کسانوں میں نینو فرٹیلائزر کے استعمال کو فروغ دینے کے لیے درج ذیل اقدامات کیے گئے ہیں:

1. نینو یوریا کے استعمال کو مختلف سرگرمیوں جیسے بیداری کیمپ ، ویبنار ، نکڑ ناٹک ، فیلڈ مظاہرے ، کسان سمیلن اور علاقائی زبانوں میں فلمیں وغیرہ کے ذریعے فروغ دیا جاتا ہے۔
2. متعلقہ کمپنیوں کے ذریعے پردھان منتری کسان سمردھی کیندروں(پی ایم کے ایس کے)پر نینو یوریا اور نینو ڈی اے پی دستیاب کرائے جاتے ہیں۔
3. نینو یوریا کو کھادوں کے محکمے کی طرف سے باقاعدگی سے جاری کردہ ماہانہ سپلائی پلان کے تحت شامل کیا گیا ہے۔
4. آئی سی اے آر نے انڈین انسٹی ٹیوٹ آف سوائل سائنس ، بھوپال کے ذریعے حال ہی میں‘‘کھاد کے مؤثر اور متوازن استعمال (بشمول نینو کھاد)’’ پر قومی مہم کا انعقاد کیا۔
5. 15 نومبر 2023 کو شروع کی گئی وکست بھارت سنکلپ یاترا (وی بی ایس وائی)کے دوران نینو کھادوں کے استعمال کو فروغ دیا گیا۔
6. پتیوں کے استعمال کے ذریعے نینو یوریا جیسے نینو کھادوں کی اطلاق اور استعمال میں آسانی کے لیے، ڈرون کے ذریعے نینو یوریا کا چھڑکاؤ اور خوردہ مقامات پر بیٹری سے چلنے والے اسپریئرز کی تقسیم جیسے اقدامات کیے گئے ہیں۔  اس مقصد کے لیے ، گاؤں کی سطح کے کاروباریوں کے ذریعے پائلٹ ٹریننگ اور کسٹم ہائرنگ اسپریئنگ خدمات کو فعال طور پر فروغ دیا جاتا ہے ۔
7. ڈی او ایف نے کھاد کمپنیوں کے تعاون سے مشاورت اور زمینی سطح کے مظاہروں کے ذریعے ملک کے تمام 15 زرعی آب و ہوا والے علاقوں میں نینو ڈی اے پی کو اپنانے کے لیے ایک مہا ابھیان شروع کیا ہے۔  مزید برآں ، ڈی او ایف نے کھاد کمپنیوں کے تعاون سے ملک کے 100 اضلاع میں نینو یوریا پلس کے فیلڈ لیول کے مظاہرے اور بیداری پروگراموں کے لیے مہم بھی شروع کی ہے۔

فی الحال کھادوں کے محکمے کی طرف سے سبسڈی کا کوئی انتظام نہیں ہے۔  تاہم ، ڈی او ایف اپنی کمپنیوں کو نینو فرٹیلائزر پلانٹ لگانے کی ترغیب دے رہا ہے۔

ڈرون کے ذریعے نینو کھادوں کا چھڑکاؤ ایک کفایتی طریقہ کے طور پر اُبھرا ہے ۔  وکست بھارت سنکلپ یاترا کے دوران کسانوں نے چھڑکاؤ کی اس نئی ٹیکنالوجی کو اپنانے میں دلچسپی ظاہر کی تھی ۔

فی الحال ، نینو کھادوں کی پیداوار کو کسی بھی پیداوار سے منسلک ترغیبی (پی ایل آئی) اسکیم کے تحت لانے کی کوئی تجویز نہیں ہے۔

یہ معلومات کیمیکلز اور کھادوں کی مرکزی وزیر مملکت محترمہ انوپریہ پٹیل نے آج لوک سبھا میں ایک سوال کے تحریری جواب میں دی ۔

********

ش ح۔ اک۔ن ع

U-6256

(Release ID: 2100772) Visitor Counter : 28