অচৌবা ই-কম্মর্স প্লেৎফোর্মশিং হায়বদি এজিও, জিওমার্ত, নেৎমেদ, বিগবাস্কেৎ, তাতা ক্লিক, তাতা 1mg, জোমাতো অমসুং ওলা অসি 2024গী দিসেম্বর 24দা পাংথোক্কদৌরিবা নেস্নেল কঞ্জ্যুমর দে, 2024গী থৌরমদা সেফতী প্লেদজ এদোপ্ত তৌরগনি।

সেফতী প্লেদজ অসি ই-কম্মর্স প্লেৎফোর্মশিংনা সেফ ওইদবা, অরানবা অমসুং মান্নদবা পোৎলমশিং য়োনবা থেংননবা অমসুং থিংনবা, প্রদক্তকী সেফতীগীদমক থৌদাং লৈবা স্তেচ্যুতরী ওথোরিতীশিংগা খুৎশম্ননবা, সেল্লরশিংগী মরক্তা কঞ্জ্যুমর প্রদক্ত সেফতী মতাংদা এৱেরনেস হেনগৎহন্নবা অমসুং প্রদক্ত সেফতীগী মতাংদা কঞ্জ্যুমরশিংবু শক্তি পীননবা ভোলুন্তরী ওইবা থৌদাং অমনি।

কঞ্জ্যুমরশিংগী ইন্তরেস্তশিং ঙাকনবগী মায়কৈদা মরুওইবা খোংথাং অমা ওইনা, ভারত সরকারগী কঞ্জ্যুমর এফিয়র্স বিভাগনা ই-কম্মর্স প্লেৎফোর্মশিংগীদমক সেফতী প্লেদজ লাউথোকখ্রে। সেফতী প্লেদজ অমা শেমগৎপদা খন্ননবা, কঞ্জ্যুমর এফিয়র্স বিভাগনা স্তেকহোল্দরশিংগা ৱারি শানবগী থৌরম অমা 16.11.2023দা পাংথোকখি। মতুং তারকপদা, অচৌবা ই-কম্মর্স এন্তিতীশিং, ইন্দস্ত্রীগী বোদীশিং অমসুং লো চেয়রশিংবু মেম্বরশিং ওইনা য়াওহন্দুনা মমিং লৈরবা কঞ্জ্যুমর এক্তিভিস্ত অমসুং জর্নেলিস্ত শ্রীমতি পুস্পা গিরিমাজীগী চিয়ারমেনশিপ মখাদা 21.11.2023দা প্লেদজ দ্রাফ তৌনবা কম্মিতী অমা শেমখি।  কম্মিতী অসিনা সেফতী প্লেদজ অদু শেম-শাবা অমসুং বিভাগতা পীশিনবগী থবক পায়খৎখি। কম্মিতী অসিনা কুপ্না খন্ন-নৈনরবা মতুংদা অমসুং বিভাগ অসিনা চেকশিন্না য়েংশিল্লবা মতুংদা প্লেদজ অসিগী অরোইবা দ্রাফ্ত অসি শেমখি।

মালেম শিনবা থুংনা লৈরিবা জুরিসদিক্সন কয়ানা ই-কম্মর্স প্লেৎফোর্মশিংদা  মরুওইনা করিগুম্বা অশেংবা সেলর অদু ত্রেক তৌবা ঙমদবা নৎত্রগা দায়ত্ব লৌবা পামদবা ওইরবদি ই-কম্মর্স প্লেৎফোর্মশিংদা   লাকপা লাইএবিলিতী লেপথোকপগী ইসু অসি প্রোএক্তিব ওইনা থেংননবা ইনফোর্মেল কম্মিৎমেন্ত অমা ওইনা ভোলুন্তরি সেফতী প্লেদজ লৌনবা খঙহনখ্রে,।

প্রদক্তশিং অসি য়োনদ্রিঙৈগী মমাংদা ফিজিকেল একজামিনেসন তৌবা য়াদবা ই-কম্মর্সকী অখন্নবা মওং অসিনা প্রদক্তশিংগী সেফতীগী মরুওইবা থৌদাং অদু ময়েক শেংহল্লি, মসি প্রদক্তশিংনা সেফতী স্তেন্দর্দশিং অমসুং অকক্নবা চৎন-কাংলোনশিং ঙাক্না চৎকদবনি হায়বগী আশাদা য়ুম্ফম ওইদুনা শেম্মী। মসিনা মরম ওইদুনা, প্রদক্ত সেফতী অসি ওনলাইন শোপ্পরশিংগীদমক য়াম্না মরু ওই।

ই-কম্মর্স প্লেৎফোর্মশিংদা সেফ ওইদবা নৎত্রগা মরী লৈনবা স্তেন্দর্দশিং ঙাকপা ঙমদবা প্রদক্তশিং য়োনবা অসিনা কঞ্জ্যুমর অমসুং মীয়ামগী সেফতী অমসুং য়াইফ-থৌরাংগীদমক অচৌবা রিস্ক অমা ওইহল্লি। ক্বালিতী কন্ত্রোল ওর্দর (QCOs) গী মখাদা স্তেন্দর্দশিং অসিগা শোইদনা চুনবা মথৌ তাবা প্রদক্তশিংগী মতাংদদি মসি মরুওইনা মরুওই।

য়ুজর মিলিয়ন 880 হেনবগা লোয়ননা ভারত অসি মালেমগী অনিশুবা খ্বাইদগী চাউবা ইন্তরনেত মার্কেৎনি। 2030 ফাওবদা, ভারত অসি মালেমগী ওইনা অনিশুবা খ্বাইদগী চাউবা ওনলাইন শোপ্পর বেজ ওইগনি হায়না পানরি, মসিদা চাউরাক্না শোপ্পর মিলিয়ন 500 লৈগনি হায়না পানরি [সোর্স: ইনভেস্ত ইন্দিয়া ইকমর্স ব্রোচর.pdf]]। ভারত্তা ই-কম্মর্স লেপ্পা লৈতনা পাকথোক চাউথোরক্লিবা অসি য়েংলগা, কঞ্জ্যুমরশিংগী য়াইফনবগীদমক ওনলাইনদা য়োল্লিবা প্রদক্তশিংগী সেফতী অসি তঙাইফদে।

কঞ্জ্যুমর প্রোতেক্সন এক্ত, 2019না প্রদক্ত অমা লৈবদা সেফতী অমসুং প্রদক্ত স্তেন্দর্দশিংগী মরুওইবা অদু খঙলে। এক্ত অসিগী সেক্সন 2 (9) দা পনখ্রিবা "কঞ্জ্যুমর রাইৎস" হায়বসিদা পুন্সি অমসুং মপুগীদমক খুদোংথীনিঙাই ওইরবা গুদশিং, প্রদক্তশিং নত্ত্রগা সর্ভিসশিং কৈথেলদা পুথোক-পুশিন তৌবদগী ঙাকথোক্নবা অমসুং গুদশিং, প্রদক্তশিং নত্ত্রগা সর্ভিসশিংগী মগুন, মশিং, পোতেন্সী, প্যুরিতী, স্তেন্দর্দ অমসুং মমলগী মতাংদা ইনফোর্মেসন পীনবগী হক য়াওরি। মসিনা কঞ্জ্যুমরবু অরানবা ললোন ইতিক্কী থবক থৌওংদগী ঙাকথোক্নবা হোৎনগনি।

পোৎলম অদু অকক্নবা স্তেন্দর্দ, ক্বালিতী, ক্বান্তিতি, গ্রেদ, কম্পোজিসন, স্তাইল নত্ত্রগা মোদেল অমগীনি হায়না অরানবা ওইনা ফোংদোকপা হায়বসি এক্ত অসিগী সেক্সন 2 (47) গী মখাদা "অরানবা ললোন-ইতিক্কী থৌওং"নি হায়না ৱাহন্থোক পীরি। মখা তানা, হৌজিক চৎনরিবা আইন নত্ত্রগা আইন অমগী মখাদা থম্বা মথৌ তাবা স্তেন্দর্দ অদুগা চুনদবা প্রদক্তশিং অসি এক্ত অসিগী সেক্সন 2 (10) গী মখাদা "দিফেক্তিব" ওইনা লৌবা য়াই।

কঞ্জ্যুমর প্রোতেক্সন (ই-কম্মর্স) রুলস, 2020গী রুল 4গী (3) মখাদা পীরিবা ই-কম্মর্স এন্তিতীশিংগী মথৌদা, মখোয়গী প্লেৎফোর্মদা থবক তৌরিঙৈদা নৎত্রগা অতোপ্পা মওংদা, অরানবা ললোন-ইতিক্কী থৌওং অমত্তা চৎনহন্দনবা মথৌসু য়াওরি।

***