उर्जा कार्यक्षमता हा शाश्वत विकासात एक  महत्वाचा पैलू आहे‌. देशात 14 डिसेंबर हा दिवस राष्ट्रीय ऊर्जा संवर्धन दिन म्हणून  साजरा केला जातो.शाश्वत उर्जा पद्धतींचा अवलंब करण्याची गंभीर गरज अधोरेखित करत हा वार्षिक दिन आशेचा किरण आणि सामायिक जबाबदारी स्वीकारत  साजरा केला जातो.केवळ औपचारिकपणे कार्यक्रम सादर न करता हा दिवस व्यक्ती, उद्योग आणि संस्थांना  ऊर्जा कार्यक्षमतेचा स्वीकार करण्यासाठी एक प्रेरक शक्ती म्हणून चालना देतो.

पार्श्वभूमी आणि महत्त्व

राष्ट्रीय ऊर्जा संवर्धन दिन हा दिवस आपल्याला ऊर्जेचे  संवर्धन करण्याची निकड असल्याची आठवण करून देतो.  वर्ष 1991 पासून हा दिवस  ऊर्जा कार्यक्षमता आणि संवर्धनासाठी देशाच्या वचनबद्धतेचे प्रतीक असलेल्या ऊर्जा कार्यक्षमता ब्युरो (BEE) द्वारे हा दिवस  साजरा करण्यात येतो.  ऊर्जा संवर्धन, या विषयाला केंद्रस्थानी ठेवून कार्यक्षम पद्धती आणि तंत्रज्ञानाचा प्रचार करून अनावश्यक उर्जेचा वापर कमी करण्याच्या प्रयत्नांना चालना देणे, हे या दिवसाचे उद्दिष्ट आहे.

14 डिसेंबर 2024 रोजी ऊर्जा संवर्धन दिनाच्या भव्य समारंभात 2024 या वर्षीचे राष्ट्रीय ऊर्जा संवर्धन पुरस्कार प्रदान केले जाणार आहेत.हा भव्य समारंभ देशभरातील यासंदर्भातील  अग्रणी आणि प्रभावशाली प्रकल्पांची कामगिरी समोर आणेल.  या  संस्थांनी  ऊर्जा कार्यक्षमता कशी वाढवत आहेत आणि पर्यावरणीय शाश्वतेत कसे  योगदान देत आहेत याबद्दल जाणून इतरांना त्यापासून प्रेरणा मिळेल.

पुरस्कार विजेत्यांची अंतिम यादी पाहण्यासाठी येथे क्लिक करा.

पुढील वाटचाल

राष्ट्रीय ऊर्जा संवर्धन दिन हा केवळ एक  वार्षिक कार्यक्रम नाही. भारतात ऊर्जा संवर्धनाची संस्कृती रुजवण्याचा प्रयत्न करणारी ही एक चळवळ आहे..  जसजसे राष्ट्र प्रगती करत आहे, तसतसे शाश्वत पद्धती आणि उर्जा कार्यक्षमतेवर भर देणे अधिक महत्त्वाचे होत आहे.  वैयक्तिक कृतींना राष्ट्रीय उद्दिष्टांसह संरेखित करून, आपण  एकत्रितपणे हरित, परिपूर्ण, अधिक शाश्वत भविष्याच्या मार्गावर आगेकूच करू शकतो.

***

S.Kakade/S.Patgaonkar/P.Kor

 

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com

(Release ID: 2084275) Visitor Counter : 54