نیشنل کوانٹم مشن (این کیو ایم) کے تحت آئی آئی ٹی بمبئی کے ذریعہ قائم کردہ کوانٹم سینسنگ اور میٹرولوجی ہب ، کیومیٹ ٹیک فاؤنڈیشن نے مشترکہ وژن کی وضاحت کرنے ، سنگ میل طے کرنے اور مشترکہ فریم ورک پر تبادلہ خیال کرنے کے لیے شعبے کے بعض بہترین افراد کو مجتمع کیا۔

کوانٹم سینسنگ اور میٹرولوجی پر توجہ مرکوز کرتے ہوئے ، ایک سیکشن 8 (غیر منافع بخش) کمپنی کیومیٹ ٹرانسلیشنل ریسرچ ، فنڈز کے انتظام اور ممبر اداروں کے مابین بین شعبہ جاتی تعاون کو فروغ دینے کے لیے قائدانہ مرکز کے طور پر کام کرتی ہے۔ شروع ہونے والے اجلاس میں آگے بڑھنے کی حکمت عملی کو مربوط کیا گیا۔

ڈی ایس ٹی کے سکریٹری پروفیسر ابھے کرنڈیکر نے اس اجلاس کا افتتاح کرتے ہوئے کہا کہ’’کیومیٹ ٹیک فاؤنڈیشن کا قیام کوانٹم ایکسیلینس کی جانب بھارت کے سفر میں ایک اہم سنگ میل کی حیثیت رکھتا ہے۔ ملک کے چند ذہین ترین ذہنوں کو متحد کرکے ہمارا مقصد کوانٹم سینسنگ اور میٹرولوجی میں بے مثال پیش رفت کرنا ہے جس سے نہ صرف بھارت کو فائدہ ہوگا بلکہ عالمی کوانٹم ایکو سسٹم میں بھی مدد ملے گی۔ بھارتی سائنسدان اس شعبے میں اہم پیش رفت کر رہے ہیں اور اب وقت آگیا ہے کہ تحقیق کو ایسے فوائد تک بڑھایا جائے جو بھارت کو بین الاقوامی سطح پر ممتاز بنا سکیں۔‘‘

اس موقع پر ڈین (آر اینڈ ڈی) پروفیسر سچن پٹوردھن اور آئی آئی ٹی بمبئی کے ڈین (اسٹریٹیجی) پروفیسر کے پی کالیپن بھی موجود تھے۔

کیومیٹ ٹیک فاؤنڈیشن کے پروجیکٹ ڈائریکٹر پروفیسر کستوری ساہا نے کہاکہ ’’کیو میٹ کا مقصد ٹیکنالوجی، افرادی قوت کی تربیت اور جدت طرازی کو فروغ دے کر کوانٹم سینسنگ، میٹرولوجی اور امیجنگ میں عالمی سطح پر قیادت کرنا ہے۔ اس کا مقصد تحقیق اور ایپلی کیشنز کو جوڑنا، بین الاقوامی تعاون کو فروغ دینا، صحت کی دیکھ بھال، قومی سلامتی اور سائنسی دریافت میں تبدیلی کے حل کو آگے بڑھانا ہے۔‘‘

کیمیٹ ٹیک فاؤنڈیشن کے سی ای او کرن شیش نے کہا کہ ’’کیومیٹ ہب کا ڈھانچہ پیچیدہ ہے ، جس میں بھارت بھر میں واقع 16 ادارے اور 40 محققین شامل ہیں۔ اس اجلاس کا مقصد مشترکہ مقصد کا احساس پیدا کرنا اور تعاون، تعاون اور موثر مواصلات کے ذریعے مشترکہ مقصد کے حصول کے لیے جوش و ولولہ پیدا کرنا ہے۔‘‘

بھارت سرکار کے محکمہ سائنس و ٹکنالوجی (ڈی ایس ٹی) کے ذریعہ این کیو ایم کے تحت بنائے گئے چار تھیمیٹک  مراکز میں سے ایک کیو میٹ کا مقصد کوانٹم سینسنگ اور میٹرولوجی میں بنیادی تحقیق اور عملی ایپلی کیشنز کو ختم کرنا ہے ۔

وہ جن ٹکنالوجیوں کے ساتھ کام کریں گے ان میں پورٹیبل میگنیٹو میٹر ، پروفیسر کستوری ساہا کی لیبارٹری میں ڈیولپ کردہ کوانٹم ڈائمنڈ مائیکروسکوپ شامل ہیں۔ یہ اور بہت سے دیگر ادارے اس میدان  میں بھارت کو ایک عالمی رہنما کے طور پر ابھرنے میں مدد کریں گے۔

***

(ش ح – ع ا)

U. No. 5389

(Release ID: 2094292) Visitor Counter : 25