اسٹیل کا سیکٹر ایک غیر منضبط شعبہ ہے جہاں خام مال جیسے لوہے، کوکنگ کول وغیرہ اور تیار اسٹیل کی قیمتیں مارکیٹ کی حرکیات سے طے کی جاتی ہیں۔ حکومت ملک میں چھوٹے اور درمیانے درجے کے پیداکاروں سمیت اسٹیل کے شعبے کی ترقی کے لیے ایک سازگار پالیسی ماحول بنا کر ایک سہولت کار کے طور پر کام کرتی ہے۔ حکومت نے ہندوستان کی اسٹیل صنعت کی عالمی مسابقت کو بہتر بنانے کے لیے ایک سازگار پالیسی ماحول پیدا کرنے کے لیے درج ذیل اقدامات کیے ہیں:

1. ’میڈ ان انڈیا‘ اسٹیل کا فروغ اور سرمایہ کاری کو بڑھانا:

1. سرکاری خریداری کے لیے ’میڈ ان انڈیا‘ اسٹیل کو فروغ دینے کے مقامی طور پر تیار کردہ لوہے اور اسٹیل کی مصنوعات (ڈی ایم آئی اینڈ ایس پی) پالیسی کا نفاذ
2. ملک کے اندر 'اسپیشلٹی اسٹیل' کی مینوفیکچرنگ کو فروغ دینے اور سرمایہ کاری کو راغب کرکے درآمدات کو کم کرنے کی خاطر اسپیشلٹی اسٹیل کے لیے پیداوار سے منسلک ترغیب (پی ایل آئی) اسکیم کا آغاز۔

2. خام مال کی دستیابی کو بہتر بنایا اور خام مال کی لاگت کو کم کیا:

1. فیرو نکل پر بنیادی کسٹم ڈیوٹی میں کمی، خام مال کو 2.5 فیصد سے صفر کر کے اسے ڈیوٹی سے مستثنیٰ کر دیا گیا ہے۔
2. بجٹ 2024 میں لوہے کے اسکریپ پر ڈیوٹی کی چھوٹ میں 31 مارچ 2026 تک توسیع

3. درآمد کی نگرانی اور کوالٹی کنٹرول:

1. درآمدات کی موثر نگرانی کے لیے اسٹیل درآمد پر نگرانی کا نظام (ایس آئی ایم ایس) کی از سر نو تشکیل تاکہ گھریلو اسٹیل صنعت کو درآمدات کی تفصیل فراہم کی جا سکے۔
2. اسٹیل کوالٹی کنٹرول آرڈرز کا آغاز نیز گھریلو مارکیٹ میں غیر معیاری / ناقص اسٹیل مصنوعات کے ساتھ ساتھ درآمدات پر پابندی لگانا تاکہ صنعت، صارفین اور بڑے پیمانے پر عوام کے لیے معیاری اسٹیل کی دستیابی کو یقینی بنایا جاسکے۔

یہ معلومات اسٹیل اور بھاری صنعتوں کے وزیر مملکت جناب بھوپتیراجو سری نواسا ورما نے آج لوک سبھا میں ایک تحریری جواب میں دی۔

******

ش ح ۔ ک ح۔ رض

U-6128

(Release ID: 2100085) Visitor Counter : 30