2023-24 ஆம் ஆண்டில் நாடு இதுவரை இல்லாத அளவுக்கு நிலக்கரி உற்பத்தியை கண்டுள்ளது. 2023-24 ஆம் ஆண்டில் அகில இந்திய நிலக்கரி உற்பத்தி 997.826 மில்லியன் டன்னாக இருந்தது, இது 2022-23 ஆம் ஆண்டின் 893.191 மில்லியன் டன் உடன் ஒப்பிடுகையில் சுமார் 11.71% வளர்ச்சியுடன் இருந்தது. காலண்டர் ஆண்டு 2024 இல் (ஜனவரி 2024 முதல் டிசம்பர் 15, 2024 வரை), நாடு சுமார் 988.32 மில்லியன் டன்(தற்காலிக) நிலக்கரியை உற்பத்தி செய்துள்ளது. 

 காலண்டர் ஆண்டு 2024 இல் (டிசம்பர் 15, 2024 வரை), நாடு சுமார் 963.11மில்லியன் டன் (தற்காலிக) நிலக்கரியை விநியோகித்துள்ளது, இது கடந்த ஆண்டின் இதே காலகட்டத்தில் சுமார் 904.61 மில்லியன் டன்(தற்காலிக) நிலக்கரியுடன் ஒப்பிடும்போது சுமார் 6.47% வளர்ச்சியாகும். 2024  காலண்டர் ஆண்டில் (டிசம்பர் 15, 2024 வரை), மின் துறைக்கான நிலக்கரி வழங்கல் 792.958 மில்லியன் டன்னாக (தற்காலிகமானது) இருந்தது. 

 காலண்டர் ஆண்டு 2024 இல் (டிசம்பர் 2, 2024 வரை) ஒரு தவணை  என்.ஆர்.எஸ் மின்-ஏலத்தின் கீழ் நடத்தப்பட்டது, இதில் மொத்தம் வழங்கப்பட்ட 34.65 மில்லியன் டன்னுக்கு எதிராக 17.84 மில்லியன் டன் முன்பதிவு செய்யப்பட்டது. 

 புள்ளிவிபரங்களின் அடிப்படையில், நிலக்கரி நிறுவனங்களில் கைவிடப்பட்ட/நிறுத்தப்பட்டதாகக் கருதப்படும் 2009க்கு முந்தைய 179 மற்றும் 2009க்குப் பிந்தைய 162 சுரங்கங்கள் அடையாளம் காணப்பட்டுள்ளன. இவற்றில், 147 சுரங்கங்கள் மூடப்படுவதற்கு அடையாளம் காணப்பட்டு, மீதமுள்ள கைவிடப்பட்ட/நிறுத்தப்பட்ட சுரங்கங்கள் மீண்டும் செயல்படுவதற்காக ஏற்கனவே உள்ளவற்றுடன் இணைக்கப்படுகின்றன. 

 கொல்கத்தாவில் நடைபெற்ற சி.ஐ.எல்-இன் 50வது நிறுவன தின விழாவின் போது, நிலக்கரி மற்றும் சுரங்கங்களுக்கான மத்திய அமைச்சர், ‘மைன் க்ளோசர் தளத்தைத் தொடங்கி வைத்தார். சுரங்க மூடல் நடவடிக்கைகள், காலக்கெடு மற்றும் இந்த செயல்முறைகளுடன் தொடர்புடைய செலவினங்களைக் கண்காணிக்க இந்தத் தளம் உதவும்.  பொதுத்துறை நிறுவனங்கள் மற்றும் தனியார் நிறுவனங்கள் உட்பட இந்தியாவின் நிலக்கரி துறை முழுவதும் சுரங்க மூடல் நடவடிக்கைகளை இது உள்ளடக்கும். நிலக்கரி அமைச்சகம் மற்றும் நிலக்கரி கட்டுப்பாட்டாளர் அமைப்பு  ஆகியவையும் இந்த தளத்தின் முக்கிய பங்குதாரர்கள்.

பிரதமரின் விரைவு சக்தி தேசிய பெருந்திட்டம்   13 அக்டோபர் 2021 அன்று ஒருங்கிணைக்கப்பட்ட திட்டமிடல் மற்றும் உள்கட்டமைப்பு திட்டங்களை ஒருங்கிணைத்து செயல்படுத்துவதை உறுதி செய்வதற்காக தொடங்கப்பட்டது.  .

நிலக்கரி இறக்குமதியைக் குறைப்பதற்கும், உள்நாட்டு உற்பத்தியை மேம்படுத்துவதற்கும், 2014 இல் அறிமுகப்படுத்தப்பட்ட ஏல அடிப்படையிலான ஆட்சி தனியார் துறையின் பங்கேற்பை அனுமதித்தது, இருப்பினும், அது சொந்த பயன்பாட்டு ஆலைகளில் தனியார் பயன்பாட்டிற்கு மட்டுப்படுத்தப்பட்டது. 2020 ஆம் ஆண்டில் தனியார் நிறுவனங்களால் வணிக நிலக்கரிச் சுரங்கத்திற்காக இந்தத் துறை திறக்கப்பட்டது மற்றும் வணிகச் சுரங்கத்தின் முதல் வெற்றிகரமான ஏலம் 18.06.2020 அன்று பிரதமரால் தொடங்கப்பட்டு 20 நிலக்கரிச் சுரங்கங்களை ஒதுக்கி முடிக்கப்பட்டது. தற்போதைய நிலவரப்படி, மொத்தம் 113 நிலக்கரி சுரங்கங்கள் ஆண்டிற்கு ~257.60 மில்லியன் டன்னின் உச்ச மதிப்பிடப்பட்ட திறன் கொண்ட வணிகச் சுரங்கத்தின் கீழ் வெற்றிகரமாக ஏலம் விடப்பட்டுள்ளன. இந்தச் சுரங்கங்கள் முழுமையாகச் செயல்பட்டவுடன் 3,48,268 நபர்களுக்கு வேலை வாய்ப்பை உருவாக்கும் மற்றும் ரூ.38,600 கோடிக்கும் அதிகமான முதலீட்டை ஈர்க்கும். மேலும், நிலக்கரி அமைச்சகம் டிசம்பர் 05, 2024 அன்று 27 நிலக்கரி சுரங்கங்களை வழங்கும் 11வது சுற்று ஏல செயல்முறையையும் தொடங்கியுள்ளது. 2024 ஆம் ஆண்டு காலண்டர் ஆண்டில் 17 நிலக்கரிச் சுரங்கங்களுக்கான வெஸ்டிங் ஆர்டர்கள் வெளியிடப்பட்டுள்ளன, மேலும் 20 நிலக்கரிச் சுரங்கங்களுக்கு நிலக்கரி சுரங்க மேம்பாடு மற்றும் உற்பத்தி ஒப்பந்தம்  கையெழுத்திடப்பட்டுள்ளது. 4.2 தனியார்/வணிக நிலக்கரி தொகுதிகளில் இருந்து நிலக்கரி உற்பத்தி ஜனவரி 2024 முதல் நவம்பர் 2024 வரையிலான காலக்கட்டத்தில் தனியார்/வணிக சுரங்கங்களில் இருந்து நிலக்கரி உற்பத்தி 162.1 மில்லியன் டன்னாகும்.

மேலும் விவரங்களுக்கு இந்த செய்திக் குறிப்பை ஆங்கிலத்தில் இங்கே காணவும்:

https://pib.gov.in/PressReleasePage.aspx?PRID=2088467

**************

BR/KV

 

(रिलीज़ आईडी: 2088699) आगंतुक पटल : 114