2047 کے ہدف کو حاصل کرنے اور ہندوستان کو ایک عالمی مظہر بنانے کے لیے، ہمیں عالمی حکمت عملیوں اور معیارات پر عمل کرنے کی ضرورت ہے۔

یہ بات مرکزی وزیر ڈاکٹر جتیندر سنگھ نے یہاں بھارت منڈپم میں ایک سرکردہ میڈیا ہاؤس کے زیر اہتمام "انڈیا اکنامک کنکلیو" میں کہی۔

ہندوستان کے خلائی، بحری اور ہمالیائی وسائل، جو وزیر اعظم نریندر مودی کے اقتدار سنبھالنے سے پہلے ناکافی طور پر دریافت شدہ  تھے، ہندوستان کی مستقبل کی اقتصادی ترقی میں خاطر خواہ تعاون پیش کریں   گے۔

اس سوال کا جواب دیتے ہوئے کہ ہندوستان تخلیقی ترقی کے لحاظ سے مستقبل میں اپنے قدرتی وسائل سے کس طرح فائدہ اٹھا سکتا ہے، وزیر  موصوف نے کہا کہ وزیر اعظم جناب نریندر مودی نے خلائی سیکٹر کو نجی کھلاڑیوں کے لیے کھول دیا ہے جس سے فوائد حاصل کرنے کا کافی موقع ملتا ہے۔

 ڈاکٹر جتیندر سنگھ نے کہا، ہندوستان اپنے خلائی سیکٹر کو عالمی معیارات  تک لے جانے کی  راہ پر گامزن ہے۔ انہوں نے بتایا کہ ہندوستان نے 2014 سے خلائی معیشت میں زبردست جست لگائی  ہے۔

ڈاکٹر جتیندر سنگھ نے کہا  کہ اس وقت ہندوستان کا خلائی شعبہ عالمی خلائی معیشت میں آٹھ سے نو فیصد حصہ ڈال رہا ہے۔ انہوں نے مزید  کہا کہ یہ اگلے دس سالوں میں تین گنا بڑھ سکتا ہے۔ یہ وزیر اعظم جناب نریندر مودی کی فعال قیادت کے بغیر ممکن نہیں تھا۔

وزیر موصوف نے کہا کہ اگرچہ اسرو کی پیدائش ناسا کے بعد ہوئی لیکن آج یہ دنیا کی کسی بھی تنظیم سے پیچھے نہیں ہے۔ اس کی صلاحیت دن بہ دن بڑھ رہی ہے۔ اب تک ہم نے 432 سے زیادہ سیٹلائٹ لانچ کیے ہیں جن میں سے 397 کو 2014 میں وزیر اعظم نریندر مودی کے اقتدار سنبھالنے کے بعد لانچ کیے گیے ہیں۔

ڈاکٹر جتیندر سنگھ نے کہا، ہندوستان کے پاس 2035 تک اپنا خلائی اسٹیشن ہوگا۔ مرکزی وزیر نے کہا کہ ہمیں غیر دریافت شدہ علاقوں کو تلاش کرنے کی ضرورت ہے۔ وسائل، صلاحیت، عزم اور جذبے کی کوئی کمی نہیں ہے۔

جموں و کشمیر کے بارے میں پوچھے جانے پر، ڈاکٹر جتیندر سنگھ نے کہا، حالیہ اسمبلی انتخابات میں بی جے پی کی کارکردگی اب تک کی سب سے اچھی رہی ہے اور "ہمارا ووٹ شیئر نہ صرف بڑھ گیا ہے بلکہ وہاں کی حکمران پارٹی سے ہمارا ووٹ شیئر زیادہ ہے"۔

انہوں نے کہا کہ وادی کشمیر میں 2 کروڑ سے زیادہ سیاحوں کا آنا معمول کی  زندگی بحال   ہونے کا ثبوت ہے۔

 

*************

 

 

 

ش ح ۔ ا ک ۔ ر ب

U. No.4024

 

(Release ID: 2084481) Visitor Counter : 22