داخلی امور اور امداد باہمی کے مرکزی وزیر  جناب امت شاہ نے آج نئی دہلی میں اتر پردیش کے وزیر اعلیٰ یوگی آدتیہ ناتھ کے ساتھ ریاست میں تین نئے فوجداری قوانین کے نفاذ پر ایک جائزہ میٹنگ کی۔ میٹنگ میں اترپردیش میں پولیس، جیل، عدالتوں، استغاثہ اور فورنسک سے متعلق مختلف نئی دفعات کی موجودہ صورتحال اور نفاذ کا جائزہ لیا گیا۔ مرکزی داخلہ سکریٹری، ڈائرکٹر جنرل، بی پی آر اینڈ ڈی اور ڈائرکٹر جنرل، این سی آر بی سمیت وزارت داخلہ اور اتر پردیش حکومت کے سینئر افسران میٹنگ میں موجود تھے۔

میٹنگ میں تبادلہ خیال کے دوران وزیر داخلہ   نے کہا کہ وزیر اعظم جناب نریندر مودی کی قیادت میں لائے گئے تین نئے فوجداری قوانین  صرف  دینے کے لئے  نہیں ہیں بلکہ متاثرین پر مرکوز ہیں اور ان کا مقصد جلد انصاف کو یقینی بنانا ہے۔ وزیر داخلہ نے اتر پردیش کے وزیر اعلیٰ یوگی آدتیہ ناتھ سے فروری کے مہینے میں نئے فوجداری قوانین کے نفاذ کی پیش رفت کا جائزہ لینے اور ان قوانین کو جلد از جلد ریاست میں مکمل طور پراس کے جلد نفاذ پر زور دیا ہے۔

جناب امت شاہ نے کہا کہ اتر پردیش جیسی آبادی والی ریاست میں نئے فوجداری قوانین کے  100فیصد  نفاذ سے پورے ملک میں  ایک اچھا پیغام جائے گا۔ انہوں نے اس بات پر زور دیا کہ 31 مارچ 2025 تک اتر پردیش کے ساتوں کمشنریٹوں میں نئے فوجداری قوانین کے 100 فیصد نفاذ کو یقینی بنایا جائے۔

ٹیکنالوجی کے استعمال کو بڑھانے کی ضرورت پر زور دیتے ہوئے مرکزی وزیر داخلہ نے کہا کہ ریاست کے ہر ضلع میں ایک سے زیادہ فورنسک موبائل وین دستیاب ہونی چاہیے۔ انہوں نے کہا کہ فرانزک وزٹ کے لئے ٹیموں کو سنگین، نارمل اور بہت نارمل جیسے تین زمروں  میں تقسیم کیا جانا چاہئے تاکہ وسائل اور ماہرین کا بہتر استعمال کیا جا سکے اور سنگین مقدمات کو ترجیح دی جا سکے۔

جناب امت شاہ نے کہا کہ اس بات کی باقاعدہ اور مسلسل نگرانی ہونی چاہئے کہ درج شدہ زیرو  ایف آئی آر میں سے کتنی ایف آئی آر ریاستوں کو منتقل کی گئیں۔ انہوں نے کہا کہ اتر پردیش کے وزیر اعلیٰ کو ہر 15 دن میں اور چیف سکریٹری اور ڈائرکٹر جنرل آف پولیس کو ہفتے میں ایک بار  تمام متعلقہ محکموں کے عہدیداروں کے ساتھ تینوں نئے قانونوں کے  نفاذ کا جائزہ لینا چاہئے۔

***

ش ح۔ ک ا۔ ع ر

U NO 4973