انٹرنیشنل فنڈ فار ایگریکلچرل ڈیولپمنٹ  کے ایسوسی ایٹ نائب صدر جناب  ڈونل براؤن نے آج نئی دہلی کے کرشی بھون میں محکمہ زراعت اور کسانوں کی بہبود  کے سکریٹری ڈاکٹر دیویش چترویدی سے ملاقات کی۔میٹنگ کے دوران جناب براؤن نے انٹرنیشنل فنڈ فار ایگریکلچرل ڈیولپمنٹ کے بانی رکن کے طور پر ہندوستان کے کردار اور انٹرنیشنل فنڈ فار ایگریکلچرل ڈیولپمنٹ کے ساتھ دیرینہ اور نتیجہ خیز شراکت داری کی تعریف کی۔ جناب براؤن نے سکریٹری کو ریاستی حکومتوں کے ساتھ انٹرنیشنل فنڈ فار ایگریکلچرل ڈیولپمنٹ کے اشتراکی منصوبوں کے بارے میں بتایا جس كا مقصد خاص طور پر شمال مشرقی اور ہمالیائی علاقوں میں آب و ہوا کے لیے لچکدار زرعی ویلیو چینز کی تعمیر پر توجہ مرکوز کرنا؛ خواتین، نوجوانوں، قبائلی برادریوں کو بااختیار بنانا؛ پسماندہ کسانوں کی حمایت اور دیہی انفراسٹرکچر کو مضبوط کرنا ہے۔

میٹنگ کے دوران زراعت کے سکریٹری جناب دیوش چترویدی نے بشمول خوراک اور غذائی تحفظ، آب و ہوا سے لچکدار زراعت، پائیدار کھیتی کے طریقوں اور کسانوں کی آمدنی میں بہتری وزارت کی اہم ترجیحات پر روشنی ڈالی ۔ انہوں نے فارمر پروڈیوسر تنظیموں کی پائیداری کو یقینی بنانے، زراعت کو سپورٹ کرنے کے لیے سیلف ہیلپ گروپس کا استعمال كرنے، مربوط کاشتکاری کے نظام کو فروغ دینے اور جدید، کفایت شعاری کے حل کے ذریعے زرعی کاروبار کو فروغ دینے کی اہمیت پر بھی زور دیا۔انہوں نے انٹرنیشنل فنڈ فار ایگریکلچرل ڈیولپمنٹ  کے مربوط فارمنگ ماڈلز، ایف پی اوز کی شمولیت، انٹرپرینیورشپ ڈویلپمنٹ اور شریک فنانسنگ اقدامات کے لیے مسلسل تعاون کا بھی ذکر کیا۔

انٹرنیشنل فنڈ فار ایگریکلچرل ڈیولپمنٹ کا ملکی حکمت عملی منصوبہ تیار کرنے کے لیے وزارت کی اہم ترجیحات کی بنیاد پر تعاون کے مزید شعبوں کی نشاندہی کے لیے بات چیت ہوئی۔

انٹرنیشنل فنڈ فار ایگریکلچرل ڈیولپمنٹ کے وفد میں محترمہ پیٹرنل میرینے بوگارڈ، منیجنگ ڈائریکٹر، آفس آف ٹیکنیکل ڈیلیوری شامل تھیں۔ جناب عبدالکریم سما، کنٹری ڈائریکٹر، محترمہ میرا مشرا، کنٹری پروگرام کوآرڈینیٹر اور محترمہ الزبتھ سٹین مائر، پروگرام آفیسر شامل تھیں۔ ہندوستانی طرف سے محترمہ منیندر کور دویدی، ایڈیشنل سیکریٹری ، جوائنٹ سیکریٹری (آئی سی)، جوائنٹ سیکریٹری (مارکیٹنگ) اور نابارڈ کے نمائندے شامل تھے۔

*****

U.No:5722

ش ح۔ع س۔س ا

(Release ID: 2096824) Visitor Counter : 15