ٹیکسٹائل کی وزارت کے سکریٹری نے آج نئی دہلی کے ادیوگ بھون میں نیشنل ٹیکنیکل ٹیکسٹائل مشن کے تحت 10ویں بااختیار پروگرام کمیٹی  (ای پی سی) کی میٹنگ کی صدارت کی۔

کمیٹی نے 04 سٹارٹ اپس کو ہر ایک کو ’تکنیکی ٹیکسٹائل میں خواہشمند اختراعیوں کے لیے ریسرچ اینڈ انٹرپرینیورشپ کے لیے گرانٹ‘ (جی آر ای اے ٹی) اسکیم کے تحت تقریباً 50 لاکھ روپے کی گرانٹ کے ساتھ منظوری دی ہے ۔ منظور شدہ اسٹارٹ اپ پروجیکٹ میڈیکل ٹیکسٹائل، انڈسٹریل ٹیکسٹائل اور حفاظتی ٹیکسٹائل کے کلیدی اسٹریٹجک شعبوں پر مرکوز ہیں۔

کمیٹی نے 03 تعلیمی اداروں کو 'ٹیکنیکل ٹیکسٹائل میں تعلیمی اداروں کو فعال کرنے کے لیے عمومی رہنما خطوط' کے تحت ٹیکنیکل ٹیکسٹائل میں کورسز متعارف کروانے کے لیے تقریباً 6.5 کروڑ روپے کی گرانٹ کی بھی منظوری دی ہے۔ آئی آئی ٹی اندور اور این آئی ٹی پٹنہ منظور شدہ اداروں کی فہرست میں شامل ہیں۔ نئے ادارے اپنے کورس کے نصاب میں جیو ٹیکسٹائل، جیو سنتھیٹکس، پروٹیکٹیو ٹیکسٹائل، اسپورٹس ٹیکسٹائل وغیرہ کے کورسز متعارف کرائیں گے۔

مزید یہ کہ میڈیکل ٹیکسٹائل، پروٹیکٹیو ٹیکسٹائل، موبائل ٹیکسٹائل اور ایگریکلچر ٹیکسٹائل میں 12 ہنرمندی کے فروغ سے متعلق کورسز کی بھی کمیٹی نے منظوری دی ہے۔ کورسز کو 03 ٹیکسٹائل ریسرچ ایسوسی ایشن نے تیار کیا تھا اور ان کا مقصد تکنیکی ٹیکسٹائل ویلیو چین کے تمام  گروپس کو تربیت فراہم کرنا ہے۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ن م(

6078

 

(Release ID: 2099803) Visitor Counter : 23