مرکزی انفارمیشن کمیشن کی 16ویں سالانہ کانفرنس کا افتتاح آج بھارت منڈپم میں سائنس اور ٹیکنالوجی کے مرکزی وزیر مملکت (آزادانہ چارج)، ارتھ سائنسز کے وزیر مملکت (آزادانہ چارج)، وزیر اعظم کے دفتر، جوہری توانائی کے محکمے،  خلائی، عملہ، عوامی شکایات اور پنشن کے وزیر مملکت ڈاکٹر جتیندر سنگھ نے کیا۔

مودی حکومت کے شفاف کام کاج کی متعدد مثالوں کا حوالہ دیتے ہوئے، وزیر نے کہا، "وزیر اعظم جناب نریندر مودی کا منتر  مینیمم گورنمنٹ میکسیمم گورنینس یعنی کم سے کم حکومت  زیادہ سے زیادہ حکمرانی بنیادی طور پر شفافیت کو فروغ دیتا ہے"۔

سنٹرل انفارمیشن کمیشن کانفرنس کا تھیم "ترقی یافتہ ہندوستان کے سفر میں آر ٹی آئی کا تعاون" تھا۔

کانفرنس سے خطاب کرتے ہوئے ڈاکٹر جتیندر سنگھ نے شفافیت، جوابدہی اور گڈ گورننس کو فروغ دینے میں حق اطلاعات (آر ٹی آئی) قانون کے اہم کردار پر زور دیا۔ اس تقریب نے چیف انفارمیشن کمشنر، ریاستی انفارمیشن کمشنر، سینئر سرکاری افسران اور سول سوسائٹی کے نمائندوں کو ایک جگہ جمع ہونے کاموقع فراہم کیا۔

 

آر ٹی آئی ایکٹ کی اہمیت پر روشنی ڈالتے ہوئے، ڈاکٹر جتیندر سنگھ نے کہا، "آر ٹی آئی ایکٹ نے شہریوں کو معلومات تک رسائی کے لیے ایک مضبوط طریقہ کار فراہم کرکے بااختیار بنایا ہے، اس طرح حکومت اور عوام کے درمیان خلیج کو ختم کرنے میں مدد کی ہے"۔ بدعنوانی کے خلاف جنگ اور شہری مرکوز گورننس ماڈل کو فروغ دینا۔" وزیر نے ٹیکنالوجی کے اختراعی استعمال کے لیے ، خاص طور پر کووڈ-19 وبائی امراض سے درپیش چیلنجوں کے دوران ، مرکزی اور ریاستی اطلاعاتی کمیشنوں کی تعریف کی۔ انہوں نے کہا، "سنٹرل انفارمیشن کمیشن کی طرف سے ای-اینیشیٹو کو اپنانے سے جس میں  ای فائلنگ، ای-ہیئرنگ اور ریکارڈز کی ڈیجیٹائزیشن شامل ہے، نے کارکردگی اور شفافیت کے لیے نئے معیار قائم کیے ہیں۔" مرکزی وزیر نے حکمرانی کے مختلف شعبوں میں ٹیکنالوجی کے استعمال پر بھی زور دیا۔ انہوں نے سوامتوا کے ماڈل کے بارے میں بھی بات کی، جو حکام کے ساتھ براہ راست رابطےپر انحصاری کو ختم کرنے میں مدد کرتا ہے۔ مرکزی وزیر نے طرز حکمرانی میں جدت لانے کی بھی بات کی۔

 

 

سووچھتامہم کی مثال دیتے ہوئے  ، وزیر موصوف نے نشاندہی کی کہ کس طرح کچرے کو ٹھکانے لگانے سے حکومت کو معاشی آمدنی ہوئی ہے۔

ڈاکٹر جتیندر سنگھ نے بھی فعال سرگرمیوں کے ذریعے اہداف کی تکمیل  کی تعریف کی۔ کل 1302 سرکاری حکام نے سال24-2023 کے لیے اپنی شفافیت کی آڈٹ رپورٹس جمع کرائی ہیں۔ انہوں نے شفافیت کے نظام کو وسیع کرنے میں آر ٹی آئی ایکٹ کے سیکشن 4 کی اہمیت پر زور دیا اور تمام سرکاری حکام پر زور دیا کہ وہ کارکردگی کے  اپنے فعال طریقہ کار میں اضافہ کریں۔ اس سلسلے میں مرکزی وزیر نے مقدمات کو تیزی سے نمٹانے اور اس طرح شہریوں کے اطمینان کی اہمیت پر زور دیا۔

چیف انفارمیشن کمشنرجناب  ہیرالال سماریہ اور ان کے ساتھیوں کی قیادت کی تعریف کرتے ہوئے، ڈاکٹر جتیندر سنگھ نے آر ٹی آئی کے طریقہ کار کو مضبوط بنانے کے لیے حکومت کے عزم کا اعادہ کیا۔ انہوں نے کہا، "حکمرانی میں اعتماد پیدا کرنے کے لیے شفافیت اور احتساب ضروری ہے۔ ہم قوم کے جمہوری تانے بانے کو مضبوط کرنے کے لیے آر ٹی آئی کے عمل کو زیادہ ذمہ دار اور شہریوں کے لیے دوستانہ بنانے کے لیے وقف ہیں۔" سالانہ کانفرنس اسٹیک ہولڈرز کے لیے ایک پلیٹ فارم کے طور پر کام کرتی ہے کہ وہ معلومات کے حق کے قانون کے نفاذ کو بڑھانے اور گورننس میں زیادہ سے زیادہ شمولیت اور شہریوں کی شرکت کو یقینی بنانے کے بارے میں سوچ بچار کر سکیں۔ اس کانفرنس میں مرکزی حکومت کے افسران جن میں  مرکزی چیف انفارمیشن کمشنر، سنٹرل انفارمیشن کمشنرز اور ریاستی انفارمیشن کمیشن کے انفارمیشن کمشنرز، پبلک اتھارٹیز اور فرسٹ اپیل اتھارٹی کے پبلک انفارمیشن آفیسرز، میڈیا اور سول سوسائٹی تنظیموں کے نمائندے اور دیگرشراکت دارشامل ہیں، نے شرکت کی۔

 

*************

 

 

(ش ح ۔‎ع و۔ج ا(

U. No.3777

 

(Release ID: 2083060)