நகர்ப்புற வறுமை ஒழிப்புக்காக முன்மொழியப்பட்ட புதிய இயக்கத்தின் முன்னோடித் திட்டம், அக்டோபர் 1, 2024 முதல் 3 மாதங்களுக்கு 1 மாத ஆயத்த காலத்துடன் 25 நகரங்களில் ரூ.180 கோடி நிதி செலவில் தொடங்கப்பட்டது. முன்மொழியப்பட்ட பணி 5 கூறுகளைக் கொண்டுள்ளது, அதாவது, (i) சமூகம் தலைமையிலான நிறுவன மேம்பாடு, (ii) நிதி உள்ளடக்கம் மற்றும் நிறுவன மேம்பாடு, (iii) சமூக உள்கட்டமைப்பு, (iv) ஒருங்கிணைப்பு மற்றும் (v) கட்டுமானத் தொழிலாளர்கள், போக்குவரத்துத் தொழிலாளர்கள், கிக் தொழிலாளர்கள், பராமரிப்புத் தொழிலாளர்கள், கழிவுநீர்த் தொழிலாளர்கள் மற்றும் வீட்டுத் தொழிலாளர்கள் போன்ற 6 பாதிக்கப்படக்கூடிய குழுக்கள் மீது கவனம் செலுத்தும்.

பாதிக்கப்படக்கூடிய குழுக்களை அடையாளம் காண்பதற்காக வீட்டுவசதி மற்றும் நகர்ப்புற விவகாரங்கள் அமைச்சகம், சிவில் சமூகம், மாநில / உள்ளூர் அமைப்புகள், ஆராய்ச்சி நிறுவனங்கள், மத்திய அரசு போன்ற உறுப்பினர்களைக் கொண்ட பணிக் குழுவை அமைத்துள்ளது.

பாதிக்கப்படக்கூடிய வாய்ப்பு உள்ள தொழில் குழுக்களுக்கு அவர்களது நிறுவன அமைப்புகளை உருவாக்கவும் வலுப்படுத்தவும்   சமூக உள்கட்டமைப்பை செயல்படுத்தும் நிதி உள்ளடக்கம் மற்றும் சமூகப் பாதுகாப்புப் பலன்களை அணுகுவதற்கும் பல்வேறு அமைச்சகங்கள் மற்றும் துறைகளுடன் ஒத்துழைப்பதில் கவனம் செலுத்தப்பட்டது.

நகர்ப்புற ஏழைகளை அடையாளம் காண, மாநிலங்கள், நகர்ப்புற உள்ளாட்சி அமைப்புகள் மற்றும் குடிமைப் பொருட்கள் துறை, தொழிலாளர் துறை போன்ற துறைகளால் அடையாளம் காணப்பட்ட தரவுகளுக்கு மேலதிகமாக, தேசிய உணவுப் பாதுகாப்புச் சட்டம், 2013-ன் அடிப்படைத் தரவையும் இந்த முன்னோட்டத் திட்டம் பயன்படுத்துகிறது.

தீனதயாள் அந்த்யோதயா யோஜனா- தேசிய நகர்ப்புற வாழ்வாதாரத் திட்டத்திலிருந்து கற்றுக்கொண்டபடி, நகர்ப்புற ஏழைகளின் வாழ்வாதாரத்திற்கான வாய்ப்புகளை மேம்படுத்துவதே முன்னோட்டத் திட்டத்திற்கான உந்துதலாகும். திட்டத்தின் கீழ் 1 கோடி நகர்ப்புற ஏழைக் குடும்பங்கள் நிறுவன ரீதியாக திரட்டப்பட்டதன் மூலம் சுய உதவிக் குழுக்களின் கட்டமைப்பிற்குள் கொண்டுவரப்பட்டன, இதில் 90%  உறுப்பினர்கள் பெண்களாக உள்ளனர். மேலும், நிதிசார் உள்ளடக்கம் மற்றும் திறன் பயிற்சி மூலம் இந்த இயக்கம் 39.2 லட்சம் வாழ்வாதாரங்களை உருவாக்கியது.

இந்தத் தகவலை வீட்டுவசதி மற்றும் நகர்ப்புற விவகாரத் துறை இணையமைச்சர் திரு. தோகன் சாஹு இன்று மக்களவையில் எழுத்துப்பூர்வமாக அளித்த பதிலில் தெரிவித்தார்

***

TS/PKV/AG/RR/DL

(रिलीज़ आईडी: 2100401) आगंतुक पटल : 71