کوئلے کی وزارت نے مالیاتی ترغیبی اسکیم کے زمرہ-II کے تحت منتخب درخواست دہندگان کا اعلان کیا ہے ، جو ہندوستان کے  کوئلے سے گیس بنانے  کے اہم  پروگرام  کے سلسلے میں  ایک بڑا قدم ہے ۔  8500 کروڑ روپے کے مالی اخراجات کے ساتھ ، اس اسکیم کو کوئلے کی گیسیفیکیشن کو تیز کرنے ، کاربن کے اخراج کو کم کرنے ، توانائی کی یقینی فراہمی کو بڑھانے اور پائیدار ترقی کو فروغ دینے کے لیے ڈیزائن کیا گیا ہے ۔

24 جنوری 2024 کو شروع کی گئی یہ اسکیم نجی کمپنیوں اور سرکاری پی ایس یو دونوں کو کوئلے  سے گیس تیار کرنے کے منصوبوں کو شروع کرنے کی ترغیب دیتی ہے ۔  زمرہ-2 کے لیے تجاویز کی درخواست 15 مئی 2024 کو جاری کی گئی تھی ، اور تکنیکی بولیوں کا آغاز  10 جنوری 2025 کو کیا گیا تھا۔  اسکیم کے زمرہ-II کے تحت مالی ترغیبات حاصل کرنے کے لیے منتخب درخواست دہندگان مندرجہ ذیل ہیں:

زمرہ دوم (نجی شعبے اور سرکاری پی ایس یو کے لیے)

• جندل اسٹیل اینڈ پاور لمیٹڈ
• نیو ایرا کلین ٹیک سولیوشن پرائیویٹ لمیٹڈ
• گریٹا انرجی لمیٹڈ

یہ پہل 2030 تک 100 ملین ٹن کوئلے  سے گیس تیار کرنے  کی ہندوستان کی حکمت عملی کا ایک لازمی حصہ ہے ۔  بولی لگانے کے اس عمل میں صنعت کی بڑھتی ہوئی شرکت کوئلے کی گیسیفیکیشن ٹیکنالوجیز کے سلسلے میں بڑھتی ہوئی رفتار کو اجاگر کرتی ہے ، جو ہندوستان کے توانائی کے منظر نامے میں مثبت تبدیلی اور کوئلے کے روایتی استعمال سے اس کی منتقلی کا اشارہ ہے ۔

بولی لگانے کے اس عمل کی کامیاب تکمیل  سے کوئلے کی وزارت کے  ماحول کے لئے زیادا سازگار ،   زیادہ موثر طریقہ سے توانائی فراہم کرنے والی  کوئلے کی صنعت کے وژن کو مزید تقویت حاصل ہو گی۔

*****

ش ح۔ اع خ۔ س ع س

U NO 6060 

(Release ID: 2099702) Visitor Counter : 18