مسابقتی کمیشن آف انڈیا (سی سی آئی) نے بین الاقوامی مالیاتی کارپوریشن (آئی ایف سی)، ایشیائی ترقیاتی بینک (اے ڈی بی) اور ڈی ای جی  ڈچ انویسٹمنٹ – یو این ڈی اینڈک لنگس گیسل  شافٹ ایم بی ایچ  کے ذریعہ فورتھ پارٹنر انرجی پرائیویٹ لمیٹڈ (ٹارگٹ) کے کچھ شیئر ہولڈنگ کے حصول کی منظوری دے دی۔

مجوزہ  حصول میں آئی ایف سی ، ڈی ای جی اور اے ڈی بی کے ذریعے مجموعی طور پر 275 ملین امریکی ڈالر  (تقریباً 2,296.25 کروڑ روپے) کی سرمایہ کاری کا  خاکہ پیش کیا گیا ہے۔ ہرآئی ایف سی ، اے ڈی بی اور ڈی ای جی بنیادی سبسکرپشن اور ثانوی خریداری کے ذریعہ ہدف کے ہرشیئر کیپٹل کا کچھ فیصد حاصل کرے گا۔

آئی ایف سی ایک بین الاقوامی تنظیم ہے جو 1956 میں قائم کی گئی تھی تاکہ اس کے ترقی پذیر رکن ممالک میں نجی شعبے کی ترقی کو فروغ دے کر اقتصادی ترقی کو مزید آگے بڑھایا جا سکے۔ یہ ورلڈ بینک گروپ کا ممبر ہے جس کا اپنا آرٹیکل آف ایگریمنٹ، شیئر کیپٹل، مالیاتی ڈھانچہ، انتظام اور عملہ ہے۔ یہ ترقی پذیر ممالک کو نجی شعبے کی سرمایہ کاری کی مالی اعانت، بین الاقوامی مالیاتی منڈیوں میں سرمائے کو متحرک کرنے اور کاروباری اداروں اور حکومتوں کو مشاورتی خدمات فراہم کر کے پائیدار ترقی حاصل کرنے میں مدد کرتا ہے۔

اے ڈی بی ایک بین الاقوامی ادارہ ہے جو اے ڈی بی کے چارٹر کے تحت  1966 میں قائم کیا گیا تھا۔  اے ڈی بی  کے 69 رکن ممالک ہیں جو کہ رکن ممالک میں ترقیاتی سرگرمیوں کے فروغ کے لیے قائم کردہ کثیر الجہتی مالیاتی ادارے کے اجتماعی مالک ہیں۔ اے ڈی بی اپنے اراکین یعنی  ڈی ایم سی ایس (ترقی پذیر رکن ممالک) اور شراکت داروں کی ترقی کو فروغ دینے کے لیے قرضے، تکنیکی مدد، گرانٹس اور ایکویٹی سرمایہ کاری کے ذریعہ مدد کرتا ہے۔

ڈی ای جی ترقی پذیر اور ابھرتی ہوئی مارکیٹ کے ممالک میں کام کرنے والے نجی شعبے کے اداروں کو فنانسنگ، مشورہ اور مدد فراہم کرتا ہے۔ ایک تجربہ کار پارٹنر کے طور پر ڈی ای جی اپنے صارفین کو مارکیٹ کی گہرائی سے متعلق معلومات، اثرات اور آب و ہوا کی مہارت اور اپنے بین الاقوامی نیٹ ورک کی مدد کرتا ہے تاکہ مستقبل کی تلاش میں سرمایہ کاری کو آگے بڑھایا جا سکے جس کا ترقیاتی اثر ہو۔

ہدف، بشمول اس کے ملحقہ اداروں کے ذریعے مربوط قابل تجدید توانائی کے حل فراہم کرتا ہے جس میں شمسی اور ہوا سے چلنے والے پلانٹس کی تنصیب، ملکیت اور آپریٹنگ شامل ہیں جو تجارتی اور صنعتی صارفین کو بجلی فراہم کرتے ہیں۔ یہ انجینئرنگ، پروکیورمنٹ اینڈ کنسٹرکشن (ای پی سی ) اور آپریشنز اینڈ مینٹی نینس ( او اینڈ ایم) کی فراہمی میں بھی مصروف ہے۔ یہ تیسری پارٹی کے تجارتی اور صنعتی صارفین کو ایک مشترکہ اور جامع پیشکش کے طور پر محدود ای پی سی اور او اینڈ ایم خدمات بھی فراہم کرتا ہے۔

کمیشن کا تفصیلی حکم بعد میں دیا جائے گا۔

*******

ش ح۔ ظ ا

UR No.4722

(Release ID: 2089118) Visitor Counter : 15