نیتی آیوگ نے ​​"ایس اے ایف ای رہائش - مینوفیکچرنگ نمو کے لیے کارکنان کی رہائشی سہولت" کے موضوع پر ایک رپورٹ جاری کی۔ یہ جامع رپورٹ بھارت کے مینوفیکچرنگ شعبے کو فروغ دینے میں صنعتی کارکنوں کے لیے محفوظ، سستی، لچکدار، اور موثر (ایس اے ایف ای) رہائش کے اہم کردار کی کھوج کرتی ہے۔ یہ کلیدی چنوتیوں کی نشاندہی کرتی ہے، قابل عمل حل پیش کرتی ہے، اور ملک بھر میں اس طرح کی رہائش کی سہولیات میں اضافے کے لیے درکار اہم مداخلتوں پر روشنی ڈالتی ہے۔

مرکزی بجٹ 2024-25 میں، عزت مآب وزیر خزانہ نے صنعتی کارکنوں کے لیے ہاسٹل کی طرز کی رہائش کے ساتھ رینٹل ہاؤسنگ کی اہمیت پر زور دیا۔ یہ پہل قدمی، جو وائبلٹی گیپ فنڈنگ (وی جی ایف) تعاون اور معاون صنعتوں کے وعدوں کے ساتھ عوامی نجی شراکت داری (پی پی پی) کے تحت نافذ کی جائے گی، ہندوستان کے مینوفیکچرنگ ایکو نظام کے ایک اہم جزو سے نمٹنے کے لیے حکومت کے عزم کی نشاندہی کرتی ہے۔

بھارت کی مینوفیکچرنگ سے وابستہ توقعات: وکست بھارت کے لیے ایک وژن

بھارت 2047 تک وکست بھارت کو حاصل کرنے کے اپنے طویل مدتی وژن کے حصے کے طور پر جی ڈی پی میں اپنے مینوفیکچرنگ شعبے کی شراکت کو موجودہ 17فیصد سے بڑھا کر 25فیصد کرنے کے لیے تیار ہے۔ یہ اولوالعزم ہدف میک ان انڈیا اور آتم نربھر بھارت جیسی اہم پہل قدمیوں کے تحت ایک عالمی اشیاء ساز ادارہ بننے کے ملک مقاصد کے ساتھ ہم آہنگ ہے۔ اس خواب کی تکمیل کے لیے ایک مضبوط افرادی قوت حکمت عملی ، اور اس کے ساتھ صنعتی کارکنان کے لیے خاطرخواہ ، قریب قریب، اور قابل استطاعت مکانات کی سہولت درکار ہے۔

اقتصادی جائزے 2023-24 کے مطابق، ہندوستان کو اپنی اقتصادی ترقی کی رفتار کو برقرار رکھنے کے لیے 2030 تک سالانہ 7.85 ملین ملازمتیں پیدا کرنے کی ضرورت ہے۔ ان ملازمتوں کا ایک اہم حصہ مینوفیکچرنگ سیکٹر سے آئے گا، جس کی خصوصیت بڑے پیمانے پر میگا فیکٹریوں میں بڑھ رہی ہے۔ ان سہولیات کو مسابقت کو برقرار رکھنے اور پیمانے کی معیشتوں کو حاصل کرنے کے لیے ایک مرکزی افرادی قوت کی ضرورت ہوتی ہے، جو اکثر تارکین وطن کارکنوں پر مشتمل ہوتی ہے۔

صنعتی مراکز کے قریب ناکافی رہائش ایک بڑی رکاوٹ ہے۔ رہائش کے ناقص حالات کی وجہ سے اٹریشن کی بلند شرح، پیداواری صلاحیت میں کمی اور افرادی قوت میں عدم استحکام پیدا ہوتا ہے۔ مزید برآں، مناسب رہائش کی کمی کارکنوں، خاص طور پر خواتین کی نقل مکانی کو محدود کرتی ہے، جس سے اس شعبے کی ترقی کی صلاحیت محدود ہوتی ہے۔

ہندوستان کا مینوفیکچرنگ شعبہ ایک نازک موڑ پر ہے۔ جیسا کہ ملک 5 ٹریلین ڈالر کی معیشت بننے کی طرف بڑھ رہا ہے، کارکنوں کی رہائش کے چیلنجوں سے نمٹنا ایک ترجیح ہے۔ غیر لچکدار قواعد و ضوابط، مالی رکاوٹوں، اور نجی شعبے کی ناکافی شرکت نے معیاری رہائش کی دستیابی میں اہم خلا پیدا کیا ہے۔

ایس اے ایف ای رہائش پہل قدمی ان کمیوں کو پر کرنے کے لیے ایک جامع فریم ورک پیش کرتی ہے۔ ریگولیٹری اور مالیاتی فریم ورک کو ہم آہنگ کرکے، ہندوستان ورکرز ہاؤسنگ کے پائیدار حل کے امکانات کو کھول سکتا ہے جو مینوفیکچرنگ ماحولیاتی نظام کو تقویت دیتے ہیں، افرادی قوت کی پیداواری صلاحیت کو بڑھاتے ہیں، اور عالمی سرمایہ کاری کو راغب کرتے ہیں۔

ایس اے ایف ای رہائش پہل قدمی اہمیت کی حامل کیوں ہے

صنعتی کارکنان کو ایس اے ایف ای رہائشی سہولت فراہم کرنا افرادی قوت کی رہائش سے متعلق چنوتیوں  کو حل کرنے کے لیے ضروری ہے۔ رپورٹ مختلف فوائد کی نشاندہی کرتی ہے:

1. افرادی قوت کی پیداواری صلاحیت اور برقراری میں اضافہ: قریب قریب اور اچھی طرح سے ڈیزائن کردہ رہائشی سہولت کارکنوں کے معیار زندگی کو بہتر بناتی ہے، سفر کے اوقات کو کم کرتی ہے، اور مجموعی پیداواری صلاحیت کو بڑھاتی ہے۔ یہ کارخانوں کے لیے ایک مستحکم اور ہنر مند افرادی قوت کو یقینی بناتی ہے اور بھرتی کے اخراجات کو کم کرتی ہے۔
2. عالمی سرمایہ کاری کو راغب کرنا: ملٹی نیشنل کارپوریشنوں اور عالمی سرمایہ کار سرمایہ کاری کے فیصلے کرتے وقت کارکنوں کی فلاح و بہبود اور آپریشنل کارکردگی کا تیزی سے جائزہ لیتے ہیں۔ اعلیٰ معیار کی رہائشیں بین الاقوامی معیارات کے تئیں ہندوستان کی وابستگی کو ظاہر کرتی ہیں، اس طرح ملک کو مینوفیکچرنگ سرمایہ کاری کے لیے ایک ترجیحی مقام بناتی ہیں ۔
3. عالمی لیبر معیارات کے ساتھ ہم آہنگ: بین الاقوامی لیبر معیارات کی پابندی جو مناسب اور محفوظ ورکرز ہاؤسنگ کو ترجیح دیتے ہیں عالمی مارکیٹ میں ہندوستان کی ساکھ اور مسابقت کو بڑھاتے ہیں۔ یہ صف بندی بین الاقوامی فرموں کے ساتھ مضبوط شراکت داری کو فروغ دیتی ہے اور کاروبار کے نئے مواقع کھولتی ہے۔
4. سبھی کے لیے مفید منظرنامہ تیار کرنا

• کارکنان بہتر زندگی کے حالات سے مستفید ہوتے ہیں، جس کے نتیجے میں ملازمت سے زیادہ اطمینان ہوتا ہے اور ٹرن اوور کی شرح کم ہوتی ہے۔
• کمپنیاں زیادہ مستحکم، پیداواری افرادی قوت اور کم مزدوری کے اخراجات سے فائدہ اٹھاتی ہیں۔
• حکومت پائیدار شہری ترقی، غیر ملکی سرمایہ کاری میں اضافہ، اور عالمی سطح پر مسابقتی مینوفیکچرنگ سیکٹر حاصل کرتی ہے۔

کارکنان کی رہائشی سہولت میں اضافے سے متعلق چنوتیاں

رپورٹ میں کئی چنوتیوں پر روشنی ڈالی گئی ہے جو کارکنوں کی رہائش کی ترقی میں رکاوٹ پیدا کرتی ہیں:

1. پابندی والے حلقہ جاتی قوانین: صنعتی علاقوں میں رہائشی ترقیات اکثر ممنوع ہیں جب تک کہ واضح طور پر اجازت نہ دی جائے، جو کارکنوں کو اپنے کام کی جگہوں سے دور رہنے پر مجبور کرتے ہیں۔ یہ سفر کے اوقات اور اخراجات کو بڑھاتا ہے، جس سے پیداواریت اور برقراری متاثر ہوتی ہے۔
2. کنزرویٹو بلڈنگ بائی لاز: نچلے فلور ایریا ریشوز (ایف اے آر) اور زمین کے استعمال کے دیگر غیر موثر ضوابط دستیاب زمین پر اعلیٰ صلاحیت والے مکانات کے امکانات کو محدود کرتے ہیں۔
3. اعلیٰ آپریٹنگ اخراجات: صنعتی زون میں ہاسٹل کی رہائش کو اکثر تجارتی اداروں کے طور پر درجہ بندی کیا جاتا ہے، جس کی وجہ سے پراپرٹی ٹیکس اور یوٹیلیٹی کی شرحیں زیادہ ہوتی ہیں۔ یہ بڑھتی ہوئی لاگتیں نجی شعبے کی شرکت کی حوصلہ شکنی کرتی ہیں۔
4. مالی عملداری: زیادہ سرمائے کی لاگت اور کم منافع بڑے پیمانے پر کارکنوں کی رہائش کے منصوبے نجی ڈویلپرز کے لیے عدم دلچسپی کا باعث بن جاتے ہیں۔ ہم آہنگی کی چنوتیاں بھی پیدا ہوتی ہیں، کیونکہ صنعتی مراکز کو کامیابی کے لیے ہاؤسنگ، انفراسٹرکچر اور صنعتوں میں ہم آہنگ سرمایہ کاری کی ضرورت ہوتی ہے۔

مجوزہ حل: ضابطہ جاتی سفارشات

ضابطہ جاتی چنوتیوں سے نمٹنے کے لیے، رپورٹ تجویز کرتی ہے:

1. کارکنوں کی رہائش کی ازسر نو درجہ بندی: نامزد ایس اے ایف ای رہائشی مکانات کے ایک الگ زمرے کے طور پر رہائش کو یقینی بنانے کے لیے:

• رہائشی پراپرٹی ٹیکس، بجلی اور پانی کے نرخ لاگو ہوتے ہیں۔
• مخصوص معیارات پر پورا اترنے والی رہائش کے لیے جی ایس ٹی کی چھوٹ (مثلاً، 90 دنوں کے مسلسل قیام کے لیے فی کس 20,000 روپے)۔

2. اسٹریم لائن ماحولیاتی منظوری: وزارت ماحولیات، جنگلات اور موسمیاتی تبدیلی (ایم او ای ایف اینڈ سی سی) کی جانب سے جاری کردہ مسودہ نوٹیفکیشن میں صنعتی شیڈز، اسکولوں، کالجوں اور ہاسٹلز کے لیے فراہم کردہ چھوٹ کے تحت ایس اے ایف ای رہائش کو شامل کریں۔
3. صنفی شمولیت والی پالیسیوں کو فروغ دیں: کارکنوں کے لیے موزوں رہائش کی ترقی کی حوصلہ افزائی کریں، ان کی مخصوص حفاظت اور بہبود کی ضروریات کو پورا کریں۔
4. لچکدار زوننگ قوانین: صنعتی مراکز کے قریب مخلوط استعمال کی ترقی کی اجازت دینے کے لیے زوننگ کے ضوابط میں ترمیم کریں، کام کی جگہوں کے قریب ورکرز ہاؤسنگ کی سہولت فراہم کریں۔

مجوزہ حل: مالی سفارشات

مالی رکاوٹوں پر قابو پانے کے لیے، رپورٹ مندرجہ ذیل تجاویز پیش کرتی ہے:

1. وائبلٹی گیپ فنڈنگ (وی جی ایف)

• وی جی ایف سپورٹ کے ذریعے 30-40فیصد تک پروجیکٹ کی لاگت (آراضی کو چھوڑ کر) فراہم کریں۔ اس میں 20فیصد محکمہ اقتصادی امور(ڈی ای اے) اور 10 اسپانسر کرنے والی نوڈل وزارت سے، ریاستی حکومتوں کے اضافی تعاون کے ساتھ شامل ہیں۔
• وی جی ایف اسکیم کے ضمیمہ 3 میں ترمیم کریں تاکہ قابل استطاعت رینٹل ہاؤسنگ کو ایک اہل شعبے کے طور پر شامل کیا جاسکے۔

2. مسابقتی بولی: وی جی ایف سپورٹ کا تعین کرنے کے لیے بولی لگانے کے شفاف عمل کو لاگو کریں، کارکردگی اور لاگت کی تاثیر کو یقینی بنائیں۔
3. موجودہ سہولیات کو دوبارہ تیار کرنا: براؤن فیلڈ ورکرز کی رہائش کو اپ گریڈ کرنے، ان کی حفاظت، صلاحیت اور افادیت کو بڑھانے کے لیے وی جی ایف کا فائدہ اٹھانا۔

نتیجہ

سیف رہائش کی فراہمی محض ایک فلاحی اقدام نہیں ہے بلکہ ہندوستان کی اقتصادی ترقی کے لیے ایک اسٹریٹجک ضروری ہے۔ یہ پائیدار شہری ترقی کو فروغ دیتے ہوئے افرادی قوت کی برقراری، پیداواری صلاحیت اور عالمی مسابقت میں اہم چیلنجوں سے نمٹتا ہے۔

اس رپورٹ میں بیان کردہ سفارشات پر عمل درآمد کرتے ہوئے، بھارت صنعتی کارکنوں کی رہائش کے لیے ایک مضبوط ماحولیاتی نظام تشکیل دے سکتا ہے، مینوفیکچرنگ سیکٹر کو ترقی کی منازل طے کرنے کے قابل بنا سکتا ہے اور ملک کے وکست بھارت ویژن میں نمایاں تعاون دے سکتا ہے۔ اب تمام اسٹیک ہولڈرز- حکومت، صنعت اور نجی ڈویلپرز کے لیے ضروری ہے کہ وہ آپس میں تعاون کریں اور سیف رہائش کو حقیقت بنانے کے لیے فیصلہ کن اقدام کریں۔

رپورٹ کو مندرجہ ذیل لنک پر آن لائن ملاحظہ کیا جا سکتا ہے:

https://www.niti.gov.in/sites/default/files/2024-12/SAFE_Accommodation_Worker_Housing_for_Manufacturing_Growth.pdf

 

**********

 

(ش ح –ا ب ن)

U.No:4302

(Release ID: 2086231) Visitor Counter : 6