ٹیلی مواصلات کے نیٹ ورک کو مضبوط کرنے اور خاص طور پر ملک کے دیہی اور دور دراز علاقوں میں انٹرنیٹ کنیکٹیویٹی کو بہتر بنانے کے لیے حکومت مختلف اسکیموں / منصوبوں کو ڈیجیٹل بھارت ندھی (جو پہلے یونیورسل سروس اوبلگیشن فنڈ کے طور پر جانا جاتا تھا) کے تحت نافذ کر رہی ہے تاکہ دیہی، دور دراز اور پہاڑی علاقوں میں موبائل ٹاورز کی تنصیب کے ذریعے ٹیلی مواصلات کنیکٹیویٹی کو بڑھایا جا سکے۔ 4جی سیچوریشن پروجیکٹ کا مقصد ملک کے 24,680 غیر کوریج والے گاؤں میں 4جی موبائل کنیکٹیویٹی فراہم کرنا ہے۔ اس منصوبے میں بحالی، نئے آبادکاری، موجودہ آپریٹرز کی جانب سے خدمات کی واپسی وغیرہ کی بنیاد پر 20فیصد اضافی گاؤں کو شامل کرنے کی گنجائش رکھی گئی ہے۔ مزید برآں، مرکزی کابینہ نے ترمیم شدہ بھارت نیٹ پروگرام کو منظوری دی ہے جس کے لیے   1,39,579 کروڑ روپئےکی فنڈنگ مختص کی گئی ہے تاکہ بھارت نیٹ کا دائرہ بڑھا کر تمام 2.64 لاکھ گرام پنچایتوں اور تقریباً 3.8 لاکھ گاؤں کو مانگ کی بنیاد پر براڈبینڈ کنیکٹیویٹی فراہم کی جا سکے، جو 28 ریاستوں اور 8 مرکزکے زیر انتظام علاقوں میں پھیلا ہوگا۔

حکومت نے ملک میں 5جی خدمات کی توسیع کے لیے مختلف اقدامات کیے ہیں جیسے موبائل سروسز کے لیے نیلامی کے ذریعے مناسب اسپیکٹرم کی مختصگی، ٹیلی کام سروس فراہم کرنے والوں کو ای-بینڈ میں 250 میگاہرٹز کے 2 کیریئرز کی عارضی الاٹمنٹ، مالی اصلاحات کی سیریز جس کے نتیجے میں تصحیح شدہ کُل آمدنی  (اے جی آر) اور بینک گارنٹیز  (بی جیز) کی معقولیت کی گئی، ایس اے سی ایف اے (اسٹینڈنگ ایڈوائزری کمیٹی برائے ریڈیو فریکوئنسی الاٹمنٹس) کلیئرنس کے عمل کو سادہ بنایا گیا، اور گتی شکتی سنچار پورٹل کا آغاز کیا گیا تاکہ مرکز کی طرف سے راہِ راست (آراوڈبلیو) کی منظوری کی مرکزی نوعیت فراہم کی جا سکے۔ اس کے نتیجے میں ملک کے 783 اضلاع میں سے 779 اضلاع میں 5جی خدمات دستیاب ہو گئی ہیں اور 31 اکتوبر 2024 تک ملک میں 4.6 لاکھ سے زائد 5جی بیس ٹرانسیور اسٹیشنز (بی ٹی ایسز) نصب کیے جا چکے ہیں۔

حکومت نے 26-2021 کی مدت کے لیے  2539.61 کروڑ روپئے کی مجموعی لاگت سے ایک مرکزی شعبے کی اسکیم "نشریات کے بنیادی ڈھانچے اور نیٹ ورک کی ترقی (بی آئی این ڈی)" کو منظور کیا ہے جس کے تحت ملک بھر میں دوردرشن نیٹ ورک کی جدید کاری اور اپ گریڈیشن کی جا رہی ہے۔ اس وقت دوردرشن (ڈی ڈی) فری ڈش، جو کہ ایک فری ٹو ایئر ڈائریکٹ ٹو ہوم (ڈی ٹی ایچ) سروس ہے، ملک بھر میں مکمل کوریج فراہم کر رہا ہے اور انڈمان اور نکوبار (اے اینڈاین) جزائر میں خصوصی 10 چینل سی بینڈ سیٹلائٹ ڈی ٹی ایچ سروس چل رہی ہے۔ مزید برآں، کچھ ڈسٹری بیوشن پلیٹ فارمز جیسے کہ ڈائریکٹ ٹو ہوم (ڈی ٹی ایچ)  اور ہیڈ اینڈ ان دی اسکائی (ایچ آئی ٹی ایس) سیٹلائٹس اور ایئر ویوز کا استعمال کرتے ہیں تاکہ ٹی وی چینلز کی تقسیم کی جا سکے اور اس طرح یہ دور دراز اور پہاڑی علاقوں میں خدمات فراہم کرنے میں کامیاب ہو سکتے ہیں، جس سے ملک بھر میں کوریج کو یقینی بنایا جا سکتا ہے۔

یہ جانکاری مواصلات اور دیہی ترقی کے وزیر مملکت ڈاکٹر پیماسانی چندر شیکھر نے آج لوک سبھا میں ایک سوال کے تحریری جواب میں دی۔

*******

ش ح ۔ م  د   ۔  م  ص

 (U: 4235 )

(Release ID: 2085764) Visitor Counter : 12