بندرگاہوں، جہاز رانی اور آبی گزرگاہوں کے مرکزی وزیر جناب سربانند سونووال نے آج راجیہ سبھا میں تحریری جواب دیتے ہوئے کہا کہ مرکزی حکومت، گوا کی ریاستی حکومت کے ساتھ مل کر، گوا کو کارگو اور کروز  کے ایک بڑے مرکز کے طور پر فروغ  دے رہی ہے۔ ساگرمالا اسکیم کے تحت، گوا میں فیری ٹرمینل کے ساتھ ایک بین الاقوامی اور گھریلو کروز ٹرمینل تیار کیا گیا ہے۔

مرکزی حکومت نے ایک بین الاقوامی اور گھریلو کروز ٹرمینل تیار کیا ہے، جس کے ساتھ ساتھ مرموگاؤ بندرگاہ، گوا میں ایک فیری ٹرمینل بھی تیار کیا گیا ہے، جس کی تخمینہ لاگت 101.72 کروڑ روپے ہے۔ پروجیکٹ مارچ 2025 تک مکمل ہونے والا ہے۔ بندرگاہوں، جہاز رانی اور آبی گزرگاہوں کی وزارت کارگو کے حجم کو بڑھانے، ٹریفک کو کم کرنے اور اندرون ملک نقل و حمل کو بہتر بنانے کے لیے گوا میں 09 ساحلی جیٹی کے لئے  ڈی پی آر بھی تیار کر رہی ہے۔ کارگو کو بڑھانے کی کوششوں میں نئے ٹرمینلز کی تعمیر، موجودہ ٹرمینلز کی توسیع، کنیکٹیویٹی کو بڑھانا، آلات کو اپ گریڈ کرنا اور سبسڈی اور کم چارجز کے ذریعے ساحلی جہاز رانی کو فروغ دینا شامل ہے۔ کروز سرگرمیوں کو مزید فروغ دینے کے لیے، مرکزی حکومت نے 2024 میں کروز بھارت مشن کا آغاز کیا۔

اس طرح کی ترقی کے متوقع اقتصادی اثرات جیسے نقل و حمل، ہاسپٹلیٹی، خوردہ اور سیاحت میں ملازمتیں پیدا کرنا، مقامی کاروباری آمدنی میں اضافہ کرنا ہے۔ یہ اندرون ملک آبی گزرگاہوں کی بہتر خدمات کے ذریعے مقامی رابطے کو بھی بہتر بناتا ہے، بشمول فیری اور رو-رو (رول آن/رول آف) خدمات، جو مربوط کروز سرکٹس کے ذریعے فعال ہیں۔

***

ش ح ۔ک ا ۔ ف ر