দিসেম্বর ১, ১৯৮৮ দগী হৌদুনা চহি খুদিংগী পাঙথোক্লিবা ৱর্ল্দ এইদ্স দে, HIV (হ্যুমেন ইম্ম্যুনোদিফিসিএন্সী ভাইরস) /AIDS (এক্বাইয়র্দ ইম্ম্যুন দিফিসিএন্সী সীন্দ্রোম) গী মরমদা মীয়ামদা পাক শন্না খঙহন্নবা অমদি লাইচৎ অসিগী মায়োক্তা পুন্না লেপমিন্নরি হায়বা উৎননবা মীয়াম্বু পুনশিন্নবা মালেমগী ওইবা ফম্পাক অমা ওইনা লৈরি‍। মসি লৈঙাক, লূপশিং, অমদী মীয়াম্না হৌজিক থেংনরিবা শিংনবশিং পুথোকপগা লোয়ননা ঙাকথোকপা, লায়েংবা অমদি শেন্নবিবগী লমদা লৈরিবা খোঙজেলগী ফীভম উত্থোক্নবা তাঞ্জা অমনি‍। খ্বায়দগী মরুওইবা মালেমগী হকশেলগী থৌরম পাঙথোক্লিবশিংগী মনুংদা অমা ওইরিবা নুমিৎ অসিনা মীয়ামদা পাক শন্না খঙহন্বখক্তা নত্তনা AIDS না মরম ওইরগা লৈখিদ্রবা মীওইশিংবু নীংশিংলি অমদি হেল্থকেয়র সর্ভিসশিংদা এক্সেস পাকথোক চাউথোকহন্বনচিংবা মাইলস্তোনশিং সেলেব্রেত তৌরি‍। HIV অসি মরুওইবা মীয়ামগী হকশেলগী ৱাফম অমনি হায়বসি ৱাখল তামিন্নদুনা, ৱর্ল্দ AIDS দেনা AIDS থেংনবা অমদি য়ুনিভর্সেল হেল্থ কভরেজ অমদি রাইত তু হেল্থ ফংবা অনিগী মরক্তা লৈরিবা থাদোক্নবা য়াদ্রবা মরীবুসু ফোঙদোক্লি‍।

২০২৪ থীম: “তেক দি রাইতস পাথ: মাই হেল্থ, মাই রাইত”
ৱর্ল্দ AIDS দে ২০২৪ গী থীম, “তেক দি রাইতস পাথ: মাই হেল্থ, মাই রাইত!” অসিনা হেল্থকেয়র এক্সেস অমদি লনাই মীওইশিংনা মখোয় মশা মশাগী হকশেলগী ফীভম শেন্নজনবা মপাঙ্গল হাপ্পিবগী মরুওইবা ৱাফমশিং ফোঙদোক্লি‍। মসিনা খুদোংথিবা নংবা য়াবা মীওই কাঙলুপশিংদা মথৌ তাবা HIV ঙাকথোক্নবা অমদি লায়েংনবা সর্ভিসশিং ফংহনদ্রিবা মরা তাখ্রবা থোং মান্নদবা ফীভমশিংগী পাম্বৈ পুরকপগী মরুওইবা ৱাফমশিং ফোঙদোক্লি‍। চহি অসিগী থীম্না, মীপুম খুদিংমক, মখোয়গী বেকগ্রাউন্দ নৎত্রগা লৈরিবা ফীভমগী খেন্নবা লৈতনা, রাইত তু হেল্থ ফংবা ঙমহনবদা হ্যুমেন রাইতসকী থৌদাং তাক্লি‍। রাইতস-বেজ এপ্রোচ অসিদা মীৎয়েঙ থমদুনা, ২০২৪ কেম্পেন অসিনা ইনক্লিজিবিতী পুরক্নবা, স্তিগমা হন্থহন্নবা, অমদি AIDS পু মীয়ামগী হকশেলগী থ্রেত অমা ওইবদগী মুত্থৎনবা মালেমগী ওইনা তেংবানবগী থৌওং পুক্নিং থৌগৎনবা পান্দম থম্লি‍।

HIV/AIDS কী হৌজিক ওইরিবা ফীভম: মালেমগী অমদি লৈবাক্কী মীৎয়েঙ অমা

জোইন্ত য়ুনাইতেদ নেসন্স প্রোগ্রাম ওন HIV/AIDS (UNAIDS) না ফোঙখিবা গ্লোবেল AIDS অপদেত ২০২৩ গী মতুং ইন্না, HIV/AIDS থেংনবদা মালেমগী ওইনা মশক থোক্না খুমাঙ চাওশিল্লে হায়রি‍। অচৌবা লিগেল ফ্রেমৱর্ক অমদি শেল থাদবা হেনগৎহন্বনে AIDS পু মীয়ামগী হকশেলগী থ্রেত ওইবদগী ২০৩০ ফাওবগী মনুংদা মুত্থৎনবা পান্দমগী মায়কৈদা খুমাঙ চাওশিলহনবদা মতেঙ পাংলিবা ভারত কুম্বা লৈবাকশিংদা অনৌবা HIV ইনফেক্সনগী চাং হন্থরক্লে‍। মরুওইনা ভারতপু খুদোংথিনিংঙাই ওইরবা মীওই কাঙলুপশিংগী হক ঙাক্না থম্নবা লোশিং মপাঙ্গল কনখৎহনবগীদমক শকখঙলি‍।

লৈবাক্কী ওইনা য়েংবদা, ইন্দিয়া HIV এস্তিমেসন্স ২০২৩ রিপোর্তনা ভারত্তা মীওই মিলিয়ন ২.৫ গী মথক্তা HIV গা শাগোন্নদুনা হিংলি হায়রি‍। মসি ওইরগসু, লৈবাক অসিনা, এদল্ত HIV প্রিভেলেন্স ০.২% দা রেকোর্দ তৌদুনা অমদি চহিগী অনৌবা HIV ইন্ফেক্সন চাউরাক্না ৬৬,৪০০ ওইদুনা, ২০১০ দগী য়েংবদা ৪৪% হন্থরকপগী ফীভমদা লাক্তুনা শিংথানিংঙাই ওইবা খোঙজেল উৎলি‍। ভারতনা মালেমগী হন্থহনবগী চাং ৩৯% দগী হেন্না খুমাঙ চাওশিন্দুনা লেপ্পা লৈতনা ইন্তরভেন্সন তৌবগী মায় পাকপা উৎলি‍। ART (এন্তিরেত্রোভাইরেল থেরাপী) সেন্তর ৭২৫কী খুত্থাঙদা HIV গা শাগোন্নদুনা হিংলিবা মীওই (PLHIV) লাখ ১৬.০৬ হেন্বদা পুন্সি চুপ্পগী হায়-ক্বালিতী লায়েং লেম্না ফংহল্লিবা (জুন ২০২৩ ফাওবদা), অমদি ভাইরেল লোদ তেস্ত লাখ ১২.৩০ তৌরিবা অসিনা লায়না অসিনা শোকহল্লবা মীওইশিং লায়েংবদা ভারতনা লেপ্লিবা খোঙফম উৎলি‍।

HIV/AIDS লাইচত্তা ভারতকী রেসপোন্স: মপুং ওইবা এপ্রোচ অমা

ভারতনা HIV/AIDS লাইচৎকী মায়োক্তা লান্থেংনরিবা অসি ১৯৮৫ দা তোঙান তোঙানবা মীওই কাঙলুপশিং অমদি মফমশিংদা ভাইরস অসি লৈবরা হায়বা খঙদোক্নবা সেরো-সর্ভিলেন্সকা লোয়ননা হৌদোকখি‍। হৌরকপগী ফেজ অসিনা (১৯৮৫-১৯৯১) HIV কেস খঙদোকপা, ত্রান্সফ্যুজনগী মাঙওইননা কাপকদৌরিবা ঈ অদু অফবরা খঙদোকপা, অমদি তার্গেতেদ এৱ্যারনেস পাঙথোকপদা মীৎয়েঙ থমখি‍। ১৯৯২ দা নেস্নেল AIDS এন্দ STD কন্ত্রোল প্রোগ্রাম (NACP) হৌদোকপগা লোয়ননা রেসপোন্স অসি খোঙজেল লৈরকখি‍। মসিনা লৈবাকসিদা HIV/AIDS লাকশিন্নবা মওং মরিল নাইবা অমদি মপুং ওইবা এপ্রোচ অমগী খোঙহৌ ওইখি‍। চহি ৩৫ হেন্বসিদা, NACP না মালেমগী খ্বায়দগী চাউবা HIV/AIDS কন্ত্রোলল প্রোগ্রামশিংগী মরক্তা অমা ওইরে‍।

NACP ফেজশিংগী ওল্লক্লিবা শক্তম

NACP কী অহান্বা ফেজনা (1992-1999) এৱ্যারনেস লৈহন্বা অমদি ব্লদ সেফ্তীদা মরুওইবা মীৎয়েঙ থমখি‍। অনিশুবা ফেজ হৌদোকপগা লোয়ননা (১৯৯৯-২০০৭), ঙাকথোকপা, খঙদোকপা, অমদি লায়েংবদা হকথেংননা ইন্তরভেন্সন পীবা হৌদোকখি‍। স্তেতশিংসু মতিং লৈবা প্রোগ্রাম মেনেজমেন্তকী কেপাসিতী লৈহনখি‍। অহুমশুবা ফেজ (২০০৭-২০১২) তা দিসেন্ত্রেলাইজ প্রোগ্রাম মেনেজমেন্তনা দিস্ত্রিক্তকী থাক্তা য়ৌশিন্দুনা থবক থৌরমশিংদা চাউনা পাকথোক চাউথোকপা উবা ফংখি‍। মরিশুবা ফেজনা (২০১২-২০১৭) লৈঙাক্না শেল থাদবা হেনগৎহন্দুনা হান্নদগী পায়খৎলিবা থৌরাংশিং খোমজিন তাশিন্দুনা প্রোগ্রাম অসি মখা চত্থহনখি‍।

এক্সতেন্দেদ NACP ফেজ-৪ (২০১৭-২০২১) না HIV-পোজিতিব ওইরবা মীওইশিংদা চপ মান্নবা হক ফংহল্লিবা অমদি মখোয়দা তাথি তাওইনা তৌবিবা থিংলিববা HIV এন্দ AIDS (প্রিভেন্সন এন্দ কন্ত্রোল) এক্ত, ২০১৭, পাস তৌবা য়াওনা মশক নাইবা থৌশিল কয়া পুরকখি‍। সেপ্তেম্বর ২০১৮ দগী চৎনবা হৌখিবা এক্ত অসিনা HIV গা শাগোন্নদুনা হিংলিবা মীওইশিংগী (PLHIV) হক ঙাক্তুনা থম্নবা ভারতকী লিগেল ফ্রেমৱর্ক মপাঙ্গল কনখৎহনখি‍।

ফেজ অসিগী মনুংদা, লৈঙাক্না ২০১৭ দা ‘তেস্ত এন্দ ত্রীত’ পোলিসী হৌদোক্তুনা, HIV নারে হায়না দাইগ্নোস তৌরবা মীওই খুদিংমক্না মখোয়গী ক্লিনিকেল স্তেজকী খেন্নবা লৈতনা এন্তিরেত্রোভাইরেল থেরাপী (ART) লেম্না ফংহল্লি‍। লায়েং মখা চত্থখিদ্রবা PLHIV শিংগা অমুক হন্না রি-এঙ্গেজ তৌনবা ‘মিসন সম্পর্কMission’ থৌশিল ২০১৭দা পায়খৎখি‍। ২০২০-২১ মনুংদা COVID-19 লাইচৎ হৌরকপনা প্রোগ্রাম অসিদা চাউনা অপন্বা পীখি‍। অদুম ওইনমক, NACP না প্রোগ্রাম রিভিউ, কোওর্দিনেসন, অমদি কেপাসিতী-বিল্দিং থৌরাংশিং হেনগৎহন্নবা ইনফোর্মেসন তেক্নোলোজী শীজিন্নখি‍। মল্তি-মন্থ দ্রগ দিস্পেন্সেসন অমদি কম্ম্যুনিতী-বেজ ART রিফিলনচিংবা ইনোভেসনশিংনা লাইচৎ মনুংদসু লায়েংবগী সর্ভিস মখা চত্থহনখি‍‍।

NACP ফেজ-৫: AIDS মুত্থৎনবা নৌনা মীৎয়েঙ চঙবা

লুপা করোর ১৫,৪৭১.৯৪ গী শেনফমগা লোয়ননা ২০২১-২৬ কী সেন্ত্রেল সেক্তর স্কীম অমা ওইনা হৌদোকখিবা NACP ফেজ-৫ না মমাঙগী মায় পাকপা অমদি লেপ্তনা লৈরিবা শিংনবশিংদা মীৎয়েঙ চঙনবা পান্দম থম্লি‍। NACP ফেজ-৫ অসিনা চহিগী অনৌবা HIV ইনফেক্সন অমদি AIDS কা মরী লৈননা মী শিবগী চাং ২০১০ গী বেজলাইন ভেল্যুদগী ২০২৫-২৬ ফাওবদা ৮০% হন্থহন্নবা পান্দম থম্লি‍। মসিগী মথক্তা, NACP ফেজ-৫ না ভর্তিকেল ত্রান্সমিসন, HIV/AIDS কা মরী লৈনবা স্তিগমা মুত্থৎনবা, লোয়ননা খুদোংথনিংনিংঙাই ওইবা মীওই কাঙলুপশিংদা ক্বালিতী লৈবা STI/RTI সর্ভিসশিং মীপুম তিংনা ফংহন্নবা পান্দম থম্লি‍।

NACP ফেজ-৫ অসি কম্ম্যুনিতী-সেন্তর্দ এপ্রোচ, সিনর্জী বিল্দিং, তেক্নোলোজী ইন্তিগ্রেসন, জেন্দর-সেন্সিতিব রেসপোন্স, অমদি পার্ত্নরসিপ পুরকপা য়াওনা লমজিং পথাপ নিপালদা মীৎয়েঙ থমদুনা অকক্নবা পান্দমশিং ফংনবা শেম্বনি‍। শেল য়াম্না চঙদবা সর্ভিস দেলিভরী ফংহন্নবা হান্না লৈরিবা লৈঙাক্কী স্কীমশিং শীজিন্নদুনা পব্লিক অমসুং প্রাইভেত সেক্তরশিংগা মরুওইবা হীরমশিংদা খুৎশম্ননা চৎমিন্ননবা থৌরাং তৌরি‍।

NACP ফেজ-৫ গী মরুওইবা পান্দমশিং

১.        HIV/AIDS প্রিভেন্সন অমদি কন্ত্রোল:

• হায়-রিস্ক মীওই ৯৫% দা মপুং ওইবা প্রিভেন্সন সর্ভিসশিং শোয়দনা ফংহন্বা‍।
• ৯৫-৯৫-৯৫ তার্গেৎ ফংবা: HIV-পোজিতিব ওইবা মীওই ৯৫% না মখোয়গী ফীভম খঙহন্বা, নারে খঙলবা মীওই ৯৫% লায়েং ফংহন্বা, অমদি অনাবা মীওই ৯৫% ভাইরেল সপ্রেসন ফংহন্বা‍।
• HIV গা শাগোন্নরিবা মীরোন্বী নুপী ৯৫% দা ভাইরেল লোদ নমথদুনা থম্লগা ভর্তিকেল ত্রান্সমিসন মুত্থৎপা‍।
• Less স্তিগমা অমদি দিস্ক্রিমিনেসন থেংনবগী চাং HIV গা শাগোন্নদুনা হিংলিবা মীওই অমদি মরুওইবা মীশিংশিংগী ১০% দগী হন্থহন্বা‍।

২.       STI (সেক্সুএল্লী ত্রান্সমিত্তেদ ইন্ফেক্সন) / RTI (রিপ্রদক্তিব ত্রেক্ত ইন্ফেক্সন) প্রিভেন্সন অমদি কন্ত্রোল:

• খুদোং থিনিংঙাই ওইবা মীওই কাঙলুপশিংদা হায়-ক্বালিতী সর্ভিস মীপুম তিংনা ফংহন্বা‍।
• সিফিলিসকী ভর্তিকেল ত্রান্সমিসন মুত্থৎপা‍।

ৱারোয়শিন

ৱর্ল্দ AIDS দে ২০২৪ না HIV/AIDS মুত্থৎনবা তৌগদবা ৱাৎলিবা থবকশিং নীংশিংহল্লি‍। NACP ফেজ-৫ অমদি মাগী রাইতস-বেজ এপ্রোচকী খুত্থাঙদা, ভারতনা প্রিভেন্সন, ত্রীতমেন্ত, অমদি কেয়রগী লমদা মশক থোক্না খুমাঙ চাওশিল্লে‍। অদুম ওইনমক, মরা তাখ্রবা থোং মান্নদবা অমদি খুন্নাইনা তুক্কৎচনা য়েংনবনচিংবা শিংনবশিংদি মখা তানা মীৎয়েঙ চঙবা মথৌ তারি‍। “তেক দি রাইতস পাথ: মাই হেল্থ, মাই রাইত!” হায়রিবা থীম অসিনা ইনক্লুজিবিতী পুরক্নবা, মীওইবগী হক ঙাক্নবা, অমদি থোন মান্নবা হেল্থকেয়র এক্সেস ফংহন্নবা অপুন্বগী ওইবা মিসন অসিবু কোনশিল্লি‍। মালেম অসিনা ২০৩০ ফাওবদা AIDS মুত্থৎনবা পান্দমগী মায়কৈদা অসুম নকশিল্লকপগা লোয়ননা, ভারতনা হোৎনরিবশিং অসিনা খুৎশম্ননা থবক পায়খৎমিন্নবা, ইনোভেতিব ওইবা লাল্লোং, অমসুং থোং মান্নবা হকশেল ফংহন্নবা লেপ্লিবা খোঙফমগী মতিক ময়াই উৎলি‍। স্ত্রকচরদা লৈরিবা শিংনবশিংগী পাম্বৈ পুথোক্তুনা অমদি মায় পাকপা ইন্তরভেন্সনশিং পাকথোক চাউথোকহন্দুনা, ভারতনা HIV/AIDS গী মায়োক্তা থেংনরিবা মালেমগী লান্থেং অসি লমজিংদুনা মীপুম খুদিংমক্তা হেন্না মশা মউ ফবা অমদি স্তিগমা লৈতবা তুংলমচৎ অমগী লম্বীদা লমজিংনবা খোঙ থাংজিল্লক্লি‍।

রিফরেন্সশিং

https://www.who.int/campaigns/world-aids-day

https://x.com/MoHFW_INDIA/status/1828618507556155485/photo/1

https://pib.gov.in/PressReleasePage.aspx?PRID=2058434

Lok Sabha Unstarred Question No. 2555 Dated 4^th August, 2023

https://naco.gov.in/sites/default/files/NACP_V_Strategy_Booklet.pdf

https://x.com/MoHFW_INDIA/status/1068693667731238912/photo/1

Kindly find the pdf file (0.42 MB, Format: PDF)

*****