محنت اور روزگار کے مرکزی وزیر، نوجوانوں کے امور اور کھیل کے وزیر،  ڈاکٹر مسنکھ منڈاویہ نے آج نئی دہلی میں چیف لیبر کمشنر (سنٹرل) کے ادارے میں 34 نئے بھرتی ہونے والے لیبر انفورسمنٹ آفیسرز (ایل ای اوز) کو تقرری کے خطوط حوالے کیے۔ اس موقع پر محترمہ سمیتا داؤرا، سیکریٹری محنت و روزگار اور وزارت کے دیگر سینئر افسران بھی موجود تھے۔

نئے منتخب افسران کو مبارکباد دیتے ہوئے، ڈاکٹر مسنکھ منڈاویہ نے انہیں محنت کشوں کی فلاح و بہبود کے لیے محنت کرنے اور لیبر قوانین کی پابندی میں مدد دینے کی ترغیب دی۔ انہوں نے افسران سے کہا کہ وہ اپنے کام میں ایمانداری، محنت اور عزم کے اصولوں کو اپنائیں اور اعلیٰ معیار کو برقرار رکھیں۔ ڈاکٹر منڈاویہ نے ان کی اہم ذمہ داریوں پر زور دیا اور کہا کہ وہ صنعتی تعلقات کو ہموار بنانے میں اہم کردار ادا کرتے ہیں اور انہیں اپنی ذمہ داریوں کو عوامی اور قومی مفاد کے جذبے کے ساتھ نبھانا چاہیے۔

ڈاکٹر منڈاویہ نے افسران کو ان کی اہمیت یاد دلاتے ہوئے کہا کہ ان کے کام سے ایک منصفانہ اور جامع محنتی ماحول تشکیل پائے گا۔ انہوں نے افسران سے کہا کہ وہ ملک کی ترقی کے لیے اپنے عزم پر قائم رہیں اور معاشرتی فلاح کے لیے ایک دیانت دار اور خدمت گار انداز میں کام کریں۔

मुख्य श्रम आयुक्त कार्यालय में अपनी सेवाएँ देने के लिए चयनित 34 युवा श्रम परिवर्तन अधिकारी (LEO) को आज नियुक्ति पत्र प्रदान किए।

मुझे आशा है कि आप सभी युवा साथी Nation First की भावना के साथ कार्य करेंगे और विकसित भारत के निर्माण में अपना अमूल्य योगदान देंगे। pic.twitter.com/B74j9M2pte

— Dr Mansukh Mandaviya (@mansukhmandviya) December 26, 2024

محترمہ سمیہ داورا، سیکریٹری محنت و روزگار، نے اپنے خطاب میں نئے منتخب افسران کے کردار کو اجاگر کیا اور کہا کہ ان کا کام کاروبار کرنے کی سہولت بڑھانے اور ملک میں سرمایہ کاری کو فروغ دینے میں اہم کردار ادا کرے گا، ساتھ ہی محنت کشوں کی فلاح کو بھی ترجیح دی جائے گی۔ انہوں نے کہا کہ ان کا کردار انسپکٹر کَم فسیلیٹیٹر کے طور پر معاشی ترقی اور مزدوروں کے لیے بہتر روزگار کے مواقع فراہم کرنے میں مددگار ثابت ہوگا۔

محترمہ داؤرانے مزید کہا کہ لیبر ایکسٹنشن آفیسرز مرکزی صنعتی تعلقات مشینری (سی آئی آر ایم) کی ریڑھ کی ہڈی ہیں اور حکومت کی فلاحی اسکیموں اور پروگراموں کو مؤثر طریقے سے نافذ کرنے میں اہم کردار ادا کرتے ہیں تاکہ متعلقہ فریقوں کو فائدہ پہنچ سکے۔

یہ 34 نئے تعینات ہونے والے لیبر انفورسمنٹ آفیسرز بہت مضبوط تعلیمی اور پیشہ ورانہ پس منظر رکھتے ہیں۔ ان میں سے 20 افسران کے پاس قانون کی ڈگری ہے، 8 افسران مینجمنٹ گریجویٹ ہیں، 1 افسر چارٹرڈ اکاؤنٹنٹ ہے اور 1 افسر پی ایچ ڈی اسکالر ہے۔

یہ تمام افسران ہندوستان بھر میں تعینات کیے گئے ہیں اور ان کی تعیناتیاں ان کی قابلیت کی بنیاد پر کی گئی ہیں۔

***

UR-4610

(ش ح۔ اس ک۔ ت ع )

(Release ID: 2088301)