ایک صحت مند ملک کی تعمیر کی طرف بھارت کا سفر صحت کی دیکھ بھال تک رسائی، مساوات اور نتائج میں نمایاں پیش رفت کی نشاندہی کرتا ہے۔ گذشتہ ایک دہائی کے دوران بھارت نے تبدیلی لانے والی پالیسیوں اور اقدامات کو نافذ کیا ہے جو یونیورسل ہیلتھ کوریج کو حاصل کرنے کے لیے پختہ عزم کی عکاسی کرتی ہیں۔ اس سفر میں ایک اہم سنگ میل آیوشمان بھارت پردھان منتری جن آروگیہ یوجنا (اے بی پی ایم-جے اے وائی) کا آغاز تھا۔

اے بی-پی ایم جے اے وائی 27 اسپیشلٹیز میں 1961 ٹریٹمنٹکے لیے ثانوی اور تیسرے درجے کی دیکھ بھال کے اسپتالوں میں داخل ہونے کے لیے ہر سال ہر اہل مستفید خاندان کو 5 لاکھ روپے کا ہیلتھ کور فراہم کرتا ہے۔ 17 دسمبر، 2024 تک، اے بی پی ایم-جے اے وائی نے 36.28 کروڑ سے زیادہ آیوشمان کارڈ جاری کرکے اہم پیش رفت کی ہے، جس سے لاکھوں لوگوں کو صحت کی کوریج کے ساتھ بااختیار بنایا گیا ہے۔ جنس کے لحاظ سے استعمال سے پتہ چلتا ہے کہ جاری کردہ آیوشمان کارڈوں میں خواتین کا حصہ 49 فیصد اور اسپتال میں داخل ہونے والے کل داخلوں میں تقریبا 50 فیصد ہے، جو صحت کی دیکھ بھال میں صنفی مساوات کو فروغ دینے میں اس اسکیم کے کردار کو ظاہر کرتا ہے۔مزید برآں اے بی پی ایم جے اے وائی نے ملک بھر میں 30,932 اسپتالوں کو کامیابی کے ساتھ پینل میں شامل کیا ہے۔

اس کے متوازی، آیوشمان بھارت ہیلتھ اکاؤنٹ (اے بی ایچ اے) پہل کے ذریعے بھارت کے ڈیجیٹل ہیلتھ انفراسٹرکچر میں قابل ذکر پیش رفت دیکھنے میں آئی ہے۔ اے بی ایچ اے نمبر آپ کے صحت کے ریکارڈ تک ڈیجیٹل طور پر رسائی حاصل کرنے اور اشتراک کرنے کا ایک پریشانی سے خالی طریقہ ہے۔ یہ ڈیجیٹل شاہراہوں کے ذریعے صحت کی دیکھ بھال کے ایکو سسٹم کے مختلف اسٹیک ہولڈروں کے درمیان موجودہ خلا کو پر کرے گا۔ صحت کی دیکھ بھال کو سپورٹ کرنے والے ڈیجیٹل انفراسٹرکچر نے بھی قابل ذکر پیش رفت دیکھی ہے۔ 22 دسمبر 2024 تک71.81 کروڑ سے زیادہ اے بی ایچ اے نمبر تیار کیے گئے ہیں اور 46.53 کروڑ صحت کے ریکارڈکو اے بی ایچ اے سے جوڑا گیا ہے۔ اس کے علاوہ ایچ ایف آر پر 3.55 لاکھ سے زیادہ صحت کی سہولیات اور ایچ پی آر پر 5.38 لاکھ سے زیادہ ہیلتھ کیئر پروفیشنلز رجسٹرڈ ہوئے ہیں۔

بھارت کی صحت کی دیکھ بھال کی کامیابیوں کا ایک اور سنگ بنیاد مشن اندردھنش ہے ، جس نے یونیورسل امیونائزیشن پروگرام کے تحت حفاظتی ٹیکوں کی کوریج کو بڑھایا ہے۔ اس مہم میں ان علاقوں کو ہدف بنایا گیا ہے جہاں حفاظتی ٹیکوں کی شرح کم ہے تاکہ وہاں چھوٹ گئے اور ڈراپ آوٹ بچوں اور حاملہ خواتین کو ٹیکے لگائے جا سکیں۔ مشن اندردھنش میں 11 اقسام کی ویکسینز کی فراہمی شامل ہے جو قابل روک تھام بیماریوں کے خلاف تحفظ کو بڑھاتی ہیں۔ ملک میں اب تک کیے گئے مشن اندردھنش کے تمام مراحل میں کل 5.46 کروڑ بچوں اور 1.32 کروڑ حاملہ خواتین کو ٹیکہ لگایا گیا ہے۔

ان کوششوں کو صحت کے اہم اشاریوں میں قابل ذکر بہتری سے نمایاں کیا ہے، جو صحت کی دیکھ بھال کی حکمت عملیوں اور مداخلتوں کی تاثیر کو اجاگر کرتے ہیں۔ 2017-2019 میں زچگی کی شرح اموات 103 فی 100،000 زندہ پیدائشوں سے کم ہو کر 2018-20 میں فی 100،000 زندہ پیدائشوں پر 97 ہو گئی۔ نوزائیدہ بچوں کی شرح اموات 2018 میں 32 فی 1000 زندہ پیدائشوں سے کم ہوکر 2020 میں 28 فی 1000 زندہ پیدائش ہوگئی اور مجموعی شرح پیدائش 2015-16 میں 2.2 سے کم ہوکر 2019-21 میں 2.0 ہوگئی۔ یہ پیش رفت صارفین پر مرکوز پالیسیوں اور اقدامات کا ثبوت ہے جو کارکردگی اور اثر کو یقینی بنانے کے لیے باقاعدگی سے نگرانی کے ذریعہ حمایت یافتہ ہیں۔

بھارت کے صحت کے بنیادی ڈھانچے میں دور اندیش پالیسیوں اور آیوشمان بھارت اور مشن اندردھنش جیسے اقدامات کے مضبوط نفاذ کی رہنمائی میں تبدیلیاں دیکھنے میں آئی ہیں۔ یہ سنگ میل یونیورسل ہیلتھ کوریج حاصل کرنے اور تمام شہریوں کے لیے صحت مند مستقبل کی تعمیر کے لیے بھارت کے غیر متزلزل عزم کا ثبوت ہیں۔ جیسا کہ ملک اپنے صحت کے بنیادی ڈھانچے کو مستحکم کرنا جاری رکھے ہوئے ہے ، ایک مضبوط ، جامع اور پائیدار صحت کی دیکھ بھال کے نظام کی بنیاد رکھی جارہی ہے جو ہر فرد کی بہبود کو ترجیح دیتا ہے۔

حوالے

راجیہ سبھا کا تحریری سوال نمبر 2514:https://sansad.in/rs/questions/questions-and-answers

لوک سبھا تحریری سوال نمبر: (4343): https://sansad.in/ls/questions/questions-and-answers

https://pib.gov.in/PressReleasePage.aspx?PRID=2085208

https://pib.gov.in/PressReleasePage.aspx?PRID=2085204

https://abdm.gov.in/

https://dashboard.pmjay.gov.in/pmj/’/

پی ڈی ایف میں دیکھنے کے لیے یہاں کلک کریں۔

***

(ش ح – ع ا)

U. No. 4437

(Release ID: 2087065) Visitor Counter : 11