கட்டுமானம், இடிப்பு நடவடிக்கைகளிலிருந்து வரும் தூசி மாசுபாடு தில்லி தேசிய தலைநகரப்பகுதியில் காற்று மாசுபாட்டிற்கான முக்கிய காரணிகளில் ஒன்றாக அடையாளம் காணப்பட்டுள்ளது. இந்த நடவடிக்கைகளால் ஏற்படும் காற்று மாசுபாட்டைக் குறைக்கும் நோக்கில், சில விதிமுறைகள் அரசால் அறிவிக்கை செய்யப்பட்டுள்ளன.

அவற்றில் சில:

• சுற்றுச்சூழல் அனுமதி தேவைப்படும் திட்டங்களுக்கான கட்டுமானம் இடிப்பு நடவடிக்கைகளுக்கான தூசி தணிப்பு நடவடிக்கைகளை கட்டாயமாக செயல்படுத்துதல் வேண்டும்.
• கட்டுமானப் பொருட்கள் கழிவுகளை கையாள்வதில் தூசி தணிப்பு நடவடிக்கைகள் குறித்த வழிகாட்டுதல்கள் (நவம்பர், 2017)' மத்திய மாசு கட்டுப்பாடு வாரிய இணையதளமான https://cpcb.nic.in/technical-guidelines-5/ -ல் வெளியிடப்பட்டுள்ளது.
• தேசிய தலைநகர் பகுதியில் தூசி கட்டுப்பாட்டு நடவடிக்கைகளை கண்காணித்து திறம்பட செயல்படுத்துவதற்காக, "தூசி கட்டுப்பாடு -மேலாண்மை பிரிவு" அமைக்க வழிகாட்டுதல்கள் வழங்கப்பட்டுள்ளன.

 

• மத்திய காற்றுத்தர மேலாண்மை  ஆணையம், 40 பறக்கும் படைகள் / ஆய்வுக் குழுக்களை, சோதனைகளை மேற்கொள்வதற்கும், விதி மீறல்கள் மீது தகுந்த நடவடிக்கை எடுக்கவும்  அமைத்துள்ளது.
• மாநிலங்களவையில் இன்று கேள்வி ஒன்றுக்கு எழுத்து மூலம் அளித்த பதிலில் மத்திய சுற்றுச்சூழல், வனம், பருவநிலை மாற்றத் துறை இணையமைச்சர் திரு கீர்த்தி வர்தன் சிங் இந்தத் தகவலைத் தெரிவித்தார்.

***

TS/PLM/AG/DL

(Release ID: 2086213)