مرکزی وزیر تعلیم جناب دھرمیندر پردھان نے آج نئی دہلی میں یونیورسٹی آف ساؤتھمپٹن ​​اور برٹش کونسل ان انڈیا کے ایک نمائندہ وفد سے ملاقات کی۔ میٹنگ میں اعلیٰ تعلیم کے محکمے کے سکریٹری جناب ونیت جوشی، ساؤتھمپٹن ​​یونیورسٹی کے سربراہ  اور وائس چانسلر پروفیسر مارک ای اسمتھ،  ہندوستان میں برٹش کونسل کی کنٹری ڈائریکٹر محترمہ ایلیسن بیریٹ ایم بی ای اور وزارت کے دیگر حکام  بھی موجود تھے۔

جناب  دھرمیندر پردھان نے اس بات پر روشنی ڈالی کہ عالمی سطح پر اعلیٰ 100 یونیورسٹی اور ہندوستان میں کیمپس قائم کرنے والا پہلا غیر ملکی ادارہ ہونے کے ناتے ، ساؤتھمپٹن ​​یونیورسٹی دہلی این سی آر کیمپس بھارتی اور غیر ملکی  دونوں طلبہ کے لئے تحقیق، اختراع اور حقیقی دنیا پر مبنی  اعلیٰ معیار کی تعلیم فراہم کرے گا۔  انہوں نے اس بات پر زور دیا کہ یہ اقدام تعلیم کی عالم  کاری کی طرف ہندوستان کے سفر میں ایک اہم قدم کی نشاندہی کرتا ہے، ہندوستان میں مطالعہ پروگرام کی حمایت کرتا ہے اور گھریلو اعتبار سے عالمی سطح پر تعلیمی معیار کو آگے بڑھاتا ہے، جیسا کہ این ای پی 2020 میں پیش  کیا گیا ہے۔

بات چیت کے دوران، پروفیسر اسمتھ نے وزیر کو ساؤتھمپٹن ​​یونیورسٹی کے دہلی این سی آر کیمپس کی پیش رفت سے آگاہ کیا۔

***

ش ح۔ ک ا۔ م ش

(Release ID: 2097857)