امداد باہمی کی وزارت نے بھارتیہ بیج سہکاری سمیتی لمیٹڈ (بی بی ایس ایس ایل) کو کثیر ریاستی کوآپریٹو سوسائٹیز ایکٹ، 2002 کے تحت قائم کیا ہے ۔  بی بی ایس ایس ایل کو انڈین فارمرز فرٹیلائزر کوآپریٹو لمیٹڈ (آئی ایف ایف سی او)، کرشک بھارتی کوآپریٹو لمیٹڈ (کربھکو)، نیشنل ایگریکلچرل کوآپریٹو مارکیٹنگ فیڈریشن آف انڈیا لمیٹڈ (نیفیڈ) ، نیشنل ڈیری ڈیولپمنٹ بورڈ (این ڈی ڈی بی) اور نیشنل کوآپریٹو ڈیولپمنٹ کارپوریشن (این سی ڈی سی)کے ذریعے فروغ دیا گیا ہے ۔  بی بی ایس ایس ایل کا ابتدائی اصل سرمایہ 250 کروڑ روپے  ہے، جس میں پانچ پروموٹرز نے 50 کروڑ روپے فی کس تعاون دیا ہے، جبکہ مجاز حصص سرمایہ 500 کروڑ روپے ہے ۔

بی بی ایس ایس ایل کے قیام کا مقصد معیاری بیجوں کی پیداوار، حصولیابی اور تقسیم کو ایک ہی برانڈ کے تحت کوآپریٹو نیٹ ورک کے ذریعے بہتر بنانا ہے تاکہ فصلوں کی پیداوار میں اضافہ ہو اور دیسی قدرتی بیجوں کے تحفظ اور فروغ کے لیے ایک نظام تیار کیا جا سکے ۔  یہ سوسائٹی بھارت میں معیاری بیجوں کی پیداوار کو امداد باہمی کے اداروں کے ذریعے بڑھانے، درآمد شدہ بیجوں پر انحصار کم کرنے ، زرعی پیداوار میں اضافہ ،  دیہی معیشت کو فروغ دینے، ’’میک ان انڈیا‘‘ کو بڑھاوا دینے اور آتم نربھر بھارت کے مقصد کی جانب پیشرفت کرنے میں مدد دے گی ۔

یہ سوسائٹی بیجوں کی پیداوار ،  جانچ ، تصدیق، حصولیابی، پروسیسنگ، ذخیرہ، برانڈنگ، لیبلنگ اور پیکیجنگ پر توجہ دے گی ، جس میں دونوں اقسام کے بیج، یعنی فاؤنڈیشن اور سرٹیفائیڈ بیج شامل ہوں گے ۔  اس کے لیے پیکز (پی اے سی ایس) کے ذریعے مختلف وزارتوں کی اسکیموں اور پالیسیوں کا فائدہ اٹھایا جائے گا ۔  اس اقدام سے ’’سہکار سے سمردھی‘‘ کے مقصد کو حاصل کیا جا سکے گا، جہاں اراکین کو معیاری بیجوں کی پیداوار سے بہتر قیمت حاصل ہوگی، اعلیٰ پیداوار والے بیجوں کے استعمال سے فصلوں کی پیداوار میں اضافہ ہوگا اور سوسائٹی کے ذریعے پیدا ہونے والے منافع سے ڈیویڈنڈ حاصل ہوگا ۔

اب تک بی بی ایس ایس ایل کی جانب سے 14,816 کوآپریٹوز کو رکنیت دی گئی ہے، جن میں 190 کوآپریٹوز اوڈیشہ سے ہیں ۔

بی بی ایس ایس ایل کی سرگرمیاں:

1.       دیہی معیشت کو مضبوط کرنے اور ملک میں بیجوں کی پیداوار میں خود کفالت کو فروغ دینے کے لیے کوآپریٹو سوسائٹیز اور ایف پی اوز (ایف پی اوز) کے نیٹ ورک کے ذریعے بیجوں کی پیداوار کے بنیادی ڈھانچے کو مضبوط بنانا ۔

2.       روایتی بیجوں کے تحفظ اور فروغ کے لیے تحقیق اور نئے بہتر اقسام کی تیاری کا نظام قائم کرنا ۔

3.       چھوٹے اور معمولی کسانوں کو معیاری بیجوں کی کاشت میں شامل ہونے کی حوصلہ افزائی کرنا اور اس کے فوائد فراہم کرنا ۔

منافع کی تقسیم:

بی بی ایس ایس ایل کے قوانین (شق 54 اور 55) کے تحت اراکین کو 20 فیصد تک ڈیویڈنڈ تقسیم کرنے کا انتظام کیا گیا ہے ۔  منافع کی تقسیم کے لیے درج ذیل طریقہ کار اپنایا جائے گا:

•        ابتدائی قیمت مارکیٹ کے رجحان کے مطابق مقرر کی جائے گی ۔

•        فروخت کے بعد خالص منافع (اخراجات نکالنے کے بعد) کا حساب لگایا جائے گا ۔

•        خالص منافع کا 50 فیصد  تک حصہ اراکین کو دیا جائے گا، جو آگے کسانوں کو منتقل کیا جا سکتا ہے ۔

•        باقی منافع سوسائٹی میں برقرار رکھا جائے گا ۔

یہ جانکاری امداد باہمی کے مرکزی وزیر، جناب امت شاہ نے لوک سبھا میں تحریری جواب میں فراہم کی ۔

****

 

ش ح   ۔    م ع    ۔    م ت                                     

U - 3760

(Release ID: 2082908) Visitor Counter : 15