حکومت ہند  کی خواتین اور بچوں کی ترقی کی وزارت، 10تا 12 جنوری، 2025 کے دوران اُدے پور، راجستھان میں چنتن شیویر کی میزبانی کر رہی ہے۔ تقریب کا افتتاح محترمہ انپورنا دیوی، وزیر برائے خواتین اور اطفال ترقی، حکومت ہند نے آج خواتین اور بچوں کی ترقی کی وزیر مملکت محترمہ ساوتری ٹھاکر، راجستھان کے وزیر اعلیٰ شری بھجن لال شرما اور نائب وزیر اعلیٰ اور راجستھان کی خواتین اور بچوں کی ترقی کی وزیر محترمہ دیا کماری کی موجودگی میں کیا۔  مرکزی وزراء، ریاستی وزراء اور مرکز اور ریاستوں کے سینئر افسران ایم او ڈبلیو سی ڈی کے چنتن شیویر میں حصہ لے رہے ہیں۔

اپنے افتتاحی خطاب میں خواتین اور اطفال کی ترقی کی مرکزی وزیر محترمہ اناپورنا دیوی نے کہا کہ جیسا کہ ہندوستان نے  جی20  کی صدارت کی قیادت کی، ہم نے عالمی توجہ کو 'خواتین کی ترقی' سے 'خواتین کی زیر قیادت ترقی' کی طرف منتقل کیا، یہ ایک ایسا وژن جس کی برازیل نے 2024 میں اپنی صدارت کے دوران بھرپور حمایت کی ۔

خصوصی خطاب کرتے ہوئے، محترمہ ساوتری ٹھاکر، ریاستی وزیر برائے خواتین اور بچوں کی ترقی نے وزارت کے جاری اقدامات پر روشنی ڈالی۔ انہوں نے کہا کہ خواتین کو بااختیار بنانے اور بچوں کی بہبود کو یقینی بنانے میں ہماری کوششیں ثمر آورہوئی  ہیں۔ اس شیویر میں باہمی بات چیت اور مشترکہ تجربات کے ذریعہ، ہمارا مقصد زیادہ سے زیادہ اثر  انگیزی کے لیے کامیاب طریقوں کو فروغ دینا ہے۔

کلیدی خطبہ راجستھان کے وزیر اعلی جناب بھجن لال شرما نے دیا، جنہوں نے اس تبدیلی کی تقریب کی میزبانی کرنے پر فخر کا اظہار کیا۔ انہوں نے کہا کہ راجستھان کو چنتن شیویر کی میزبانی کا اعزاز حاصل ہے، جو بامعنی بات چیت اور تعاون کا ایک پلیٹ فارم ہے۔ ہم قومی اقدامات کی حمایت کرنے اور اپنی ریاست میں خواتین اور بچوں کی بہبود کو یقینی بنانے کے لیے پرعزم ہیں۔

محترمہ دیا کماری، نائب وزیر اعلیٰ اور وزیر برائے خواتین و اطفال، راجستھان نے بھی اجتماع سے خطاب کیا، اس شعبے میں راجستھان کی کوششوں کے بارے میں اپنے خیالات کا اشتراک کیا۔ انہوں نے کہا کہ راجستھان نے ہمیشہ خواتین اور بچوں کی بہبود کو ترجیح دی ہے۔ یہ شیویر ایک دوسرے کی کامیابیوں سے سیکھنے اور مل کر ایک روشن مستقبل بنانے کا ایک قیمتی موقع فراہم کرتا ہے۔

چنتن شیویر میں مشن شکتی، مشن وتسلیہ، اور مشن سکشم آنگن واڑی اور پوشن 2.0 سمیت کلیدی اقدامات پر پرکشش سیشن ہوں گے، جن میں خواتین کی حفاظت، بچوں کی غذائیت، اور آنگن واڑی مراکز کو مضبوط بنانے جیسے موضوعات پر توجہ دی جائے گی۔ توقع کی جاتی ہے کہ ریاستوں اور مرکز کے زیر انتظام علاقوں سے بہترین طریقوں کی نمائش کی جائے گی، جس کا مقصد مسائل کو حل کرنے  کے لیے اختراعی حل تیار کرنا اور قابل توسیع نتائج کو آگے بڑھانے کے لیے خیالات کے تبادلے کو فروغ دینا ہے۔ چنتن شیویر آنے والے سالوں میں وِکِست بھارت کے لیے ایک مضبوط بنیاد بنانے کے لیے حکومت کی اٹل لگن کو اجاگر کرنے پر مرکوز ہے۔

आज उदयपुर में @MinistryWCD द्वारा आयोजित राष्ट्रीय चिंतन शिविर का उद्घाटन किया और राज्यों/केन्द्र शासित प्रदेशों से आये माननीय मंत्रियों एवं प्रतिनिधियों को संबोधित की।

राजस्थान के माननीय मुख्यमंत्री श्री @BhajanlalBjp जी और उपमुख्यमंत्री श्रीमती @KumariDiya जी को धन्यवाद। (1/2) pic.twitter.com/QQCQkjQxrq

— Annapurna Devi (@Annapurna4BJP) January 11, 2025

گہرے غور و خوض اور آزادانہ بات چیت سے توقع کی جاتی ہے کہ وہ بہترین طریقوں اور اختراعی طریقوں کو شامل کرکے حکومتی اقدامات کو مزید بہتر بنائیں گے۔ چنتن شیویر کا تصور اہم  شراکت داروں کو ایک پلیٹ فارم پر اکٹھا کرنے کے لیے ہے تاکہ وہ خواتین اور بچوں کی فلاح و بہبود کو تیز کرنے کے لیے ملک بھر کے بہترین طریقوں سے ان کے تجربے سے  سیکھ سکیں۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض۔ ن م  (

5106

(Release ID: 2092095) Visitor Counter : 26