کوئلہ اور کانوں کے مرکزی وزیر  جناب  جی کشن ریڈی نے آج رانچی میں مرکزی کان منصوبہ بندی اور ڈیزائن انسٹی ٹیوٹ(سی ایم پی ڈی آئی) میں '5جی یوز کیس ٹیسٹ لیب' کا آغاز کیا۔ یہ جدید سہولت کوئلہ کے شعبے کی ڈیجیٹل تبدیلی اور تکنیکی منظرنامے کو آگے بڑھانے کے لیے قائم کی گئی ہے۔ 5جی یوز کیس ٹیسٹ لیب ایک ٹیسٹ بیڈ کے طور پر کام کرتا ہے جہاں مختلف 5جی  پر مبنی ایپلیکیشنز کی ترقی، جانچ اور انہیں کوئلہ کی صنعت کی ضروریات کے مطابق ڈھالنے کا عمل کیا جاتا ہے۔ وزارتِ کوئلہ نے سی ایم پی ڈی آئی کو 5جی یوز کیس ٹیسٹ لیب کے قیام کے لیے کوئلہ کی صنعت کے لیے ایک مرکزِ فضیلت  (سی او ای) کے طور پر نامزد کیا ہے تاکہ 5جی ٹیکنالوجی کا مؤثر استعمال کیا جا سکے۔

وزیر موصوف نے سی ایم پی ڈی آئی کی ستائش کرتے ہوئے کہا کہ سی ایم پی ڈی آئی ہمیشہ سے جدت کا علمبردار رہا ہے۔ مستقل تحقیق اور ترقی کے ذریعے، سی ایم پی ڈی آئی کانکنی کو زیادہ محفوظ، زیادہ مؤثر اور ماحولیاتی لحاظ سے پائیدار بنا رہا ہے۔ 5جی مرکزِ فضیلت لیب کے قیام سے سی ایم پی ڈی آئی کی قیادت کو مزید مستحکم کیا گیا ہے، جو کانکنی کے شعبے کے ترقی پذیر چیلنجز سے نمٹنے کے لیے جدید ترین ٹیکنالوجیز کو مؤثر طریقے سے استعمال کرنے میں پیش پیش ہے۔

وزارتِ کوئلہ کے سکریٹری، جناب وکرم دیو دت؛ وزارتِ کوئلہ کی ایڈیشنل سکریٹری،  محترمہ سمیتا تیج؛ کوئلہ انڈیا لمیٹڈ (سی آئی ایل) کے چیئرمین، جناب پی. ایم. پرساد؛ سی ایم پی ڈی آئی کے سی ایم ڈی ، جناب منوج کمار؛ سینٹرل کول فیلڈز لمیٹڈ(سی سی ایل) کے سی ایم ڈی ، جناب  نیلندو کمار سنگھ؛ ایسٹرن کول فیلڈز لمیٹڈ (ای سی ایل) کے سی ایم ڈی ، جناب ستیش جھا اور دیگر سینئر افسران اور معزز شخصیات نے افتتاحی تقریب میں شرکت کی۔

وزیر موصوف نے سی ایم پی ڈی آئی کی خدمات کے ایک مجسمہ کی بھی نقاب کشائی کی جو سی ایم پی ڈی آئی کے اسکریپ مواد جیسے ڈیلیوری ہوز پائپ، این کیو ڈرلنگ راڈ، کور باکس وغیرہ سے بنایا گیا تھا۔ یہ مجسمہ سی ایم پی ڈی آئی کی پائیدار طریقوں کے لیے عزم کا مظہر ہے، جو اس کی اہم خدمات جیسے جیومیٹکس، ایکسپلوریشن، منصوبہ بندی اور طرز اور ماحولیاتی نگرانی  کی پیچیدہ نمائندگی کرتا ہے۔ یہ فنون کی تنصیب نہ صرف سی ایم پی ڈی آئی کی آپریشنل طاقتوں کو ظاہر کرتی ہے بلکہ صنعتی فضلہ کو ری سائیکل کرنے کی اہمیت کو بھی اجاگر کرتی ہے تاکہ ایک معنی خیز اور پائیدار فن تخلیق کی جا سکے۔ انہوں نے سی ایم پی ڈی آئی کے نئے کارپوریٹ لوگو کا بھی آغاز کیا۔

5جی استعمال کے کیس لیب

سی ایم پی ڈی آئی کے ذریعہ قائم کردہ 5جی استعمال کی کیس لیب ایک صنعتی 5جی نجی نیٹ ورک کی لیب کی سطح کی نمائندگی ہے، جسےخاص طور پر کوئلہ کی کان کنی کی صنعت کی حمایت کے لیے ترتیب دیا گیا ہے۔ یہ لیب5جی ریڈیو اور کور ٹیکنالوجیز کے ساتھ 5جی سے فعال آلات کے انضمام کے لیے ایک جانچ اور ترقیاتی مرکز کے طور پر کام کرے گی، جیسے کہ ایج/کلاؤڈ انٹرپرائز آئی ٹی/او ٹی ایپلی کیشنز اور آلات کے ساتھ۔

5جی ٹیسٹ لیب کا مقصد اور اہم مقاصد:

1. ضروریات کا خاکہ: کوئلہ کی کان کنی کی صنعت میں ٹیسٹ لیب سے منسلک مختلف جدید استعمال کے کیسز/ایپلی کیشنز کا خاکہ پیش کرنا۔
2. 5جی استعمال کے کیسز کی جانچ اور ترقی: جیسے کہ آواز، ویڈیو، اور ڈیٹا مواصلات کی ایپلی کیشنز؛ گاڑیوں کے بندوبست کے لیے 5 جی نیٹ ورک پر صنعتی انٹرنیٹ آف تھنگز سینسرز اور دیگر ایپلی کیشنز ۔
3. اسکیل ایبل اور ریپلیکیبل ماڈل تیار کرنا: حقیقی دنیا کی صنعتی 5جی نجی نیٹ ورک سیٹ اپ کی نقل کرنے کے لیے 5جی ریڈیو اور کور سسٹمز پر مشتمل ایک ماڈل تیار کرنا جو ایج/کلاؤڈ آئی ٹی/او ٹی ایپلی کیشنز کے ساتھ ہم آہنگ ہو۔

مستقبل کی سمت:

1. ہائی ریزولوشن ویڈیو اور آئی او ٹی ایپلی کیشنز کی ترقی: لیب کا مقصد کوئلہ کی کان کنی کے شعبے میں مشن-کریٹیکل ایپلی کیشنز کی حمایت کے لیے قابل اعتماد، تیز رفتار، کم تاخیر والی وائرلیس کنیکٹیویٹی فراہم کرنا ہے، جیسے کہ اسمارٹ مائننگ، پیشگی دیکھ بھال، اور بروقت نگرانی۔
2. اگلی نسل کے جدید استعمال کے کیسز کا نفاذ: جیسے کہ مائنز ڈیجیٹل ٹوین، خودکار رہنمائی کرنے والی گاڑیاں، بڑھتی ہوئی حقیقت اور ورچوئل حقیقت   کو کوئلہ کی صنعت میں مختلف فیلڈ آپریشنز اور پیداواری صلاحیت کو بہتر بنانے کے لیے۔

کوئلہ کی صنعت کے فوائد:

آئی او ٹی ایپلی کیشنز کی ایک وسیع رینج کو جوڑ کر، بشمول نگرانی کے کیمرے، سینسر سے منسلک مشینیں، پیشگی دیکھ بھال کے نظام اور خودکار مشینری، سی آئی ایل  ڈیٹا کےبر وقت تبادلے، بہتر فیصلے کرنے، اور کارروائیوں کو ہموار کرنے سے فائدہ اٹھائے گی۔کول انڈیا لمیٹڈکے ذریعہ 5جی نیٹ ورک کے نفاذ سے اس کی کان کنی کی کارروائیوں کی کارکردگی، حفاظت، اور پائیداری میں نمایاں اضافہ ہوگا۔ چونکہ یہ نیٹ ورک ایک نجی کیپٹیو نیٹ ورک ہے، اس لیے کارروائیوں کے دوران پیدا ہونے والے ڈیٹا کی ملکیت سی آئی ایل کے پاس ہوگی۔

******

ش ح ۔   ش ا ر ۔  م  ص

 (U: 5039 )

(Release ID: 2091618) Visitor Counter : 13