فطرت سے متاثر ہو کر، سائنسدانوں کے ایک گروپ نے ہائبرڈ مواد کو مخلوط کرکے ایک مضبوط بایومیٹک نظام تشکیل دیا ہے جو حیاتیاتی سنپسیس کے رویے کی قریب سے نقل کرتا ہے۔ یہ کمپیوٹنگ میں اختراع کے ایک نئی لہر کی راہ ہموار کر سکتا ہے جس سے روبوٹکس، مشین لرننگ، اور حقیقی وقت کے ڈیٹا پروسیسنگ میں نئے انقلابی ایجادات ممکن ہو سکتی ہیں۔

انسانی دماغ، جو اپنی شاندار توانائی کی کارکردگی کے لیے مشہور ہے، جدید ٹیکنالوجیز کی ترقی کے لیے ایک ماڈل کے طور پر کام کر رہا ہے۔ ان کوششوں میں سب سے آگے حل سے تیار شدہ میمریسٹر (ایک غیر متزلزل برقی جزو جو سرکٹ میں کرنٹ کی رفتار کو منظم کرتا ہے) ڈیوائسز ہیں، جو دماغ کے سنپسیس کے افعال کی نقل کرنے کے لیے تیار کی گئی ہیں۔ یہ ڈیوائسز نہ صرف موثر ہیں بلکہ توسیع پذیر اور لاگت کے لحاظ سے بھی کفایتی ہیں، جس کی بدولت یہ نیورومورفک سسٹمزکمپیوٹر،ایسے کمپیوٹرز جو انسانی دماغ کی طرح کام کرتے ہیں، بنانے کے لیے مثالی ہیں۔ میمریسٹرز اس طرح نیورونز کے کمیونیکیٹ کرنے اور معلومات پروسیس کرنے کے عمل کی نقل کرتے ہیں، اور ان میں مصنوعی ذہانت کو انقلاب برپا کرنے کی بے پناہ صلاحیت ہے، جو زیادہ ذہین، تیز، اور توانائی کی بچت والے اے آئی سسٹمز کی تخلیق ممکن بناتے ہیں۔

ایک حالیہ تحقیق میں، ایس این بوس نیشنل سینٹر فار بیسک سائنسز (ایس این بی این سی بی ایس) کے سائنسدانوں کے گروپ نے نیشنل انسٹی ٹیوٹ آف ٹیکنیکل ٹیچرز ٹریننگ اینڈ ریسرچ (این آئی ٹی ٹی ٹی آر) کے ساتھ مل کر ایک ہائبرڈ مواد تیار کیا جس میں نینو اسکیل کنڈکٹیو کلسٹرز شامل کیے گئے ہیں تاکہ میمریسٹیو لیئر میں میٹلک راستوں کی تشکیل کو آسان بنایا جا سکے۔ اس ٹیکنالوجی کی بنیاد میسوپورس گرافیٹک کاربون نائٹروائیڈ (جی-سی3 این4، مختصرسی این) نانوشیٹس کی تیاری ہے، جو چاندی کے نانوپارٹیکلز (اے جی این پیز) سے آراستہ ہیں تاکہ برقی شعبے سے پیدا ہونے والی الیکٹروکیمیکل میٹالائزیشن کے ذریعے مزاحمت کی تدریجی تبدیلی کو ممکن بنایا جا سکے۔ ایس این بی او ایس ای کے ذریعے ان ہائبرڈ مواد کا امتزاج ایک مضبوط بایومیٹک سسٹم تشکیل دیتا ہے جسے اے جی سی این کہا جاتا ہے، جو حیاتیاتی سنپسیس کے رویے کی قریبی نقل کرتا ہے۔ یہ تحقیق جریدے ‘‘ایڈوانسڈ فنکشنل میٹریلز’’ میں شائع ہوئی ہے۔

اے جی سی این سسٹم مزاحمت میں تدریجی اور مسلسل تبدیلیاں ظاہر کرتا ہے، جو توانائی کی بچت اور ایڈاپٹیو کمپیوٹنگ سسٹمز کے لیے ایک اہم خصوصیت ہے۔ نیورومورفک کمپیوٹنگ ڈیوائسز میں بایومییمک اصولوں کا استعمال بے مثال صلاحیتوں کا حامل ہے۔ روایتی کمپیوٹنگ سسٹمز جو سخت الگورڈمز کا استعمال کرتے ہیں کے برعکس، نیورومورفک سسٹمز دماغ کی سیکھنے اور اپنائیت کی صلاحیت کی نقل کرتے ہیں۔ اے جی سی این پر مبنی میمریسٹرز اس شعبے میں غیر معمولی لچک اور ایڈاپٹیبلٹی کا مظاہرہ کرتے ہیں۔

یہ ڈیوائسز اپنے کرنٹ کو ماڈیولیٹ کرتے ہوئے صحیح ڈاٹ اور لائن سگنلز پیداکرنے کے لئے مورز کوڈ کی درست نقل کرنے میں کامیاب ہوئیں،  جو ان کی حقیقی وقت میں کوڈ کی شناخت کے لیے ممکنہ اطلاق کی اہمیت کو اجاگر کرتی ہیں۔ اس ٹیکنالوجی کی بنیادی جدت برقی شعبے کے ذریعے میٹلک راستوں کی مضبوطی یا کمزوری ہے، جو سازگار کلسٹرز کے ذریعے کی جاتی ہے اور جو سنپسیس کی پلاسٹیسٹی کو ماڈیولیٹ کرنے میں اہم کردار ادا کرتے ہیں۔

یہ ڈیوائسز مختلف وولٹیج پلس نمبرز، امپلیٹیوڈز اور چوڑائیوں کو تبدیل کر کے نمونوں کی درست شناخت، سیکھنے اور ایڈاپٹ کرنے کی حیرت انگیز صلاحیت رکھتی ہیں۔ خاص طور پر قابل ذکر مظاہرہ میں، ان ڈیوائسز کی صلاحیت نے پاؤولوف کے کتے کے تجربے کی نقل کی، جس سے ان کی ایسوسی ایٹو لرننگ کے لیے اہلیت کو اجاگر کیا گیا، جو حیاتیاتی لرننگ کے عمل کے مترادف ہے۔ ان ڈیوائسز کا اثر صرف سنپسیس کے رویے کی نقل کرنے سے آگے بڑھتا ہے، کیونکہ یہ مشینوں کو معلومات کو اس طرح پروسیس اور منتقل کرنے کی صلاحیت دیتے ہیں جو حیاتیاتی سنپسیس کے مترادف ہو، جس سے وہ زیادہ مؤثر طریقے سے سیکھنے اور ایڈاپٹ کرنے کے قابل ہو جاتی ہیں۔

یہ صلاحیت اگلی نسل کے اے آئی سسٹمز کے لیے بہت اہم ہے، جو امیج ریکگنیشن اور حقیقی وقت میں فیصلہ سازی کے کاموں کے لیے تیز رفتار، کم طاقت کے حل کی ضرورت ہوتی ہے۔ کنڈکٹیو آئلینڈ-ایسیسٹڈ سنپسیک ڈیوائسز کی ترقی مصنوعی ذہانت کے میدان میں ایک اہم پیش رفت ہے، کیونکہ بایومییمک کا استعمال جدت کو فروغ دیتا ہے۔

****

ش ح۔ع ح ۔ف ر

Urdu No. 6181

(Release ID: 2100373) Visitor Counter : 12