میزورم کے چھوٹے سے گاؤں ’روتلانگ ویسٹ‘ کے باشندے  نانڈو کے خاندان کو اپنی بقا کے لیے مسلسل جدوجہد کا سامنا کرنا پڑا ۔ ایک یومیہ اجرت والے مزدور کی حیثیت سے نانڈو نے اپنی بیوی اور پانچ بچوں کی پرورش کے لیے انتھک محنت کی ۔ پھر بھی ، کوئی بھی کوشش ان کے حالات زندگی کی سخت حقیقت کو تبدیل نہیں کر سکی ۔ رسنے والی چھت ٹوٹی ہوئی دیواروں والے ان کے خستہ حال  گھر  میں موسمی احوال سے  بہت کم تحفظ فراہم ہوتا تھا ۔

مانسون کے دوران چھت سے بارش کا پانی بہہ کر ان کے کپڑوں اور بستروں کو بھگو دیتا تھا ۔ سردیاں ناقابل برداشت حد تک  سرد گزرتی تھیں ، تیز سرد ہوائیں گھر کے نازک ڈھانچے کے اندر سے ہوکر  گزر رہی تھیں ۔ ہر سرد رات کے ساتھ اس کے خاندان کی صحت اور ذہنی سکون ناپید ہوجاتا تھا کہ آیا ہمارا گھر برقرار رہے گا یا نہیں ۔

اس کے خاندان کو کچھ راحت 2017 میں اس وقت ملی جب نانڈو کا نام پردھان منتری آواس یوجنا-دیہی  (پی ایم اے وائی – جی)کے مستفیدین کی فہرست میں نظر آیا۔   کمزور دیہی خاندانوں کو پختہ مکانات فراہم کرنے کے لیے بنائی گئی اس اسکیم سے نانڈو کو اپنے خاندان کے لیے ایک محفوظ گھر بنانے کا موقع ملا ۔اسکیم کی مالی مدد اور  مقامی حکام کے تعاون سے ان کے گھر کی تعمیر شروع ہوئی ۔

ضلع لنگلئی ، میزورم

سال کے آخر تک یہ خاندان اپنے نئے گھر میں منتقل ہو گیا ۔ یہ گھر سادہ اور مضبوط ڈھانچے کا تھا ، جو سخت موسم کا مقابلہ کرنے اور خاندان کو محفوظ پناہ گاہ فراہم کرنے کے لیے بنایا گیا تھا ۔ نئے  گھر ملنے سے نانڈو کے خاندان میں تحفظ کا گہرا احساس پیدا ہوا ۔ انہیں اب اس بات کی فکر نہیں رہی کہ بارش کا پانی ان کے گھر میں بھر جائے گا یا ٹھنڈی ہوائیں ان کے بچوں کو بیمار کر دیں گی ۔ ان کا پختہ گھر موسمی عوامل کے خلاف مضبوطی سے کھڑا تھا ، جس سے انہیں مسرت اور استحکام میسر آیا ۔ اس نئے تحفظ سے نانڈو کو فخر اور وابستگی کا احساس بھی ہوا ۔ اس طرح پہلی بار ، اس کا خاندان کسی شرمندگی یا تبصرے  کے خوف کے بغیر اپنے گھر میں مہمانوں کا استقبال کر سکتا تھا ۔

نانڈو کی کہانی پی ایم اے وائی-جی کی  انقلابی طاقت کا ثبوت ہے ، جسے حکومت ہند نے 2016 میں ’’سب کے لیے اپنامکان‘‘ کے وژن کو پورا کرنے کے لیے شروع کیا تھا ۔ یہ اسکیم کچے گھروں میں یا بغیر گھر  والے دیہی خاندانوں کو ضروری سہولیات کے ساتھ پختہ مکانات فراہم کرنے پر مرکوز ہے ۔ پی ایم اے وائی-جی کی اہم خصوصیات میں کم از کم 25 مربع میٹر کے مکانات کی تعمیر کے لیے مالی امداد فراہم کرنا شامل ہے ۔ اس اسکیم میں کمزور طبقوں کو ترجیح ملتی ہے جیسے بے گھر خاندان ، ایسے گھر انے جن میں خواندہ بالغ افراد  نہیں ہیں ، اور جو آمدنی کے لیے عارضی مزدوری پر انحصار کرتے ہیں ۔ اس اسکیم کے تحت پسماندہ طبقوں بشمول درج فہرست ذاتوں، درج فہرست قبائل اور سماج کے دیگر پسماندہ طبقات کی مدد پر خصوصی زور دیا جاتا ہے ۔

اس طرح کے ہدف بند اقدامات کے ذریعے ، یہ پروگرام اس بات کو یقینی بناتا ہے کہ نانڈو جیسے سب سے زیادہ مستحق گھرانوں کو سب سے  پہلے فائدہ پہنچے۔

آج  نانڈو اور اس کا کنبہ ذہنی سکون کے ساتھ زندگی بسر کر رہا ہے  اور انہیں  بے گھر ہونے کے خوف یا فطرت کی سختی  کا بوجھ گراں نہیں محسوس ہوتا ۔ ان کا پختہ مکان صرف ایک پناہ گاہ سے بڑھ کر ہے ہے ؛ یہ ان کے لیے امید ، استقامت  اور ترقی کی علامت ہے ۔

حوالہ جات

https://pmayg.nic.in/netiay/PBIDashboard/PMAYGDashboard.aspx

https://rd.mizoram.gov.in/page/pmay-g

https://static.pib.gov.in/WriteReadData/specificdocs/documents/2024/nov/doc20241119437801.pdf

PMAY Success stories

 

-----------------------

ش ح۔م ش ع۔ ع ن

U NO: 3095

(Release ID: 2078334) Visitor Counter : 11