محکمہ اسکولی تعلیم اور خواندگی، وزارت تعلیم، حکومت ہند نے نمونہ پر مبنی نیشنل اچیومنٹ سروے (این اے ایس) کے ایک رولنگ پروگرام کو نافذ کیا ہے، جس کا مقصد کلاس III، V، VIII اور X کو تین سال کی مدت کے ساتھ رکھا گیا ہے۔ آخری نیشنل اچیومنٹ سروے (این اے ایس) 12 نومبر 2021 کو ہوا تھا۔

قومی تعلیمی پالیسی (این ای پی) 2020 کی سفارشات کی پیروی میں، قومی اسیسمنٹ مرکز، پرکھ (کارکردگی کا جائزہ اور جامع ترقی کے لئے جائزہ اور علم کا تجزیہ) کو وزارت تعلیم نے نیشنل کونسل آف ایجوکیشنل ریسرچ اینڈ ٹریننگ (این سی ای آر ٹی) کے تحت قائم کیا ہے اور اس کے بعد این اے ایس کے اگلے دور کو انجام دینے کی ذمہ داری سونپی ہے، جسے پرکھ راشٹریہ سرویکشن 2024 کے نام سے جانا جاتا ہے۔ یہ سروے 4 دسمبر 2024 کو پورے ملک میں منعقد کیا جائے گا اور یہ فاؤنڈیشنل، پری پیریٹوری اور درمیانی مراحل (یعنی وہ طلباء جو ابھی تیسری، چھٹے اور نویں گریڈ میں ہیں) کے اختتام پر طلباء کے ذریعے حاصل کردہ قابلیت کا اندازہ لگانے میں مدد کرے گا اور اس سے تدارکی اقدامات میں بھی مدد ملے گی۔ آلات کی ترقی، جانچ، جانچ کی اشیاء کو حتمی شکل دینے اور سروے کے آلات کو پرکھ، این سی ای آر ٹی نے تیار کیا ہے۔ تاہم، جن اسکولوں سے نمونے لیے گئے ہیں ان میں ٹیسٹ کا انتظام متعلقہ ریاستوں/مرکز کے زیر انتظام علاقوں کے ساتھ مل کر سی بی ایس ای کرے گا۔

پرکھ، راشٹریہ سرویکشن، این ای پی  2020 کے مطابق فاؤنڈیشنل، پری پیریٹوری اور درمیانی مراحل کے اختتام پر متعلقہ مرحلے کی مخصوص صلاحیتوں کے حصول کو سمجھنے کے لیے ایک بنیادی مطالعہ ہے۔ یہ اسکولوں کے پورے اسپیکٹرم یعنی سرکاری اسکولوں (مرکزی حکومت اور ریاستی حکومت) ، ملک بھر میں سرکاری امداد یافتہ اسکول اور پرائیویٹ اسکولوں کا احاطہ کرے گا ۔ امید ہے کہ 36 ریاستوں اور مرکز کے زیر انتظام علاقوں کے 782 اضلاع میں پھیلے ہوئے تقریباً 88 ہزار اسکولوں کے تقریباً 23 لاکھ طلباء کو پرکھ راشٹریہ سرویکشن 2024 میں شامل کیا جائے گا۔ گریڈ 3، 6 اور 9 کے طلباء کا مضامین، زبان،  ریاضی، آس پاس کی دنیا، سائنس اور سوشل سائنس میں جائزہ لیا جائے گا۔ یہ ٹیسٹ 23 میڈیم میں لیا جائے گا جس میں آسامی، بنگالی، گجراتی، ہندی، کنڑ، کونکنی، ملیالم، منی پوری، مراٹھی، نیپالی، اڑیہ، پنجابی، سنسکرت، سنتھالی، سندھی، تمل، تیلگو، اردو، بوڈو، انگریزی،  میزو، گارو اور کھاسی شامل ہیں۔

سروے کے ہموار اور منصفانہ انعقاد کے لیے 36 ریاستوں اور مرکز کے زیر انتظام علاقوں سے  94878 فیلڈ انویسٹی گیٹرز، 75,565 مبصرین، 3128 ضلعی سطح کے افسران اور 180 ریاستی نوڈل افسران کو مقرر کیا گیا ہے۔ اس کے علاوہ، مجموعی کام کاج کی نگرانی اور سروے کے منصفانہ انعقاد کو یقینی بنانے کے لیے اضلاع میں 38 قومی سطح کے مبصرین کے ساتھ 782 بورڈ کے نمائندے مقرر کیے گئے ہیں۔ تمام اہلکاروں کو ان کے کردار اور ذمہ داریوں کے حوالے سے وسیع تربیت فراہم کی گئی ہے۔

پرکھ راشٹریہ 2024 کے انعقاد کے لیے ایک قومی اسٹیئرنگ کمیٹی تشکیل دی گئی ہے جس کی سربراہی سکریٹری، محکمہ اسکولی تعلیم اور خواندگی، وزارت تعلیم کے ذریعے کی جائے گی۔ ایک پورٹل https://ncert.nic.in/parakh/rashtriyasarvekshan.php شروع کیا گیا ہے تاکہ پرکھ راشٹریہ 2024 کے ہموار انعقاد کے لیے مختلف کلیدی عہدیداروں کے ساتھ رابطہ قائم کیا جاسکے۔ سروے کے تحت شامل تمام مراحل کے لیے قومی، ریاستی اور ضلعی رپورٹ کارڈز جاری کئے جائیں گے اور انھیں عوامی ڈومین میں رکھا جائے گا۔

 

******

ش  ح۔ م م ۔ م ر

U-NO. 3366

(Release ID: 2080324) Visitor Counter : 20