اتحاد اور حب الوطنی کے جذبے کو اپناتے ہوئے، مینگنیز اُور(انڈیا) لمیٹڈ نے اپنی بالاگھاٹ کان میں ملک کا 76 واں یوم جمہوریہ انتہائی جوش وخروش کے ساتھ منایا۔ تقریبات کا آغاز ا یم او آئی ایل کے سی ایم ڈی جناب اجیت کمار سکسینہ کے ذریعہ قومی پرچم لہرانے کے ساتھ ہوا۔ ان کے ساتھ جناب راکیش تمانے، ڈائریکٹر (فنانس)، جناب ایم ایم عبداللہ، ڈائریکٹر (پروڈکشن اینڈ پلاننگ)، محترمہ رشمی سنگھ، ڈائریکٹر (کمرشیل) اور محترمہ سشما سکسینہ اہلیہ جناب اجیت سکسینہ، بطور خصوصی مدعو، دیگر سینئر عہدیدارموجودتھے۔

 

 

اس تقریب میں گارڈز اور اسکول کے بچوں پر مشتمل ایک شاندار پریڈ کی نمائش کی گئی، جس میں ملازمین کے خاندانوں نے سرگرم طریقے سے شرکت کی۔ تقریبات کی خاص بات ایک متحرک ثقافتی پروگرام تھا جس میں اسکول کے 500 سے زائد بچوں اور ملازمین نے حب الوطنی اور ثقافتی پرفارمنس کا دلکش انداز میں مظاہرہ کیا۔

مجمع سے خطاب کرتے ہوئے، جناب سکسینہ نے آئین میں درج اقدار کے تئیں ایم او آئی ایل کے غیر متزلزل عزم اور ملک کی ترقی میں  تعاون میں کمپنی کے کردار پر زور دیا۔

بہترین کارکردگی کے اعتراف میں، سی ایم ڈی  جناب سکسینہ نے محترمہ سکسینہ کے ساتھ بہترین ملازمین، بہترین سیکورٹی اہلکاروں، اور بہترین ہاسپیٹل مینجمنٹ ٹیم کو اعزازات سے نوازا۔ تقریبات کے ایک حصے کے طور پر منعقدہ مختلف مقابلوں میں جیتنے والوں کو بھی نوازا گیا۔ اس موقع پر ایم او آئی ایل کے لیے کام کرنے والے کنٹریکٹ لیبر کے لیے مختلف نئی فلاحی اسکیموں کا اعلان کیا گیا۔

تقریبات کے ایک حصے کے طور پر، سی ایم ڈی الیون اور ڈی ایف الیون کے درمیان ایک دوستانہ کرکٹ میچ ڈونگری بزرگ کان میں منعقد ہوا، جس سے ایم او آئی ایل ملازمین کے درمیان دوستی اور ٹیم ورک کو فروغ ملا۔ محترمہ سشما سکسینہ تقریب میں مہمان خصوصی تھیں اور انہوں نے ٹرافیاں تقسیم کیں۔

********

ش ح۔ ف ا ۔ف ر

 (U: 5739)

(Release ID: 2096917) Visitor Counter : 17