தொற்றுநோய்த் தடுப்பிற்கான தயார்நிலை மற்றும் விலங்குகள் சுகாதார பாதுகாப்பு குறித்த தொற்றுநோய் நிதித் திட்டத்தின் மூலம்  இந்தியாவில் உள்ள விலங்குகளின் சுகாதார பாதுகாப்பை வலுப்படுத்துவதற்கான விவரங்கள் பின்வருமாறு

1. இந்தியாவில் தொற்றுநோய்த் தடுப்பிற்கான தயார்நிலை மற்றும்  விலங்குகளின் சுகாதார பாதுகாப்பை வலுப்படுத்துதல் என்ற ஜி-20 தொற்றுநோய் நிதித் திட்டம் பின்வரும் முக்கிய அம்சங்களுடன் தொடங்கப்பட்டுள்ளது

1.    நோய் கண்காணிப்பு மற்றும் முன்னெச்சரிக்கை அமைப்பை வலுப்படுத்துதல் மற்றும் ஒருங்கிணைத்தல்.

2.    எல்லை கடந்த விலங்கு நோய்களுக்கான சுகாதாரப் பாதுகாப்பை வலுப்படுத்துதல்

3.    ஆய்வக வலைப்பின்னலை மேம்படுத்துதல் மற்றும் விரிவுபடுத்துதல்.

2. தேசிய கால்நடை நோய் கட்டுப்பாட்டுத் திட்டத்தின் கீழ் மாநிலங்கள்  யூனியன் பிரதேசங்களுக்கு கோமாரி நோய், புருசெல்லோசிஸ், பிபிஆர் மற்றும் சிஎஸ்எஃப்,  செரோசர்வைலன்ஸ் மற்றும் செரோமானிட்டரிங் உள்ளிட்ட நோய்களுக்கு எதிரான தடுப்பூசிக்கு ஆதரவளிக்கிறது. இதுவரை 99.17 கோடி, 4.36 கோடி, 18.40 கோடி, 0.61 கோடி தடுப்பூசி டோஸ்கள் முறையே எஃப்எம்டி, புருசெல்லோசிஸ், பிபிஆர் மற்றும் சிஎஸ்எஃப் ஆகிய நோய்களுக்கு எதிராக வழங்கப்பட்டுள்ளன.

 கால்நடை நோய்களைக் கட்டுப்படுத்த மாநிலங்கள்  யூனியன் பிரதேசங்களுக்கு உதவி (அஸ்காட்) வழங்கும் திட்டத்தின் கீழ், அந்தந்த மாநிலங்கள்  யூனியன் பிரதேசங்களால் முன்னுரிமை அளிக்கப்பட்ட முக்கியமான அயல்நாட்டு, அவசரகால மற்றும் விலங்குவழி பரவும் விலங்கு நோய்களைக் கட்டுப்படுத்த மாநிலங்கள்  யூனியன் பிரதேசங்களுக்கு ஆதரவளிக்கிறது. இதுவரை மொத்தம் 26.25 கோடி கால்நடைகளுக்கு எல்எஸ்டி தடுப்பூசி போடப்பட்டுள்ளது  மறு தடுப்பூசி போடப்பட்டுள்ளது. கால்நடை மருத்துவமனைகள் மற்றும் மருந்தகங்களை நிறுவுதல் மற்றும் வலுப்படுத்துதல் (ESVHD-MVU) பிரிவின் கீழ், மாநிலங்கள்  யூனியன் பிரதேசங்களுக்கு நிதி உதவி வழங்கப்பட்டுள்ளது மற்றும் 4016 நடமாடும் கால்நடைப் பிரிவுகள் செயல்பாட்டில் உள்ளன, நோய் கண்டறிதல், சிகிச்சை, தடுப்பூசி, சிறிய அறுவை சிகிச்சை தலையீடுகள், ஒலி-ஒளி உதவிகள் மற்றும் விரிவாக்க சேவைகள் தொடர்பாக கால்நடை சுகாதார சேவைகளை விவசாயிகளின் இருப்பிடங்களிலேயே வழங்க உதவுகின்றன.

தொற்றுநோய்களின் அபாயத்தைக் குறைப்பதற்கான கால்நடை சிகிச்சை வழிகாட்டுதல்கள் மற்றும் இடர்பாட்டு மேலாண்மை திட்டத்தின் பங்கு பற்றிய விவரங்கள் பின்வருமாறு

1.    'கால்நடைகள் மற்றும் கோழிப்பண்ணைகளுக்கான நிலையான கால்நடை சிகிச்சை வழிகாட்டுதல்கள் (SVTGs)' பயனுள்ள, சிக்கனமான மற்றும் நிலையான கால்நடை சிகிச்சைக்கான நிலையான வழிகாட்டுதல்களுடன் நுண்ணுயிர் எதிர்ப்பிகளின் பொறுப்பான பயன்பாட்டுடன் கால்நடை ஆரோக்கியத்தையும் உற்பத்தித்திறனையும் அதிகரிக்க கால்நடை பராமரிப்பில் சிறந்த நடைமுறைகளை கோடிட்டுக் காட்டுகிறது. எஸ்.வி.டி.ஜி கள் ஆதாரம் சார்ந்த சிகிச்சைகள் மூலம் நாடு முழுவதும் கால்நடை நடைமுறைகளை தரப்படுத்துவதை நோக்கமாகக் கொண்டுள்ளன.

2.    கால்நடை நோய்களுக்கான இடர்பாட்டு மேலாண்மைத் திட்டம் (CMP) விலங்கு நோய்களை நிர்வகிப்பதற்கு கட்டமைக்கப்பட்ட அணுகுமுறையை வழங்குகிறது, விலங்கு சுகாதார நெருக்கடிகளை விரைவாகக் கட்டுப்படுத்துதல், தணித்தல், கையாளுதல், தடுப்பு மற்றும் கட்டுப்பாட்டு நடவடிக்கைகள் மூலம் தொற்றுநோய் அபாயங்களைக் குறைத்தல் ஆகியவற்றை உறுதி செய்கிறது.

ஆய்வக வலைப்பின்னலை மேம்படுத்துதல் மற்றும் விரிவுபடுத்துதல், ஒன்றோடொன்று இயங்கக்கூடிய தரவு அமைப்புகளை மேம்படுத்துதல், தரவு பகுப்பாய்வு மற்றும் இடர்பாடு தகவல் தொடர்புக்கான திறனை வளர்த்தல், கால்நடை சுகாதார பாதுகாப்பு மற்றும் கால்நடை சுகாதாரம் மற்றும் நோய் கட்டுப்பாட்டு திட்டம் (LHDCP) குறித்த தொற்றுநோய் நிதித் திட்டத்தின் கீழ் எடுக்கப்பட்ட நடவடிக்கைகள் பற்றிய விவரங்கள் பின்வருமாறு

1.    ஆய்வக தகவல் மேலாண்மை அமைப்பு (LIMS) மற்றும் ஆய்வக தர மேலாண்மை அமைப்பு (LQMS) ஆகியவற்றை வலுப்படுத்துவது உட்பட தற்போதுள்ள கால்நடை சுகாதார ஆய்வகங்களை மேலும் வலுப்படுத்தவும் மேம்படுத்தவும் மத்திய மற்றும் மண்டல நோய் கண்டறியும் ஆய்வகங்களின் மதிப்பீடு செய்யப்பட்டுள்ளது.

2.    கால்நடை நோய்களைக் கட்டுப்படுத்த மாநிலங்களுக்கு உதவி (அஸ்காட்) வழங்கும் திட்டத்தின் கீழ் மாநில உயிரியல் உற்பத்தி அலகுகள் மற்றும் நோய் கண்டறியும் ஆய்வகங்களின் திறன் மேம்பாடு, கால்நடை நோய்களைக் கண்காணித்தல், ஆராய்ச்சி, புதுமை மற்றும் தொடர்ச்சியான கால்நடை கல்வியுடன் பயிற்சி ஆகியவற்றில் மாநிலங்கள்  யூனியன் பிரதேசங்களுக்கு இத்துறை ஆதரவளித்து வருகிறது.

3.    நோய் கண்காணிப்பு மற்றும் ஆரம்ப எச்சரிக்கை அமைப்பை வலுப்படுத்துதல் மற்றும் ஒருங்கிணைத்தல், எல்லை கடந்த விலங்கு நோய்களுக்கான சுகாதார பாதுகாப்பை வலுப்படுத்துதல் மற்றும் ஆய்வக வலையமைப்பை மேம்படுத்துதல் மற்றும் விரிவுபடுத்துதல் போன்ற முக்கிய நடவடிக்கைகளுடன் தொற்றுநோய் தயார்நிலைக்கான   இந்தியாவில் விலங்குகளின் சுகாதார பாதுகாப்பை வலுப்படுத்துதல் என்ற தொற்றுநோய் நிதி திட்டத்தை துறை தொடங்கியது.

மக்களவையில் இன்று கேள்வி ஒன்றுக்கு எழுத்து மூலம் அளித்த பதிலில் மீன்வளம், கால்நடை பராமரிப்பு மற்றும் பால்வளத்துறை அமைச்சர் திரு ராஜீவ் ரஞ்சன் சிங் என்கிற லாலன் சிங் இந்தத் தகவலைத் தெரிவித்தார்.

மேலும் விவரங்களுக்கு இந்த செய்திக்குறிப்பை ஆங்கிலத்தில் இங்கே காணவும் https://pib.gov.inPressReleasePage.aspxPRID=2080079

----

TS/IR/KPG/DL

(Release ID: 2080358) Visitor Counter : 16