اسکول انوویشن میراتھن   (اسکول انوکھائی میراتھن  2024)،  جو ایک انوکھائی چیلنج ہے، وزارت تعلیم، اٹل انوکھائی مشن، نیتی آیوگ، وزارت تعلیم کے انوکھائی سیل (ایم آئی سی) ، اے آئی سی ٹی ای اور یونیسف کے مشترکہ تعاون سے کامیابی کے ساتھ اختتام پذیر ہوئی۔ اسکول انوکھائی میراتھن میں، اسکولوں کے طلباء نے، چاہے ان کے پاس اے ٹی ایلز ہوں یا نہ ہوں، اپنے منتخب کمیونٹی مسائل کی شناخت کی اور ان مسائل کا حل انوکھے پروٹوٹائپس کی شکل میں تیار کیا۔ اسکول انوکھائی میراتھن کا موضوع "وکست بھارت 2047" تھا اور ملک بھر کے تمام ریاستوں اور مرکزی علاقوں سے 1 لاکھ سے زائد انوکھائی پروجیکٹس موصول ہوئے۔ ان انوکھائی حلوں میں صحت، زراعت، پائیدار ترقی، ڈیجیٹل تبدیلی اور نقل و حرکت جیسے موضوعات شامل تھے، جس سے نوجوان ذہنوں کی بے شمار مسائل حل کرنے کی صلاحیتوں کا بھرپور مظاہرہ ہوا۔ تقریباً 6.7 لاکھ طلباء نے 54,000 اسکولوں سے اس انوکھائی چیلنج میں شرکت کی، جو اگست سے دسمبر 2024 تک منعقد ہوا۔

اسکول انوکھائی میراتھن کے دوران طلباء اور اساتذہ کے لیے استعداد کار بڑھانے کے سیشنز ایک اہم ستون تھے۔ یہ سیشنز آن لائن اور آف لائن دونوں طریقوں سے منعقد کیے گئے، جن میں ڈیزائن تھنکنگ، آئیڈیئیشن، روبوٹکس، الیکٹرانکس، 3D پرنٹنگ اور دانشورانہ املاک کے حقوق جیسے موضوعات شامل تھے۔ اساتذہ اور رہنماؤں نے طلباء کی ٹیموں کو ان کی انوکھائی سفر کے دوران رہنمائی اور حوصلہ افزائی فراہم کی۔ ان کوششوں نے شرکت کرنے والے طلباء کی مہارتوں میں خاطر خواہ اضافہ کیا، جس سے انہیں اثرانداز پروجیکٹس تیار کرنے کی صلاحیت حاصل ہوئی۔

ریاستی سطح پر اسکولوں میں انوکھائی سرگرمیوں کے لیے مقرر کیے گئے نودل آفیسرز نے میراتھن کے نفاذ کو ریاستی اور ضلعی سطح پر سہولت فراہم کی۔ ہفتہ وار مانیٹرنگ سیشنز نے اسکولوں میں شرکت، مشغولیت اور پروجیکٹس کی پیشکش کی بلند سطح کو یقینی بنایا۔ ضلعی سطح پر منعقدہ رہنمائی اور آگاہی سیشنز نے شرکت کو مزید بڑھایا، جس کے نتیجے میں اساتذہ اور طلباء کی بے مثال شرکت سامنے آئی۔

اسکول انوکھائی میراتھن 2024 نوجوان ذہنوں کی تبدیلی لانے کی طاقت کا ایک عظیم ثبوت ہے۔ یہ انوکھائی چیلنج قومی تعلیمی پالیسی (این ای پی)2020 کے ساتھ ہم آہنگ تھا، جو تجرباتی سیکھنے اور تخلیقی مسئلہ حل کرنے کی اہمیت پر زور دیتی ہے، اور طلباء میں تخلیقی صلاحیت، انوکھائی اور کاروبار کے فروغ کی ثقافت پیدا کرنے کے لیے کوشاں ہے۔ یہ صرف ایک آغاز ہے، کیونکہ طلباء اپنے پروٹوٹائپس کو حقیقی مصنوعات اور کاروبار میں تبدیل کرتے رہیں گے، اور ہمیں کست بھارت کی جانب ایک قدم اور قریب لے جائیں گے۔

***********

(ش ح۔اس ک۔ق ر)

U:4359

(Release ID: 2086476) Visitor Counter : 25