انڈین سوسائٹی آف ایرو اسپیس میڈیسن انسٹی ٹیوٹ (آئی ایس اے ایم) کی 63ویں سالانہ کانفرنس انسٹی ٹیوٹ آف ایرو اسپیس میڈیسن (آئی اے ایم)، اولڈ ایئرپورٹ روڈ، بنگلورو میں 05 سے 07 دسمبر 2024 تک منعقد ہوئی۔ اس تقریب کا افتتاح ایئر مارشل ایس پی دھرکر، وائس چیف آف دی ایئر اسٹاف (وی سی اے ایس) نے 05 دسمبر 2024 کو بنگلورو اور ملک کے دیگر حصوں سے آئے ہوئے فوجی اور معزز شہریوں کی موجودگی میں کیا۔ کانفرنس کا تھیم ”تحقیق کے لیے تعاون کریں“ متعلقہ شراکت داروں کی اجتماعی کوششوں سے نئے افق کو تلاش کرنے کے ایرو اسپیس میڈیسن سوسائٹی کے عزم کی تصویر کشی کرتا ہے۔

وی سی اے ایس نے اپنے افتتاحی خطاب میں دفاعی افواج میں ’آتم نربھرتا‘ کے حصول میں تعاون کی اہمیت پر زور دیا۔ انہوں نے ایرو اسپیس میڈیسن میں نوجوان تعلیمی کامیابی حاصل کرنے والوں کو بھی مبارک باد دی۔ ایئر مارشل راجیش ویدیہ، ڈائریکٹر جنرل میڈیکل سروسز (ایئر) نے صدارتی خطبہ دیا جس میں ہندوستانی فضائیہ کی طبی خدمات کی مختلف مشترکہ کامیابیوں پر روشنی ڈالی گئی۔

پہلے ہندوستانی فضائیہ کے سربراہ کے اعزاز میں قائم کیا گیا ایئر مارشل سبروتو مکھرجی میموریل اوریشن، ڈاکٹر وی آر للیتامبیکا، پروفیسر آف پریکٹس، شعبہ ایرو اسپیس انجینئرنگ، آئی آئی ٹی مدراس اور ممتاز سائنسدان، سابق ڈائریکٹر ڈی ایچ ایس پی اسرو نے دیا۔ ان کی تقریر ڈاکٹر راجہ رمنا، ڈاکٹر اے پی جے عبدالکلام، جناب مادھاون نائر، ڈاکٹر نریش تریہن، ڈبلیو جی سی ڈی آر راکیش شرما (ریٹائرڈ) اور جناب سید کرمانی جیسی کئی نامور شخصیات کے نقش قدم پر تھی جنھوں نے اس سے پہلے کے ایڈیشنوں میں یہ با وقار تقریر کرنے کا شرف حاصل کیا تھا۔

ایوی ایشن میڈیسن کے شعبے میں ایک نامور شخصیت اور 'فادر آف ایوی ایشن میڈیسن' کے نام سے مشہور ایئر وائس مارشل ایم ایم سری ناگیش کے اعزاز میں قائم کیا گیا ایئر وائس مارشل ایم ایم سرینگیش میموریل اوریشن کمانڈر کارتک کلیان رام نے پیش کیا۔

دیگر قابل ذکر پروگراموں میں ’جیمی ہرمس جی فریم جی مانک شا پینل‘ پینل شامل تھا جس میں ڈاکٹر ایس ایل ویا، شانموگھا آرٹس، سائنس، ٹیکنالوجی اینڈ ریسرچ اکیڈمی  کے پروجیکٹ ہیڈ، راشٹریہ رکھشا یونیورسٹی، اور ڈاکٹر ہنومنت رے بلورگی، ڈائرکٹر، ڈائریکٹوریٹ آف ہیومن اسپیس پروگرام، اسرو کے مہمان لیکچر شامل ہیں۔ ایوی ایشن میڈیسن، اسپیس فزیالوجی اور میڈیسن، اور ہائی ایلٹیٹیوڈ فزیالوجی جیسے مختلف موضوعات پر سائنسی بحث کانفرنس کا حصہ بنی، جس میں آپریشنل ایرو اسپیس میڈیسن کے بارے میں قیمتی بصیرتیں پیش کی گئیں۔ کانفرنس نے ایرو اسپیس میڈیسن کے کثیر جہتی نظم و ضبط کا جشن منایا اور ہندوستان میں ایرو اسپیس ادویات کے اقدامات کو آگے بڑھانے میں آئی اے ایم کی اختراعی کوششوں کی نمائش کی گئی۔

****

ش ح۔ ف ش ع

U: 3618

(Release ID: 2081952) Visitor Counter : 23