وزیر جناب رام موہن نائیڈو نے آج ملک میں ہوائی جہاز کے اجزاء کی مینوفیکچرنگ کا جائزہ لینے اور اسے آگے بڑھانے کے لیے ایک اعلیٰ سطحی میٹنگ کی صدارت کی۔ میٹنگ میں سکریٹری جناب وی والنم، چیئرمین اے اے آئی جناب وپن کمار، ڈائرکٹر جنرل ڈی جی سی اے جناب فیض احمد اور صنعتی انجمنوں، او ای ایمز، ایم آر اوز ، تحقیقی اداروں اور مختلف سرکاری محکموں کے نمائندوں سمیت سینئر افسران نے شرکت کی۔ بات چیت میں گھریلو پیداوار کو مضبوط بنانے اور ہوائی جہاز کے اجزاء کی مینوفیکچرنگ کے شعبے میں ہندوستان کی عالمی مسابقت کو بڑھانے پر توجہ مرکوز کی گئی۔

ہندوستان کا ہوائی جہاز کے اجزاء کی مینوفیکچرنگ کا شعبہ نمایاں ترقی کر رہا ہے، جو معروف عالمی ایرو اسپیس فرموں کے ساتھ اسٹریٹجک اتحاد اور ہوائی سفر کی بڑھتی ہوئی مانگ سے چل رہا ہے۔ بڑے بین الاقوامی او ای ایمز ہندوستان سے اجزاء کو سورس کر رہے ہیں، جو ہماری گھریلو صنعت کے غیر معمولی معیار اور اعتماد کو واضح کرتا ہے۔

میٹنگ کی صدارت کرتے ہوئے، مرکزی وزیر نے کہا، ’’ایرو اسپیس سیکٹر میں میک ان انڈیا اور آتم نر بھر بھارت کے لیے وزیر اعظم کے وژن سے متاثر ہو کر، میں اعتماد کے ساتھ کہہ سکتا ہوں کہ ہم عالمی شہری ہوا بازی کے شعبے میں پہلے ہی ایک باوقار مقام پر ہیں، لیکن اب ہماری خواہش ایک لیڈر بننے کی ہے۔ یہ ضروری ہے کہ ہم صنعت کے ساتھ اپنی وزارتوں اور محکموں کے درمیان قریبی تعاون کے ذریعے مہارت کی نشوونما، ڈیزائن، مینوفیکچرنگ، دیکھ بھال، سرٹیفیکیشن اور علم کے اشتراک پر مشتمل ایک جامع ماحولیاتی نظام تیار کریں۔ ہندوستان شہری ہوا بازی کے ایک بڑے مرکز اور ہوائی جہاز کے اجزاء کی مینوفیکچرنگ کے مرکز کے طور پر ابھرنے کی راہ پر گامزن ہے۔ ہمارے ٹیلنٹ اور وسائل کے گہرے تالاب اور قابل قدر صنعتی بصیرت کو یکجا کرکے، ہم ایک مربوط قومی روڈ میپ بنا سکتے ہیں جو ان مواقع کو ٹھوس، اسٹریٹجک نتائج میں بدل دے گا۔‘‘

وزیر موصوف نے صنعت کے اسٹیک ہولڈرز کو ایک جامع اور مجموعی روڈ میپ تیار کرنے کے لیے حکومت کے غیر متزلزل عزم کا یقین دلایا۔ انہوں نے ایک دوہری حکمت عملی کی وضاحت کی جس کا مقصد ہمارے ایم ایس ایم ایز کے سپلائی چین نیٹ ورک کو بروئے کار لاتے ہوئے اور ساتھ ہی ہندوستانی جزو او ای ایمز کو زیادہ سے زیادہ بین الاقوامی منڈیوں تک رسائی فراہم کرتے ہوئے مقامی ہوائی جہاز کے اجزاء کی مینوفیکچرنگ کو بڑھانا ہے۔

سکریٹری جناب وی والنم نے کہا، ’’یہ میٹنگ ایک طویل سفر کا پہلا اہم قدم ہے، ہم اس صنعت کی ترقی کو آگے بڑھانے کے لیے مسلسل آراء اور تعاون کو یقینی بنانے کے لیے تمام اسٹیک ہولڈرز کے ساتھ مستقل بنیادوں پر اس طرح کی کئی میٹنگوں کے انعقاد کے لیے پرعزم ہیں۔‘‘  تمام شرکاء نے تعاون اور اسٹریٹجک پارٹنرشپ کے اپنے عزم کا اعادہ کرتے ہوئے میٹنگ کو ایک مثبت نوٹ پر ختم کیا۔ مہارت کی ترقی، ٹیکنالوجی کو اپنانے اور بنیادی ڈھانچے کی ترقی پر توجہ مرکوز کرنے والی ایک مشترکہ کوشش کے ذریعے، وزارت عالمی سطح پر مسابقتی ایرو اسپیس ایکو سسٹم بنانے کے لیے پرعزم ہے۔

*********

 

ش ح ۔ ش ت۔ م الف

U. No.6269

(Release ID: 2100790) Visitor Counter : 16