2025ರ ಗಣರಾಜ್ಯೋತ್ಸವ ಆಚರಣೆಗಳ ವಿಶೇಷ ಅತಿಥಿಗಳಾಗಿ ದೇಶಾದ್ಯಂತದ 550ಕ್ಕೂ ಹೆಚ್ಚು ಬುಡಕಟ್ಟು ಫಲಾನುಭವಿಗಳಿಗೆ ಕೇಂದ್ರ ಬುಡಕಟ್ಟು ವ್ಯವಹಾರಗಳ ಸಚಿವಾಲಯ (ಎಂ.ಒ.ಟಿ.ಎ) ಮೂಲಕ ಆತ್ಮೀಯ ಸ್ವಾಗತವನ್ನು ನೀಡಲಾಗಿದೆ. ಕೇಂದ್ರ ಬುಡಕಟ್ಟು ವ್ಯವಹಾರಗಳ ಸಚಿವಾಲಯ (ಎಂ.ಒ.ಟಿ.ಎ) ಯ ಜಂಟಿ ಕಾರ್ಯದರ್ಶಿ ಮತ್ತು ಮತ್ತು ಎನ್.ಎಸ್.ಟಿ.ಎಫ್.ಡಿ.ಸಿ.ಯ ಸಿಎಂಡಿ ಶ್ರೀ ಟಿ. ರೌಮುವಾನ್ ಪೈಟೆ, ನಿರ್ದೇಶಕಿ ಶ್ರೀಮತಿ ದೀಪಾಲಿ ಮಸಿರ್ಕರ್, ಉಪ ಕಾರ್ಯದರ್ಶಿ  ಅಂಜಲಿ ಆನಂದ್, ಮತ್ತು ಅಧೀನ ಕಾರ್ಯದರ್ಶಿ ಪಿ. ಹಾಕಿಪ್ ಸೇರಿದಂತೆ ಹಿರಿಯ ಅಧಿಕಾರಿಗಳಿಂದ ವಿಶ್ವ ಯುವ ಕೇಂದ್ರ, ಚಾಣಕ್ಯಪುರಿ, ನವದೆಹಲಿ ಇಲ್ಲಿ  ಸ್ವಾಗತವನ್ನು ಆಯೋಜಿಸಲಾಗಿದೆ.  

ಪ್ರತಿ ವರ್ಷ, ಕೇಂದ್ರ ಬುಡಕಟ್ಟು ವ್ಯವಹಾರಗಳ ಸಚಿವಾಲಯವು ಬುಡಕಟ್ಟು ಸಾಧಕರು, ಪ್ರಶಸ್ತಿ ಪುರಸ್ಕೃತರು ಮತ್ತು ವಿವಿಧ ಸರ್ಕಾರಿ ಯೋಜನೆಗಳ ಫಲಾನುಭವಿಗಳನ್ನು ಗಣರಾಜ್ಯೋತ್ಸವಕ್ಕೆ ರಾಜ್ಯ ಅತಿಥಿಗಳಾಗಿ ಆಹ್ವಾನಿಸುತ್ತದೆ.  ಈ ವರ್ಷ, ಅತಿಥಿಗಳು ಪ್ರಧಾನಮಂತ್ರಿ ಜನಜಾತಿ ಆದಿವಾಸಿ ನ್ಯಾಯ ಮಹಾ ಅಭಿಯಾನ (ಪಿಎಂ  ಜನಮಾನ್), ಪ್ರಧಾನ ಮಂತ್ರಿ ವನ್ ಧನ್ ಯೋಜನೆ (ಪಿಎಂವಿಡಿವೈ), ಮತ್ತು ರಾಷ್ಟ್ರೀಯ ಪರಿಶಿಷ್ಟ ಪಂಗಡಗಳ ಹಣಕಾಸು ಮತ್ತು ಅಭಿವೃದ್ಧಿ ನಿಗಮ (ಎನ್.ಎಸ್.ಟಿ.ಎಫ್.ಡಿ.ಸಿ.) ಅಡಿಯಲ್ಲಿರುವ  ವಿವಿಧ ಉಪಕ್ರಮಗಳ ಫಲಾನುಭವಿಗಳನ್ನು ಆಮಂತ್ರಿಸಲಾಗಿದೆ.

ವಿಶೇಷ ಅತಿಥಿಗಳು ಮಾಡುವ ಪ್ರವಾಸಗಳ ಮುಖ್ಯಾಂಶಗಳು:

1.  ಜನವರಿ 24: ಗೌರವಾನ್ವಿತ ಪ್ರಧಾನ ಮಂತ್ರಿಯವರೊಂದಿಗೆ ಅವರ ಅಧಿಕೃತ ನಿವಾಸದಲ್ಲಿ ಸಂವಾದ.
2.  ಜನವರಿ 25: ಸಂಸತ್ ಭವನಕ್ಕೆ ಭೇಟಿ ಮತ್ತು ದೆಹಲಿ ಮೆಟ್ರೋ ಪ್ರಯಾಣದ ಅನುಭವ.
3.  ಜನವರಿ 26: ಗಣರಾಜ್ಯೋತ್ಸವ ಪರೇಡ್‌ ನಲ್ಲಿ ಪಾಲ್ಗೊಳ್ಳುವಿಕೆ ಮತ್ತು ರಾಷ್ಟ್ರೀಯ ಯುದ್ಧ ಸ್ಮಾರಕಕ್ಕೆ ಭೇಟಿ.
4.  ಜನವರಿ 27: ಪ್ರಧಾನಮಂತ್ರಿಯವರ ಎನ್.ಸಿ.ಸಿ ಮೆರವಣಿಗೆಯಲ್ಲಿ ಭಾಗವಹಿಸುವಿಕೆ.
5.  ಜನವರಿ 28: ರಾಷ್ಟ್ರಪತಿ ಭವನದಲ್ಲಿ ಭಾರತದ ಗೌರವಾನ್ವಿತ ರಾಷ್ಟ್ರಪತಿಗಳೊಂದಿಗೆ ಸಭೆ.
6. ಜನವರಿ 29-31: ಕೆಂಪು ಕೋಟೆ, ಕುತುಬ್ ಮಿನಾರ್ ಮತ್ತು ಸಾಂಸ್ಕೃತಿಕ ವಿನಿಮಯ ಸೇರಿದಂತೆ ದೆಹಲಿಯ ಪ್ರವಾಸಿ ತಾಣಗಳು,  ದೃಶ್ಯವೀಕ್ಷಣೆಯ ಸ್ಥಳಗಳ ವೀಕ್ಷಣೆ.
7. ಫೆಬ್ರವರಿ 1: ಅವರ ನಿರ್ಗಮನದ ಮೊದಲು ಆಗ್ರಾ ಮತ್ತು ಮಥುರಾಗೆ ವಿಹಾರ ಯಾತ್ರೆ.

 ಬಹು ದೂರದ ಮತ್ತು ಅತಿ ದೂರ ವ್ಯಾಪ್ತಿಯ ಪ್ರದೇಶಗಳಿಂದ ಬಂದಿರುವ ಬುಡಕಟ್ಟು ಅತಿಥಿಗಳು, ಮೊದಲ ಬಾರಿಗೆ ರಾಷ್ಟ್ರ ರಾಜಧಾನಿಗೆ ಭೇಟಿ ನೀಡಿದಾಗ ಆಗಿರುವ ತಮ್ಮ ಸಂತೋಷ ಮತ್ತು ಉತ್ಸಾಹವನ್ನು ವ್ಯಕ್ತಪಡಿಸಿದರು. ತಮ್ಮ ಪರಂಪರೆಯ ಚೈತನ್ಯವನ್ನು ಪ್ರದರ್ಶಿಸಲು ಸಾಂಸ್ಕೃತಿಕ ಪ್ರದರ್ಶನಗಳು, ಹಾಡುಗಾರಿಕೆ ಮತ್ತು ನೃತ್ಯಗಳಲ್ಲಿ ಅನೇಕರು ಭಾಗವಹಿಸಿದರು.

ಗೌರವಾನ್ವಿತ ಕೇಂದ್ರ ಬುಡಕಟ್ಟು ವ್ಯವಹಾರಗಳ ಸಚಿವರಾದ ಶ್ರೀ ಜುಯಲ್ ಓರಮ್ ಅವರು ಹೇಳಿದರು: "ಗಣರಾಜ್ಯೋತ್ಸವದಲ್ಲಿ ಬುಡಕಟ್ಟು ಫಲಾನುಭವಿಗಳ ಸೇರ್ಪಡೆಯು ಭಾರತದ ವೈವಿಧ್ಯಮಯ ಪರಂಪರೆ ಮತ್ತು ಬುಡಕಟ್ಟು ಸಮುದಾಯಗಳ ಪ್ರಮುಖ ಕೊಡುಗೆಗಳನ್ನು ಗೌರವಿಸುವ ನಮ್ಮ ಬದ್ಧತೆಯನ್ನು ಒತ್ತಿಹೇಳುತ್ತದೆ. ಪಿಎಂ ಜನಮನ್ ಮತ್ತು ಪಿಎಂವಿಡಿವೈನಂತಹ ಪ್ರಮುಖ ಯೋಜನೆಗಳ ಮೂಲಕ, ಸಚಿವಾಲಯವು ಜೀವನದ ಗುಣಮಟ್ಟವನ್ನು ಸುಧಾರಿಸುವಲ್ಲಿ ಮತ್ತು ಬುಡಕಟ್ಟು ಜನಾಂಗದವರಲ್ಲಿ ಉದ್ಯಮಶೀಲತೆಯನ್ನು ಬೆಳೆಸುವಲ್ಲಿ ಗಮನಾರ್ಹ ದಾಪುಗಾಲು ಹಾಕುತ್ತಿದೆ.  76ನೇ ಗಣರಾಜ್ಯೋತ್ಸವವು 'ಸ್ವರ್ಣಿಮ್ ಭಾರತ್ - ವಿರಾಸತ್ ಔರ್ ವಿಕಾಸ್' ಎಂಬ ವಿಷಯದೊಂದಿಗೆ, ನಮ್ಮ ಬುಡಕಟ್ಟು ಸಹೋದರರು ಮತ್ತು ಸಹೋದರಿಯರ ಅಮೂಲ್ಯವಾದ ಸಾಂಸ್ಕೃತಿಕ ಮತ್ತು ಐತಿಹಾಸಿಕ ಪರಂಪರೆಯನ್ನು ಆಚರಿಸಲು ಒಂದು ಉತ್ತಮ ಸಂದರ್ಭವಾಗಿದೆ.

ಕೇಂದ್ರ ಬುಡಕಟ್ಟು ವ್ಯವಹಾರಗಳ ಸಚಿವಾಲಯದ ಕಾರ್ಯದರ್ಶಿ ಶ್ರೀ ವಿಭು ನಾಯರ್ ಅವರು ಈ ಉಪಕ್ರಮದ ಮಹತ್ವವನ್ನು ಒತ್ತಿ ಹೇಳಿದರು: "ಈ ಮಾನ್ಯತೆ ಭೇಟಿಗಳು ಹಾಗೂ 31 ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ ಬುಡಕಟ್ಟು ಸಮುದಾಯಗಳಿಗೆ ಗಣರಾಜ್ಯೋತ್ಸವದ ವೈಭವವನ್ನು ವೀಕ್ಷಿಸಲು ಮತ್ತು ಉನ್ನತ ಗಣ್ಯರೊಂದಿಗೆ ಸಂವಾದ ನಡೆಸಲು ಒಂದು ಅನನ್ಯ ಅವಕಾಶವನ್ನು ಒದಗಿಸುತ್ತದೆ. ದೇಶದ ಈ ಅನುಭವವು ಕೇವಲ ರಾಷ್ಟ್ರೀಯ ಹೆಮ್ಮೆಯನ್ನು ಬೆಳೆಸುತ್ತದೆ ಆದರೆ ಬುಡಕಟ್ಟು ಜನಾಂಗದವರಿಗೆ ಭಾರತದ ಸಂಸ್ಕೃತಿಯೊಂದಿಗೆ ಸಂಪರ್ಕ ಸಾಧಿಸಲು ವೇದಿಕೆಯನ್ನು ನೀಡುತ್ತದೆ.  ಮತ್ತು ಐತಿಹಾಸಿಕ ಪರಂಪರೆಯು ಬುಡಕಟ್ಟು ಸಮುದಾಯಗಳ ಸಾಮಾಜಿಕ-ಆರ್ಥಿಕ ಉನ್ನತಿಗೆ ಸರ್ಕಾರದ ಬದ್ಧತೆಯನ್ನು ಎತ್ತಿ ತೋರಿಸುತ್ತದೆ.

  

 "ಸ್ವರ್ಣಿಮ್ ಭಾರತ್ - ವಿರಾಸತ್ ಔರ್ ವಿಕಾಸ್" ಪರಿಕಲ್ಪನೆ 

76ನೇ ಗಣರಾಜ್ಯೋತ್ಸವದ ಪರಿಕಲ್ಪನೆ, "ಸ್ವರ್ಣಿಮ್ ಭಾರತ್ - ವಿರಾಸತ್ ಔರ್ ವಿಕಾಸ್," ಭಾರತದ ಶ್ರೀಮಂತ ಸಾಂಸ್ಕೃತಿಕ ಪರಂಪರೆ ಮತ್ತು ಪ್ರಗತಿಯನ್ನು ಆಚರಿಸುತ್ತದೆ.  ಬುಡಕಟ್ಟು ಅತಿಥಿಗಳ ಸೇರ್ಪಡೆಯು ಸಾಂಸ್ಕೃತಿಕ ಪರಂಪರೆಯನ್ನು ಸಂರಕ್ಷಿಸಲು ಮತ್ತು ಭಾರತದ ಗುರುತಿಗೆ ಬುಡಕಟ್ಟು ಸಮುದಾಯಗಳ ಅಮೂಲ್ಯ ಕೊಡುಗೆಗಳನ್ನು ಗೌರವಿಸುವ ಸರ್ಕಾರದ ಬದ್ಧತೆಯನ್ನು ಒತ್ತಿಹೇಳುತ್ತದೆ.

ಸಚಿವಾಲಯದ ಪ್ರಯತ್ನಗಳು ಆಧುನಿಕ ಅಭಿವೃದ್ಧಿ ಮತ್ತು ಸಾಂಸ್ಕೃತಿಕ ಸಂರಕ್ಷಣೆಯ ನಡುವಿನ ಸಾಮರಸ್ಯದ ಸಮತೋಲನವನ್ನು ಪ್ರತಿಬಿಂಬಿಸುತ್ತವೆ, ಬುಡಕಟ್ಟು ಜನಸಂಖ್ಯೆಗೆ ಅಂತರ್ಗತ ಬೆಳವಣಿಗೆಯನ್ನು ಉತ್ತೇಜಿಸುತ್ತವೆ.

ಈ ವರ್ಷದ ಗಣರಾಜ್ಯೋತ್ಸವ ಆಚರಣೆಗಳು ಭಾರತದ ವೈವಿಧ್ಯಮಯ ಪರಂಪರೆ, ವೈವಿಧ್ಯಮಯ ಬುಡಕಟ್ಟು ಸಂಸ್ಕೃತಿ ಮತ್ತು ರಾಷ್ಟ್ರದಾದ್ಯಂತ ಬುಡಕಟ್ಟು ಸಮುದಾಯಗಳನ್ನು ಉನ್ನತೀಕರಿಸುವ ಮತ್ತು ಸಬಲೀಕರಣಗೊಳಿಸುವ ಸರ್ಕಾರದ ಸಂಕಲ್ಪಕ್ಕೆ ಸಾಕ್ಷಿಯಾಗಿದೆ.  

 

 

*****

(Release ID: 2096001) Visitor Counter : 22