سدھا کے قومی ادارے(این آئی ایس) نے بیک وقت 567 افراد کو ورمم تھراپی فراہم کرنے کا گنیز عالمی ریکارڈ قائم کیا ہے ۔ یہ تقریب چنئی کے تمبرم این آئی ایس کیمپس میں آج منعقد ہوئی جس میں سدھا دوا کی بڑھتی ہوئی  شناخت اور اس کے غیر مضراثرات ، منشیات سے پاک علاج کے طریقوں ، بالخصوص ورمم تھراپی کے ذریعے  علاج کیے جانے پر روشنی ڈالی گئی ۔ آیوش کے مرکزی وزیر مملکت (آزادانہ چارج) جناب پرتاپ راؤ جادھو نے ایک تحریری پیغام میں این آئی ایس کی کوششوں کو سراہا ۔

اس تقریب میں 567 تربیت یافتہ ورمنیز (ورمم ہیلرز) نے بیک وقت 567 افراد کی تھراپی کی ، جس سے اس روایتی عمل کی علاج کی رسائی اور تاثیر کی نشاندہی ہوتی ہے ۔ گنیز عالمی ریکارڈ سے نہ صرف سدھا دوا کی علاج کی صلاحیت  سامنے آئی ہے بلکہ اس نے روایتی شفا یابی کے نظام میں بڑھتی دلچسپی کو بھی ظاہر کیا  ہے۔

آیوش کی وزارت کے سکریٹری ویدیا راجیش کوٹیچا نے اس تاریخی کامیابی کے لیے این آئی ایس کی ٹیم کو مبارکباد دی اور کہا کہ یہ  تقریب نہ صرف ایوارڈ حاصل کرنے کے بارے میں  ہےبلکہ یہ نئی نسل میں بیداری پیدا کرنے اور اسی طرح کے شاندار طریقوں کے پس پشت سائنس اور قدر کو سمجھنے میں ان کی مدد کرنے کے بارے میں بھی ہے ۔ انہوں نے یہ بھی کہا کہ طب کا سدھا نظام عالمی سطح پر اور ہندوستان کے اندر بھی نمایاں توجہ حاصل کر رہا ہے ۔ ہم اس رفتار کو برقرار رکھنے کے لیے پرعزم ہیں ۔ حالیہ برسوں میں نیشنل انسٹی ٹیوٹ آف سدھا نے بڑی ترقی کی ہے ۔

نیشنل انسٹی ٹیوٹ آف سدھا کی ڈائریکٹر پروفیسر ڈاکٹر آر میناکماری نے کہا کہ‘‘سدھا ورمم تھراپی علاج کی ایک بہت ہی منفرد ، غیر مضر اثرات کی حامل ، سستی اور غیر فارماکولوجیکل شکل ہے ۔ اس کا استعمال پیچیدہ اعصابی بیماریوں ، ہڈیوں اور جوڑوں کی  بیماریوں ، آٹزم اسپیکٹرم بیماری  اور بچوں میں دماغی فالج کے علاج میں ہوتا ہے ۔ اس سلسلے میں گنیز کا یہ عالمی  ریکارڈ سدھا نظام طب کو دنیا اور ہندوستان کے اندر بہت زیادہ توجہ حاصل کرنے میں مدد گار ثابت ہوگا۔’’

گنیز عالمی ریکارڈ پروگرام سدھا دوا اور ورمم تھراپی کے فوائد کی  سمت عالمی توجہ دلانے کے لیے این آئی ایس کی جاری کوششوں کا ایک حصہ ہے ۔ انسٹی ٹیوٹ نے اس بات کو یقینی بناتے ہوئے کہ یہ تھراپی  ہندوستان اور بین الاقوامی سطح پر وسیع تر سامعین تک پہنچے،ان روایتی شفا یابی کے طریقوں کو مزید فروغ دینے کے لیے اپنے عزم کا اظہار کیا ہے ۔

ورمم تھراپی ، جو طب کے سدھا نظام کے اندر ایک منفرد اور روایتی شفا یابی کا طریقہ ہے ، طویل عرصے سے صحت  سے متعلق مختلف صورتحال  کے علاج میں مؤثر ہونے کے لیے قدر کی نگاہ سے دیکھا گیا ہے ۔ یہ خاص طور پر جوڑوں کے درد ، چوٹ اور اعصابی ڈس آرڈرس جیسی بیماریوں میں تیزی سے راحت فراہم کرنے کی صلاحیت کے لیے جانا جاتا ہے ۔ اگرچہ ورماکلائی (ورمم سے وابستہ مارشل آرٹ کی شکل) کو اکثر فوری اثرانداز ہونے والی تکنیک کے طور پر غلط سمجھا جاتا ہے ، لیکن سدھا طب میں ، یہ ایک سائنس پر مبنی علاج معالجے کا طریقہ ہے جو شدید اور دائمی بیماریوں بشمول فالج ، گٹھیا اور صدمے سے متعلق چوٹوں کے علاج کے لیے استعمال ہوتا ہے ۔ نیشنل انسٹی ٹیوٹ آف سدھا (این آئی ایس) اس تاریخی کامیابی کا جشن منا رہا ہے ، ماس ورمم تھراپی  کے لئے گنیز کا عالمی ریکارڈ سدھا دوا کی بڑھتی ہوئی عالمی شناخت اور اس کی شفا یابی کی صلاحیت کا ثبوت ہے ۔

 

-----------------------

ش ح۔ش م۔ ع ن

U No. 4257

(Release ID: 2085917) Visitor Counter : 9