حکومتِ ہند کے محکمہ انتظامی اصلاحات اور عوامی شکایات نیز محکمہ پنشن و پینشنرز ویلفیئر  کے سکریٹری جناب وی سرینواس کی قیادت میں محکمہ کی ایک اعلیٰ سطحی وفد نے  3 جنوری 2025 کو بہار کا دورہ کیا تاکہ بہار کے حق برائے عوامی شکایات ازالہ ایکٹ(بہار آر پی جی پی ) اور بہار حق برائے عوامی خدمات ایکٹ (بہار آرٹی ایس  ایکٹ )کے نفاذ کو سمجھا جا سکے۔ وفد میں ایڈیشنل سکریٹری جناب پونیت یادو ، جوائنٹ سکریٹری محترمہ سریتا چوہان ، ڈائریکٹر جناب سوبھاشیش داس ، اور  ڈپٹی سکریٹری جناب ہری کیرن بھٹ شامل تھے۔

ڈی اے آر پی جی  وفد نے دورے کے دوران بہار کے معزز نائب وزرائے اعلیٰ، جناب سمرات چودھری اور جناب وجے کمار سنہا سے ملاقات کی۔ میٹنگ میں عوامی شکایات کے مؤثر ازالے، سی پی جی آر اے ایم ایس  پورٹل، صفائی کو ادارہ جاتی بنانے اور زیر التوا کاموں کو کم کرنے کے لیے خصوصی مہم، اور پینشنروں کی ڈیجیٹل بااختیاری پر گفتگو کی گئی۔ بہار حکومت کے حق برائے عوامی شکایات ایکٹ اور حق برائے خدمات ایکٹ کے بہترین طریقوں پر بھی تبادلۂ خیال کیا گیا۔

وفد کی سطح پر سرکاری ملاقاتیں بہار کے چیف سکریٹری جناب امرت لال مینا، ایڈیشنل چیف سکریٹری جناب بی. راجندر، اور  سکریٹری بہار حکومت اور ایڈیشنل مشن ڈائریکٹر بہار انتظامی اصلاحاتی مشن ڈاکٹر پرتیمہ کے ساتھ کی گئیں۔ ان ملاقاتوں میں حق برائے عوامی شکایات ایکٹ، حق برائے خدمات ایکٹ، شکایت اپیل افسر کے عمل اور ریکارڈ مینجمنٹ کے بہتر طریقوں پر گفتگو ہوئی۔

ڈے اے آر پی جی  وفد نے سمادھان اورجگیاسا کال سینٹروں کا بھی دورہ کیا۔ ایک موقع پر ایک پریزنٹیشن پیش کی گئی جس میں بہار حق برائے عوامی شکایات ازالہ ایکٹ اور بہار حق برائے عوامی خدمات ایکٹ کے نفاذ اور اثرات پر توجہ مرکوز کی گئی۔ وفد نے اسٹیٹ پبلک گریوینس ریسیپٹ سینٹر کا دورہ کیا اور بعد میں پٹنہ میں ضلع  شکایتوں کے ازالے کے افسر کے دفتر گئے، جہاں انہوں نے شکایات کی سماعت اور ازالے کے عمل کا ذاتی طور پر ملاحظہ کیا۔

بہار حق برائے عوامی شکایات ایکٹ 2015 عوامی شکایات کے مؤثر ازالے کے لیے شکایت افسران کو نیم عدالتی اختیارات فراہم کرتا ہے۔ شکایت افسران کو، پروجیکٹ عمل آوری حکام/ ایجنسیوں کو طلب کرنے اور سماعت کے بعد وجوہات پر مبنی حکم جاری کرنے کا اختیار حاصل ہے۔ شکایات کے ازالے کا یہ منظم طریقہ ایک بہتریں اختراعی قومی عمل کی نمائندگی کرتا ہے۔

ڈی اے آر پی جی  وفد کی بہار کے معزز نائب وزیر اعلیٰ، جناب سمرت چودھری سے ملاقات

 

ڈی اے آر پی جی کا وفد بہار کے معزز نائب وزیر اعلیٰ جناب شری وجے کمار سنہا سے ملاقات کے دوران

 

ڈی اے آر پی جی کے وفد نے ریاستی عوامی شکایات کی وصولی کے مرکز کا دورہ کیا

 

ڈی اے آر پی جی  کے وفد نے بہار پرشاسک سدھر مشن سوسائٹی کا دورہ کیا

 

ڈی اے آر پی جی  کے وفد نے بہار کے چیف سکریٹری جناب امرت لال مینا جی سے ملاقات کی

******

ش ح۔ش ا ر۔  ول

Uno-4843

(Release ID: 2090083) Visitor Counter : 20