این آئی سی کی پروجیکٹ مینجمنٹ یونٹ (پی ایم یو) کی طرف سے  ویب پیجز اور مواد کی باقاعدہ  جانچ کے ذریعے اوپن گورنمنٹ ڈیٹا پلیٹ فارم (data.gov.in) میں موجود ڈیٹا کے معیار کا جائزہ لینے کے لیے مواد کے جائزے کی مضبوط پالیسی نافذ کی  گئی ہے ۔ متعلقہ وزارت/محکمہ کے چیف ڈیٹا آفیسر، ڈیٹا کے معیار اور درستگی کو یقینی بناتے ہیں ۔ ایپلی کیشن پروگرامنگ انٹرفیس (اے پی آئی) کے ذریعے دیگر ایپلی کیشنز اور محکموں کے ساتھ ڈیٹا کے اشتراک اور انٹرآپریبلٹی کی سہولت فراہم  کی جاتی ہے ۔

انڈیا اے آئی ایپلیکیشن ڈیولپمنٹ کی پہل  کا مقصد حقیقی دنیا کے چیلنجوں سے نمٹنے والے موثر اے آئی حلول کی ترقی ، پیمائش اور فروغ میں مدد کرنا ہے۔ اس پہل کے ضمن میں انڈیا اے آئی کی طرف سے اختراعی چیلنجز کااہتمام کیا جارہا ہے  جس میں  اختراع پسندوں ، اسٹارٹ اپس ، اکیڈمیا ، تھنک ٹینک ، صنعت ، سول سوسائٹی ، اور خود مختار اداروں کوتال میل  کرنے اور آبادی کے تناسب میں اختراعی اے آئی حل بنانے کے لیے مدعو کیا جا رہا ہے۔  انڈیا اے آئی مشن مقامی سطح کے ٹولز ، فریم ورک اور گائڈ لائن  بنانے  کی رہنمائی کرتا ہے جو ہندوستانی ڈیٹا سیٹس پر مبنی ہوں اور ہمارے سماجی ، اقتصادی ، ثقافتی اور لسانی تنوع سے مطابقت رکھتے ہوں ۔ انٹیگریٹڈ جیو اسپیشیل ڈیٹا شیئرنگ انٹرفیس (جی ڈی آئی) کا ایک پائلٹ ورژن انڈین انسٹی ٹیوٹ آف سائنس ، بنگلورنے تیار کیا ہے جس سے مختلف ایپلی کیشنز کے لیے ڈیٹا شیئرنگ ، رسائی اور تجزیہ کی سہولت فراہم ہوتی ہے ۔ حال ہی میں ، محکمہ نے سرکاری اور پرائیویٹ اسٹیک ہولڈرز بشمول اختراعات کی حوصلہ افزائی کے لیے تجرباتی پیمانے پر جیو اسپیشیل ڈیٹا اور ٹیکنالوجیز کو مربوط کرنے کے ممکنہ استعمال کو ظاہر کرنے کے لیے آپریشن دروناگیری کا بھی آغاز کیا ہے ۔

او جی ڈی پلیٹ فارم کا نظم حکومت کی رہنما ہدایات اور ڈیٹا کے تحفظ کی  پالیسیوں پر عمل کرتے ہوئے کیا جاتا ہے ۔ محکموں کو ڈیٹا سیٹ کی تیاری ، ڈیٹا سیٹ کی شیئرنگ ، میٹا ڈیٹا کی وضاحت اور ڈیٹا پبلشنگ کے پورے ورک فلو ، فیڈ بیک مینجمنٹ وغیرہ کے حوالے سے تکنیکی مشورے فراہم کیے جا رہے ہیں ۔ انفارمیشن ٹکنالوجی ایکٹ ، 2000 کے تحت انفارمیشن ٹکنالوجی (معقول سکیورٹی پریکٹس اور طریقہ کار اور حساس ذاتی ڈیٹا یا معلومات) رولز ، 2011 (ایس پی ڈی آئی رولز) مناسب حفاظتی طریقوں اور باخبر رضامندی ، رسائی کےکنٹرول اور آڈیٹنگ کے عمل جیسے طریقہ کار کے لیے درکار فریم ورک کا التزام کیا گیا ہے ۔ مزید برآں ، افراد کے ذاتی ڈیٹا کی حفاظت اور اس بات کو یقینی بنانے کے لیے کہ ان کا ڈیٹا صرف ان کی رضامندی سے شیئر کیا جائے ، ڈیجیٹل پرسنل ڈیٹا پروٹیکشن ایکٹ 2023 (ڈی پی ڈی پی ایکٹ) نافذ کیا گیا ہے ۔ ڈی پی ڈی پی ایکٹ کا مقصد لوگوں کے ذاتی ڈیٹا کی حفاظت کرنا اور قانونی مقاصد کے لیے ذاتی ڈیٹا کی پروسیسنگ کو یقینی بنانا ہے ۔ ڈی پی ڈی پی ایکٹ میں یہ واضح کیا گیا ہے کہ ذاتی ڈیٹا کی پروسیسنگ کے لیے مناسب تکنیکی اور تنظیمی تدابیر کو نافذ کیا جانا چاہیے اور ذاتی ڈیٹا کی خلاف ورزی کو روکنے کے لیے مناسب حفاظتی اقدامات کیے جانے چاہئیں ۔ ڈی پی ڈی پی ایکٹ ایک ایسا فریم ورک قائم کرتا ہے جو تنظیموں کو اپنے ڈیٹا کے بنیادی ڈھانچے کو بہتر کرنے ، محفوظ ٹیکنالوجیز کو اپنانے اور ڈیٹا کے تحفظ کے ذریعے باخبر طریقوں کو نافذ کرنے پر آمادہ  کرتا ہے ۔ محفوظ ، ڈیٹا تک بروقت رسائی  اور ڈیٹا پروٹیکشن کے اصولوں کی پیروی پر زور دینے سے متوازن نقطہ نظر پیدا ہوتا ہے ، جو ذاتی ڈیٹا کی پروسیسنگ میں ذمہ داری اور شفافیت دونوں کو یقینی بناتا ہے ۔ ان کوششوں کا مقصد لوگوں کو اپنے ذاتی ڈیٹا پر زیادہ کنٹرول فراہم کرنا ہے اور اس اعتماد کو فروغ دینا ہے کہ تنظیموں کے ذریعہ ان کی معلومات پر کس طرح کارروائی کی جاتی ہے ۔ ڈی پی ڈی پی ایکٹ کو ابھی نافذ نہیں کیا گیا ہے اور ڈی پی ڈی پی ایکٹ نافذ ہونے کے بعد آئی ٹی ایکٹ 2000 کی دفعہ 43 اے منسوخ ہوجائے گی۔

یہ معلومات سائنس اور ٹیکنالوجی کی وزارت کے وزیر مملکت ڈاکٹر جتیندر سنگھ نے آج لوک سبھا میں ایک تحریری جواب میں فراہم کیں ۔

 

 

-----------------------

ش ح۔م ش ع۔ ع ن

U NO: 3099

(रिलीज़ आईडी: 2078383) आगंतुक पटल : 96