حکومت ہند کی بیٹی بچاؤ بیٹی پڑھاؤ (بی بی بی پی) اسکیم 22 جنوری 2015 کو ہریانہ کے پانی پت میں شروع کی گئی۔ اس تاریخی اقدام  کا مقصد بھارت میں گھٹتے بچیوں کی جنس کے تناسب پر توجہ دیتے ہوئے اس بات کو یقینی بنانا تھا کہ پورے ملک میں لڑکیوں اور خواتین کو وہ مواقع دستیاب ہوں، جس کی وہ حقدار ہیں۔

بی بی بی پی کا مقصد پیدائش کے وقت جنسی تناسب میں اضافہ، ادارہ جاتی پیدائش میں بہتری، ثانوی تعلیم کی سطح پر لڑکیوں کے اندراج میں اضافہ، ثانوی اور اعلیٰ ثانوی تعلیم میں لڑکیوں کے اسکول چھوڑنے کی شرح کو کم کرنا، اینٹی نیٹل کیئر رجسٹریشن  میں اضافہ ،  محفوظ ماہواری حفظان صحت اور انتظام (MHM) کے بارے میں بیداری پیدا کرنے کے لئے برتاؤ اور سماجی تبدیلی لانا ہے۔

 

ڈی ڈبلیو سی ڈی، ہریانہ نے ایک فلیگ شپ پہل ‘‘مہاری لاڈو’’ ریڈیو پروگرام شروع کیا، جو بی بی بی پی اسکیم کے تحت ایک مثالی کامیابی کی کہانی بن کر ابھرا ہے۔ ‘‘مہاری  لاڈو’’ ریڈیو پروگرام 16 اگست 2024 کو شروع کیا گیا تھا۔ اس پروگرام کا مقصد صنفی عدم مساوات کو ختم کرکے، لڑکیوں کو بااختیار بنانا اور ہریانہ میں کمیونٹی پر مبنی نقطہ نظر کے ذریعے بیٹیوں کی قدر کو فروغ دینا ہے۔

ہر بدھ اور جمعرات کو آل انڈیا ریڈیو (اے آئی آر)اسٹیشنوں کے ذریعے نشر کیا جاتا ہے- چندی گڑھ، حصار، روہتک، اور کروکشیتر، ‘‘مہاری لاڈو’’ کے 15 منٹ کے حصے بچیوں کی بقا، بااختیار بنانے اور صنف کے بارے میں پیغامات پھیلانے کے لیے ایک پرکشش پلیٹ فارم فراہم کرتے ہیں۔ پروگرام میں ایسی کہانیاں، انٹرویوز اور مباحثے شامل ہیں ، جو ہریانہ بھر کی کمیونٹیز کے ساتھ گونجتے ہیں۔

ہریانہ کی حکومت نے نچلی سطح کے نیٹ ورکس کو متحرک کرکے پروگرام کی رسائی کو زیادہ سے زیادہ کرنے کے لیے ایک جامع اقدام اپنایا۔ ڈسٹرکٹ پروگرام آفیسرز (ڈی پی او ایس)، چائلڈ ڈیولپمنٹ پروجیکٹ آفیسرز (سی ڈی پی او ایس)، آنگن واڑی ورکرز، اور ون اسٹاپ سینٹرز(او ایس سی ایس) ڈی ایچ ای ڈبلیو، پردھان منتری ماترو وندنا یوجنا (پی ایم ایم وی وائی)  اور پوشن ابھیان جیسی اسکیموں کے عملے نے کمیونٹیوں کو فعال طور پر متحرک کیا۔ اے ڈبلیو سی ایس میں سننے کے سیشن منعقد کیے گئے تھے، جس میں مرد اور خواتین دونوں شامل تھے۔

شرکا کو نشریات تک رسائی حاصل کرنے کے لیے ‘‘نیوز آن اے آئی آر’’ ایپ ڈاؤن لوڈ کرنے کی ترغیب دی گئی۔ ایپ کے استعمال سے متعلق تفصیلی رہنما خطوط واٹس ایپ، ٹیلی فون اور ای میل کے ذریعے نشر کئے گئے تھے۔

11 نومبر 2024 تک پروگرام کا ابتدائی اثر نمایاں مصروفیت کو ظاہر کرتا ہے، تقریباً 25,572 افراد نے اے آئی آر ایپ پر نیوز کو ڈاؤن لوڈ کیا اور ہریانہ کے 7 اضلاع میں تقریباً 1,12,933 شرکاء نے اس میں حصہ لیا۔

‘‘مہاری لاڈو’’ ریڈیو پروگرام بی بی بی پی اقدام  کے تحت جدت طرازی اور مؤثر کمیونٹی کی شمولیت کی ایک مثال ہے۔ یہ اس بات کو اجاگر کرتا ہے  کہ کیسے اچھی طرح سے مربوط، ٹیکنالوجی پر مبنی صنفی مساوات کے پیغام کو بڑھا سکتا ہے اور تبدیلی کی ترغیب دے سکتا ہے۔ مہاری  لاڈو اقدام بلاشبہ ملک بھر میں اپنائے جانے کے لئے  ایک نمونے کے طور پر کام کرتا ہے۔

***

ش ح۔ ک ا۔ ش ب ن

(Release ID: 2099737) Visitor Counter : 10