دفاعی تحقیق وترقی کی تنظیم (ڈی آر ڈی او) نے اوڈیشہ کے ساحل سے دور چندی پور سے بہت کم فاصلے کے فضائی دفاعی نظام (وی ایس ایچ او آر اے ڈی ایس) کے لگاتار تین تجربے کامیابی کے ساتھ مکمل کیے ہیں ۔ یہ تجربے بہت کم اونچائی پر تیز رفتار اہداف کو نشانہ بنانے کے لیے کیے گئے تھے ۔

ان تین فضائی تجربوں کے دوران ، میزائلوں نے پرواز کے مختلف حالات میں  کم اونچائی پر اڑنے والے ڈرونز جیسے اہداف کو نشانہ بنایا اور کم تھرمل سگنیچر پر ان اہداف کو روک کر انہیں مکمل طور پر تباہ کر دیا ۔ یہ فلائٹ ٹیسٹ تعیناتی کے حتمی انتظام میں کیے گئے تھے، جس میں دو فیلڈ آپریٹرز نے ہتھیاروں کی تیاری ، ہدف کے حصول کے ساتھ میزائل فائر کیے تھے ۔

چندی پور کے انٹیگریٹڈ ٹیسٹ رینج کی طرف سے تعینات ٹیلی میٹری ، الیکٹرو آپٹیکل ٹریکنگ سسٹم اور رڈار جیسے مختلف رینج کے آلات سے موصول ہونے والے تمام اعداد و شمار سے  درستگی کے ساتھ کامیاب تجربے کی تصدیق ہوئی  اور دیگر قسم کے فضائی خطرات کے ساتھ ڈرون کو بے اثر کرنے میں وی ایس ایچ او آر اے ڈی ایس میزائل نظام کی منفرد صلاحیت کو اجاگر کیا ۔یہ فضائی تجربے ڈی آر ڈی او ، مسلح افواج اور ترقیاتی اور پروڈکشن شراکت داروں کے سینئر عہدیداروں کی موجودگی میں انجام دیئے گئے ۔

وی ایس ایچ او آر اے ڈی ایس ایک انسان بردار فضائی دفاعی نظام ہے، جسے ڈی آر ڈی او لیبارٹریوں اور ڈیولپمنٹ کم پروڈکشن پارٹنرز کے تعاون سے ریسرچ سینٹر امارت نے ملک میں ہی ڈیزائن اور تیار کیا ہے ۔ یہ میزائل نظام مسلح افواج کی تینوں شاخوں یعنی بھارتیہ فوج ، بحریہ اور فضائیہ کی ضروریات کو پورا کرنے کی صلاحیت رکھتا ہے ۔

وزیر دفاع جناب راج ناتھ سنگھ نے کامیاب فضائی تجربے پر ڈی آر ڈی او ، مسلح افواج اور دفاعی صنعتوں کو مبارکباد دی ہے اور اسے ایک بڑی کامیابی قرار دیا ہے ۔

محکمہ دفاع کے تحقیق و ترقی کے سکریٹری اور ڈی آر ڈی او کے چیئرمین ڈاکٹر سمیر وی کامتھ نے بھی ڈی آر ڈی او کی پوری ٹیم ، صارفین اور دفاعی صنعت کے شراکت داروں کو اپنی نیک خواہشات کا اظہار کیا ہے ۔

 

***************

(ش ح۔ک ح۔ش ت)

U:5977

(Release ID: 2099120) Visitor Counter : 10