پٹرولیم اور قدرتی گیس کے مرکزی وزیر جناب ہردیپ سنگھ پوری نے آج ممبئی میں بتایا کہ شرکت ، نمائش کے رقبے اور سیشنز کے لحاظ سے انڈیا انرجی ویک (آئی ای ڈبلیو) 2025 ،جس کا اہتمام ایک لاکھ مربع میٹر سے زیادہ رقبہ میں کیا جائے گا، عالمی سطح پر توانائی کی دوسری سب سے بڑی تقریب ہوگی ۔

یشو بھومی ، دوارکا ، نئی دہلی میں11 سے 14 فروری2025 تک منعقد ہونے والا آئی ای ڈبلیو2025 میں وزراء ، سی ای اوز اور صنعت کے لیڈروں کی بے مثال عالمی شرکت کی توقع ہے ، جس سے توانائی کے شعبے میں نئے معیارات قائم ہوں گے ۔

میڈیا سے بات چیت کرتے ہوئے وزیر موصوف نے آئی ای ڈبلیو2025 کے موقع پر ہونے والی کلین کوکنگ منسٹریل میٹنگ پر روشنی ڈالی ۔ یہ تقریب کھانا پکانے کے صاف ستھرے سولیوشنز کو عالمی سطح پر اپنانے میں تیزی لانے کے لیے باہمی تعاون کی کوششوں کو مضبوط کرنے کے لیے ایک اہم پلیٹ فارم کے طور پر کام کرے گی ۔ ہندوستان کی انتہائی کامیاب ‘پردھان منتری اجولا یوجنا’(پی ایم یو وائی) توانائی تک رسائی کے چیلنجوں سے نمٹنے کے لیے ایک عالمی ٹیمپلیٹ کے طور پر گرانقدر بصیرت اور بہترین طریقہ کار کی نمائش کرے گی ۔

آئی ای ڈبلیو2025 گزشتہ ایڈیشنوں کے مقابلے ،پیمانے اور شرکت میں قابل ذکر ترقی حاصل کرنے کے لیے تیار ہے ۔ نمائش کی جگہ میں 65فیصد اضافہ کرکے اسے 28,000 مربع میٹر تک کیا جائے گا ، جبکہ کانفرنس سیشنز کی تعداد 105 ہو جائے گی  اور عالمی مندوبین کی تعداد 70,000 سے تجاوز کر جائے گی۔ اہم بین الاقوامی آوازوں سمیت500 سے زیادہ مقررین شرکت کریں گے ، جو اس تقریب کی بڑھتی ہوئی عالمی اہمیت کی عکاسی کرتے ہیں ۔ کانفرنس میں امریکہ ، برطانیہ ، روس ، جاپان ، جرمنی اور نیدرلینڈز جیسے سرکردہ ممالک کے 10 ملکی پویلین کی میزبانی بھی کی جائے گی ، اس کے ساتھ ہی ہائیڈروجن ، قابل تجدید ذرائع ، بائیو فیولز اور پیٹروکیمیکلز پر توجہ مرکوز کرنے والے آٹھ موضوعاتی زونز ہوں گے ۔

اس تقریب میں20 سے زیادہ بیرون ممالک کے توانائی کے وزراء یا نائب وزراءکے ساتھ ساتھ بین الاقوامی تنظیموں کے سربراہان اور فارچیون 500 توانائی کمپنیوں کے 90 سی ای اوز شرکت کریں گے ۔ یہ عالمی توانائی منتقلی مذکرات کی تشکیل میں ہندوستان کے بڑھتے ہوئے اثر و رسوخ کی عکاسی کرتا ہے۔ جناب پوری نے نوجوانوں اور اختراع کاروں کو شامل کرنے کے اقدامات پر بھی روشنی ڈالی ، جس میں معروف آئی آئی ٹیز ، ‘‘اوینیا’’ اور ‘‘وسودھا’’ جیسے اسٹارٹ اپ پلیٹ فارم اور دہلی/این سی آر کے 500 طلباء اختراع اور ٹیکنالوجی پر مبنیسولیوشنز کی نمائش کے لیے حصہ لے رہے ہیں ۔

آئی ای ڈبلیو2025 کی ایک اہم خصوصیت توانائی کی حفاظت ، منصفانہ اور منظم منتقلی ، تعاون ، لچک ، صلاحیت سازی اور ڈیجیٹل ترقی سمیت زبردست موضوعات پر توجہ مرکوز کرنا ہے ۔ اس تقریب کی کلین کوکنگ منسٹریل پائیدار اور سستی توانائی کے سولیوشنز تک رسائی کو یقینی بنانے میں ہندوستان کے قائدانہ کردار کو مزید وسعت دے گی ، جس سے توانائی کی مساوات کے لیے اس کے عالمی عزم کو تقویت ملے گی ۔

اپنے بے مثال پیمانے اور اختراع پر توجہ مرکوز کرنے کے ساتھ ، انڈیا انرجی ویک2025 ہندوستان کو عالمی توانائی کی منتقلی میں سب سے آگے رکھنے اور توانائی کے شعبے میں تبدیلی کے لیے ایک محرک کے طور پر اپنے کردار کو مضبوط کرنے کے لیے تیار ہے ۔

*******

(ش ح۔ ا گ۔ش ت)

U:5703