بھارتی بحریہ کا جدید ترین کثیرالمقاصد خفیہ گائیڈیڈ میزائل بحری جہاز آئی این ایس تشیل 17 دسمبر 2024 کو روس کے کلینن گراد سے بھارت کے لیے روانہ ہوا، جو اس کی اولین آپریشنل تعیناتی کی شروعات تھی۔

یہ جہاز روس میں بنایا گیا تھا اور 09 دسمبر 2024 کو عزت مآب وزیر دفاع  جناب راج ناتھ سنگھ کی موجودگی میں بحریہ میں شامل کیا گیا تھا۔

یہ جہاز بحیرہ بالٹک، بحیرہ شمالی، بحر اوقیانوس اور آخر میں بحر ہند سے گزرے گا، راستے میں متعدد دوست ممالک کی بندرگاہوں پر رُکے گا۔

آئی این ایس تشیل کی پہلی تعیناتی میں بھارتی بحریہ کے اہم چارٹر، یعنی سفارتکاری، عسکری اور کانسٹبلری سرگرمیاں شامل ہوں گی۔

یہ جہاز خطے میں بحری قزاقی کے علاقوںسمیت راستے میں متعدد بحری افواج کے ساتھ مشترکہ گشت اور میری ٹائم پارٹنرشپ مشقیں کرے گا ۔

دوست ممالک کی بندرگاہوں پر قیام کے دوران ، بحری جہاز میزبان بحریہ کے ساتھ صلاحیت سازی کی سرگرمیاں انجام دے گا اور اعلیٰ فوجی اور حکومتی قیادت کے ساتھ بات چیت کرے گا۔ اس قیام کے تحت پورے خطے میں پھیلے ہوئے ہندوستانی تارکین وطن کے ساتھ رابطہ کاری کا کام بھی انجام دیا جائے گا۔

بندرگاہوں پر قیام اور مشقوں کا مقصد خطے کے ساحلی ممالک کے ساتھ ہندوستان کے بحری تعاون کو مستحکم کرنا اور سمندری برادری کے تحفظ اور تحفظ کے لئے ہندوستانی بحریہ کے عزم کو تقویت دینا ہے۔

**********

 (ش ح –ا ب ن)

U.No:4323

(Release ID: 2086301) Visitor Counter : 12