نائب صدرجمہوریہ جگدیپ دھنکھڑ نے آج کہا کہ لکشدیپ اب ہندوستان کی پوشیدہ جنت نہیں رہا ۔ عزت مآب وزیر اعظم کے دورے نے اسے عالمی سیاحتی نقشے پر ڈال دیا ہے ۔

انہوں نے مزید کہا کہ‘‘ہمارے ملک میں ترقی لوگوں کی زندگیوں کو اسی طرح چھو رہی ہے جیسے سورج زمین کے ہر حصے کو چھوتا ہے’’ ۔

آج لکشدیپ کے اگتی جزیرے میں پنچایت اسٹیج پر ایک عوامی تقریب سے خطاب کرتے ہوئے نائب صدر جمہوریہ نے کہا کہ ‘‘میرا دورہ دریافت اور ذاتی ترقی کے سفر سے کم نہیں ہے’’ ۔

لکشدیپ میں قدیم خوبصورتی اور حالیہ ترقیاتی کاموں کی تعریف کرتے ہوئے ، جناب دھنکھڑ نے کہا ، ‘‘لکش دیپ ،جس کا سائز چھوٹا ہو سکتا ہے ، لیکن دل بہت ، بہت بڑا ہے ۔ بنگارام آئی لینڈ ٹینٹ سٹی ریزورٹ ایک سیاحتی انقلاب ہے ۔17،500 مربع میٹر عالمی معیار کی مہمان نوازی ۔ یہ سیاحوں کے لیے جنت ہے...لکشدیپ جزائر کے ایک گروپ سے زیادہ ہے ۔ یہ ہماری ثقافت ، تنوع میں اتحاد اور اچھے ماحول سے ہمارا کیا مطلب ہے اس کی وضاحت کرتا ہے ۔

نائب صدر جمہوریہ نے چیتلت جزیرے میں کم درجہ حرارت والے تھرمل ڈی سیلینیشن پلانٹ اور کلپینی جزیرے میں نندھار آنگن واڑی کا بھی دور سے افتتاح کیا ۔ بعد ازاں نائب صدر بنگارم جزیرے کا دورہ کریں گے اور ہفتہ کو جزیرے پر ٹینٹ سٹی کا افتتاح کریں گے۔

اس سے قبل نائب صدر جمہوریہ کا استقبال ایئرپورٹ پر جناب پرفل پٹیل، ایڈمنسٹریٹر یونین ٹیریٹری آف لکشدیپ اور دیگر معزز شخصیات نے کیا۔ نائب صدر، جناب جگدیپ دھنکھڑ اور ڈاکٹر (محترمہ) سدیش دھنکھڑ کا استقبال اگتی ایئرپورٹ پر لڑکیوں کے طالبات کے بینڈ نے بھی کیا۔

اس موقع پر جناب پرفل پٹیل، ایڈمنسٹریٹر یونین ٹیریٹری آف لکشدیپ، جناب محمد حمداللہ سعید، عزت مآب رکن لوک سبھا اور دیگر معزز شخصیات بھی موجود تھیں۔

 ************

ش ح۔ اس ک۔  م ا

 (U NO- 5333)