मुंबई, 29 जानेवारी 2025

 

बीआयएस म्हणजेच भारतीय मानक ब्युरोच्या मुंबई शाखा कार्यालय-दोनच्या वतीने  28 जानेवारी,2025  रोजी ठाणे जिल्ह्यातील भिवंडी येथे असलेल्या मेसर्स बेबी कार्ट एलएलपी येथे शोध मोहीम करून  जप्तीची कारवाई केली. या कारवाईच्या वेळी  मोठ्या प्रमाणात 367 आयएसआय  मार्क नसलेली इलेक्ट्रिकल आणि नॉन-इलेक्ट्रिकल खेळणी जप्त करण्यात आली. ही खेळणी वैध आयएसआय  प्रमाणन चिन्हांशिवाय साठवण्यालत आली होती  आणि ती विकलीही जात होती. प्रमाणित नसलेल्या खेळण्यांाची विक्री करणे  म्हणजे,  खेळणी गुणवत्ता नियंत्रण आदेश, 2020 आणि बीआयएस  कायदा, 2016 च्या कलम 17चे उल्लंघन आहे.

भारतीय मानक ब्युरो कायदा, 2016 मधील  च्या कलम 29  सह वाचलेल्या कलम 17  नुसार, बीआयएस  कायद्यातील तरतुदींचे उल्लंघन केल्याबद्दल कंपनीविरुद्ध फौजदारी तक्रार दाखल केली जाईल. याव्यतिरिक्त, अशा बनावट उत्पादनांच्या  विक्रीसाठी उपलब्ध असलेल्या ई-कॉमर्स वेबसाइटवर कारवाई केली जाईल. बीआयएस कायद्यानुसार, उल्लंघन करणाऱ्यांना पहिल्या गुन्ह्यासाठी दोन वर्षांपर्यंत तुरुंगवास आणि/किंवा किमान दोन लाख रुपयांचा दंड होऊ शकतो, त्यानंतरच्या उल्लंघनासाठी दंड पाच लाख रुपये किंवा त्याहून अधिक वाढू शकतो. तसेच  संबंधित वस्तूंच्या किमतीच्या दहापट दंड देखील न्यायालयाकडून  आकारला जाऊ शकतो. बनावट वस्तूंचे वितरण रोखण्यासाठी आणि ग्राहकांचे संरक्षण करण्यासाठी,  प्रतिसाद म्हणून बीआयएसकडून  नियमित शोध आणि जप्तीची कारवाई केली जाते.

ग्राहकांनी कोणतीही  खरेदी करण्यापूर्वी उत्पादनांच्या बीआयएस  प्रमाणन दर्जाविषयी पडताळणी करावी, यासाठी प्रोत्साहित केले जाते. बीआयएस केअर ऍप वापरकर्त्यांना कोणत्याही उत्पादनाच्या परवानाची स्थिती तपासण्याची परवानगी असते.  जर परवाना निलंबित, स्थगित किंवा कालबाह्य आढळला तर ग्राहक ऍपद्वारे तक्रारी दाखल करू शकतात.  जर  बीआयएस मानक चिन्हांचा (आयएसआय मार्क, हॉलमार्क आणि बीआयएस नोंदणी चिन्हांसह) गैरवापर केल्याचे लक्षात आल्यास, लोकांनी ईमेल, पत्र किंवा बीआयएस केअर ऍपद्वारे तक्रार करण्याचे आवाहनही बीएसआय ने केले आहे. बीएसआयचे ऍप्लिकेशन गुगल प्ले स्टोअर आणि ऍप स्टोअरवर डाऊनलोड करण्यासाठी उपलब्ध आहे. यामध्येब  सर्व माहिती  गोपनीय ठेवली जाते.

 

* * *

PIB Mumbai | S.Patil/S.Bedekar/D.Rane

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(रिलीज़ आईडी: 2097454) आगंतुक पटल : 59