جیولوجیکل سروے آف انڈیا لینڈ سلائیڈ کی پیشین گوئی اور ابتدائی انتباہ میں تعاون کے لیے دی ریسرچ انسٹی ٹیوٹ فار جیو ہائیڈرولوجیکل پروٹیکشن آف نیشنل ریسرچ کونسل (سی این آر-آئی آر پی آئی)، اٹلی کے ساتھ مفاہمت نامے پر دستخط کرے گا۔ مرکزی کابینہ نے 06.12.2024 کو منعقدہ اپنی میٹنگ میں جی ایس آئی اور سی این آر-آئی آر پی آئی کے درمیان مجوزہ مفاہمت نامے کو منظوری دی۔ اس شراکت داری کا مقصد باہمی تحقیق کے ذریعے زمین کھسکنے کی پیشین گوئی اور ابتدائی انتباہ میں علم کو بہتر بنانا اور مہارت حاصل کرنا ہے۔ ہندوستان کے لینڈ سلائیڈ ارلی وارننگ سسٹم (ایل ای ڈبلیو ایس) کو بین الاقوامی معیارات کے مطابق بنانے، لینڈ سلائیڈ سے متعلقہ نقصانات کی بہتر پیشین گوئی اور تخفیف کے قابل بنانے، اور کیرالہ میں وایناڈ لینڈ سلائیڈ جیسی صورتحال پر قابو پانے کے لیے بہت اہم ہے۔

جی ایس آئی نے جی ایس آئی کولکتہ میں ایک جدید ترین نیشنل لینڈ سلائیڈ فورکاسٹنگ (این ایل ایف سی) سہولت قائم کی ہے تاکہ ہندوستان کی تمام لینڈ سلائیڈ کی شکار ریاستوں/ یو ٹی میں علاقائی لینڈ سلائیڈ ارلی وارننگ سسٹم (ایل ای ڈبلیو ایس) کو ایک منصوبہ بند ٹائم لائن کے اندر تیار کیا جا سکے اور ہندوستان میں لینڈ سلائیڈنگ کے خطرات کو کم کیا جا سکے۔ این ایل ایف سی کا وژن لینڈ سلائیڈنگ کے خطرات کو کم کرنے اور تیاری کے لیے اسٹیک ہولڈروں اور کمیونٹی کو لینڈ سلائیڈنگ کی پیشین گوئی کے بارے میں بروقت معلومات فراہم کرنا ہے۔ فی الحال، این ایل ایف سی مغربی بنگال کے کلیمپونگ اور دارجلنگ اضلاع اور تمل ناڈو کے ضلع نیلگیری میں روزانہ کی بنیاد پر لائیو پیشین گوئی کی رپورٹنگ فراہم کر رہا ہے۔ اس کے ساتھ ہی 13 اضلاع میں بلیٹن کی زمینی جانچ جاری ہے۔

ریسرچ انسٹی ٹیوٹ فار جیو-ہائیڈروولوجیکل پروٹیکشن (سی این آر-آئی آر پی آئی)، اٹلی، علاقائی ایل ای ڈبلیو ایس ماڈل تیار کرنے میں ایک سرکردہ ادارہ ہے، جس میں مقامی اور وقتی حل شامل ہیں۔

یہ تعاون جی ایس آئی کی لینڈ سلائیڈ انوینٹری، حساسیت، اور پیشین گوئی کے نقشوں کو پی ایم گتی شکتی کے ساتھ مربوط کرنے میں مدد کرے گا، لچک میں اضافہ کرے گا اور پہاڑی علاقوں میں خطرے کو کم کرے گا۔ ایل ای ڈبلیو ایس زندگیوں کو محفوظ بنانے اور پہاڑی علاقوں میں تباہی کو روکنے، پائیدار ترقی اور ماحولیاتی تحفظ میں سہولت فراہم کرنے کے لیے ایک اہم آلے کے طور پر کام کرے گا۔ زیادہ سے زیادہ اضلاع کو شامل کر کے بہتر مقامی اور وقتی حل کے ساتھ انتہائی لینڈ سلائیڈ کے شکار علاقوں میں پیشن گوئی کے نظام کو وسعت دینے کے لیے منصوبے جاری ہیں۔

*********

ش ح۔ ف ش ع

U: 3770

(Release ID: 2082964) Visitor Counter : 19