954421 کارپورل وکی پہاڑے کمیونی کیشن ٹیکنیشن 16 اکتوبر 23 سے ٹرانسپورٹیبل راڈار یونٹ میں تعینات کیا گیا ہے۔ وہ یونٹ آپریشن مقام شاہ ستار(جے کے اینڈ ایل) میں اپنی ٹریڈ ڈیوٹی کے بموجب تعینات تھے۔

04 مئی 24 کو کارپورل وکی پہاڑے کو یونٹ کے آپریشن مقام سے 40 کلومیٹر دور واقع انڈین آرمی فیلڈ سپلائی ڈپو سے یونٹ کے لیے راشن لینے کے لیے مسلح محافظ کے طور پر تعینات کیا گیا تھا۔ صبح 1759 بجے کے قریب فیلڈ سپلائی ڈپو سے واپس لوٹتے ہوئے ان کی گاڑی پر تین دہشت گردوں نے گھات لگا کر حملہ کر دیا۔

حملے کے وقت وہ اپنے مقررہ کردار کے مطابق گاڑی کی اگلی سیٹ پر بیٹھے ہوئے تھے۔ سامانے والی سیٹ پر بیٹھے ہونے کی وجہ سے ان پر بھاری اور چھوٹے ہتھیاروں سے فائرنگ کی گئی تھی اور ان کے سر، گردن اور سینے میں گولیوں کے شدید زخم آئے تھے۔ تاہم، اپنی جسمانی حالت کی پرواکیے بغیر، انھوں نے اپنا سکون، حالات سے آگاہی برقرار رکھی اور اپنے ذاتی ہتھیار (اے کے -103) سے ایک دہشت گرد پر جوابی فائرنگ کی جو اونچی پہاڑیوں سے ان کی گاڑی پر فائرنگ کر رہا تھا۔ اس کی جوابی فائرنگ کی وجہ سے دہشت گرد کو چھپنا پڑا جس کی وجہ سے پیچھے بیٹھے مسلح فضائیہ کے جنگجوؤں نے مربوط انداز میں دہشت گردوں پر فائرنگ کی۔ کارپورل وکی پہاڑے کے اس جرات مندانہ اقدام کے نتیجے میں باقی فضائیہ کے جنگجوؤں کو دہشت گردوں پر جوابی فائرنگ کرنے کا موقع ملا ، جس سے ان کی ٹیم کے ارکان کی قیمتی جانیں بچ گئیں اور سروس کی املاک کو ہونے والے دیگر نقصانات کو روکا گیا۔ تاہم کارپورل وکی پہاڑے نے بعد میں کمانڈ اسپتال اودھم پور میں زخموں کی تاب نہ لاتے ہوئے دم توڑ دیا۔

زندگی کو خطرے میں ڈالنے والی صورت حال کے دوران غیر معمولی جرات کا مظاہرہ کرنے کے لیے ، کارپورل وکی پہاڑے کمیونی کیشن ٹیکنیشن کو بعد از مرگ ’وایو سینا میڈل (بہادری) سے نوازا گیا ہے۔

***

(ش ح – ع ا)

U. No. 5633

(Release ID: 2096154) Visitor Counter : 27