سائنس اور ٹیکنالوجی کے مرکزی وزیر مملکت (آزادانہ چارج) ، ارضیاتی سائنس کے وزیر مملکت (آزادانہ چارج) ، وزیر مملکت برائے وزیراعظم  کے دفتر، محکمہ جوہری توانائی ، محکمہ خلا ، عملہ ، عوامی شکایات اور پنشن ، ڈاکٹر جتیندر سنگھ ، جو میڈیسن کے پروفیسر بھی ہیں ، ذیابیطس کے محققین اور پریکٹیشنرز کی دنیا کی سب سے بڑی تنظیم ’’ریسرچ سوسائٹی فار اسٹڈی آف ڈائبٹیز ان انڈیا‘‘ (آر ایس ایس ڈی آئی) کے معروف ذیابیطس ماہر اور لائف پیٹرون ہیں، نے آج ’’یوگا اور ذیابیطس کی روک تھام‘‘ پر آر ایس ایس ڈی آئی کے تاریخی مطالعے کا اجرا کیا ۔

یہ مطالعہ پروفیسر ایس وی مدھو ،سمیت ممتاز آرایس ایس ڈی آئی ،سینٹر فار ڈائبٹیز اینڈوکرائنولوجی اینڈ میٹابولزم کے سربراہ ، یونیورسٹی کالج آف میڈیکل سائنسز نئی دہلی ، پروفیسر ایچ بی چندالیا ، گرانٹ میڈیکل کالج ممبئی کے سابق سربراہ اور اس وقت ذیابیطس اینڈوکرائن نیوٹریشن مینجمنٹ اینڈ ریسرچ سینٹر ، ممبئی کے سربراہ ، ڈاکٹر اروند گپتا ، مانیلیک ریسرچ سینٹر جے پور اور دیگر اراکین کے ایک گروپ کی طرف سے کیا گیا تھا۔

یہ مطالعہ باوقار ایلسویر لمیٹڈ نے شائع کیا ہے ۔

اس موقع پر ڈاکٹر جتیندر سنگھ نے ٹائپ-2 ذیابیطس کی روک تھام میں یوگا کی تبدیل کرنےکی صلاحیت پر زور دیا ۔ اپنےتبصرے میں ، مرکزی وزیر نے اس اہم مطالعے کے قابل ذکر نتائج پر زور دیا ، جس سے یہ ظاہر ہوتا ہے کہ یوگا کس طرح پری ڈائبٹیز افراد میں ذیابیطس کے خطرے کو نمایاں طور پر کم کر سکتا ہے ۔

وزیرموصوف  کو مطالعہ کی کچھ نمایاں خصوصیات کے بارے میں آگاہ کرتے ہوئے ، پہلے مصنف پروفیسر ایس وی مدھو نے کہا کہ ریسرچ سوسائٹی فار دی اسٹڈی آف ڈائبٹیز ان انڈیا (آر ایس ایس ڈی آئی) کی طرف سے ’’یوگا اینڈ پریوینشن آف ٹائپ 2 ڈائبٹیز -دی انڈین پریوینشن آف ڈائبٹیز اسٹڈی‘‘ کے عنوان سے شروع کی گئی تحقیق ذیابیطس کی روک تھام میں ایک سنگ میل کی نشاندہی کرتی ہے ۔

یہ مطالعہ ، ہندوستان میں پانچ مراکز میں تین برسوں میں منعقد کیا گیا اور اس میں تقریبا 1،000پری ڈائبیٹک افراد شامل تھے ، اس مطالعے میں اس بات پر روشنی ڈالی گئی ہے کہ 40 منٹ کا روزانہ یوگا کا معمول ، جس میں منتخب آسن اور پرانایام شامل ہیں ، معیاری طرز زندگی کی مداخلت کے ساتھ ، ذیابیطس کے خطرے کو تقریبا 40فیصدتک کم کر سکتا ہے ۔ یہ نتائج ملک میں ذیابیطس کی روک تھام کی موجودہ حکمت عملیوں کے نتائج سے آگے نکل گئے ہیں ۔

ہندوستانی ذیابیطس کی روک تھام کے پروگرام (ڈی پی پی) نے طرز زندگی میں تبدیلیوں کے ذریعے 28فیصد خطرے میں کمی حاصل کی ، جبکہ ایک اور آزمائشی طرز زندگی کے اقدامات کو مرحلہ وار ادویات (میٹفارمین) کے ساتھ ملا کر 32فیصدکمی کی اطلاع دی۔اس مطالعے میں یوگا کی افادیت نے دونوں کو پیچھے چھوڑ دیا ، اور اس کی برتری کو ایک علیحدہ حفاظتی اقدام کے طور پر ظاہر کیا ۔

ڈاکٹر جتیندر سنگھ نے مطالعے کے نتائج کو ہندوستان کے صحت کی دیکھ بھال کے نظام کے لیے ممکنہ ’’گیم چینجر‘‘ قرار دیا ۔ اس وقت 101 ملین سے زیادہ افراد ذیابیطس کے ساتھ زندگی گزار رہے ہیں اور مزید 136 ملین افراد پری ڈائبیٹک مرحلے میں ہیں ، مطالعہ کے ثبوت پر مبنی نقطہ نظر بڑھتی ہوئی وبا سے نمٹنے میں اہم کردار ادا کر سکتا ہے ۔

وزیر موصوف نے صحت عامہ کے وسیع فوائد حاصل کرنے کے لیے یوگا کو ذیابیطس کی روک تھام کی قومی پالیسیوں میں شامل کرنے کی اہمیت پر زور دیا ۔ انہوں نے کہا کہ یہ مطالعہ ذیابیطس کی روک تھام میں یوگا کی تاثیر کی سائنسی طور پر توثیق کرنے کے لیے پہلے اچھی طرح سے ڈیزائن کیے گئے ، طویل مدتی تجربے کے طور پر نمایاں ہے ۔

ہندوستانی ذیابیطس کی روک تھام کا مطالعہ آر ایس ایس ڈی آئی کی طرف سے ایک اہم پہل ہے جس کا مقصد ذیابیطس کی روک تھام کے لیے اختراعی اور پائیدار طریقوں کو تلاش کرنا ہے۔ ذیابیطس اور میٹابولک سنڈروم: کلینیکل ریسرچ اینڈ ریویوز میں شائع شدہ، مطالعہ کے نتائج ذیابیطس کے انتظام کے لیے قومی اور عالمی حکمت عملیوں کو متاثر کرنے کے لیے تیار ہیں۔

*********

 

) ش ح –    ش ت     -  ش ہ ب )

U.No. 3983

(Release ID: 2084230) Visitor Counter : 15